ESAIA 9:17 - Jinghpaw Common Language Bible 2009

¹⁷ Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

Jinghpaw Hanson Version Bible

¹⁷ N hkru n hkra ai gaw wan zawn hkru nga nna, ju hpun hte tsing hpe shamyit kau mu ai; dai gaw maling na singwum ni hta mung kap nna, wan hkut shadaw ntsa de mawng nga ai.

ESAIA 9:17 ပူးပေါင်းရင်းမြစ်များ

YOBA 15:34

Karai Kasang hpe n kam n sham ai masha ni a amyu matu ni nga na n rai; wan gaw mayun gumhpraw la nna gap da ai nta ni hpe hkru shamyit kau na ra ai.

SHAKAWN KUNGDAWN 109:12

Shi hpe matsan yu dum ai masha kadai mung n nga u ga; shi kau da ai jahkrai nmai ni hpe kadai mung n lanu lahku nga u ga.

SHAKAWN KUNGDAWN 147:10

N-gun ja ai gumra ni hpe shi n ra sharawng nga ai hte share shagan ai hpyenla ni hpe shi yu kabu nga ai n rai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 10:2

Dai re ai majaw she, nanhte gaw matsan mayan masha ni lu la ang ai ahkaw ahkang hte teng man rap ra ai tara lu la na hpe hkum pat da nga myit dai. Nanhte gaw gaida gaina ni hte jahkrai nmai ni madu da ai sut gan ni hpe la kau ya nga myit dai.

ESAIA 10:4

Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 13:18

Shanhte gaw shanhte a ndan pala ni hte shabrang ni hpe sat kau na mara ai. Shanhte gaw ma chyangai ni hpe matsan dum ma ai n rai, ma kaji ni a ntsa e mung n-gaw nwai ai myit rawng ai n rai.

ESAIA 14:20

Nang gaw na a mungdan hpe jahten sharun kau nna na a amyu masha ni hpe nan sat kau nit dai majaw, nang gaw kaga hkawhkam ni zawn lup makoi hkrum na ndai n rai. Na a n hkru ai dinghku masha ni kadai mung hkrung nga na mara ai n rai.

ESAIA 24:5

Mung masha ni gaw Karai Kasang a hkang da ai tara ni hpe jahten kau ai hku nna mung, prat dingsa agrin nga na matu shi jaw da ai ga shaka ni hpe shut hpyit kau ai hku nna mung, ginding aga hpe awu asin di kau manu ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 3:8

Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

ESAIA 31:2

Shi gaw shi hpa galaw nga ai hpe chye nga a hka! Shi gaw tsin-yam tsindam dat dat nga ai. Shi gaw n hkru ai amyu masha ni hte shanhte hpe makawp maga ai ni hpe ari jaw na matu jahkrit sharim nga ai.

ESAIA 31:3

Egutu masha ni gaw karai ni n rai ma ai-shanhte gaw shinggyim masha sha rai ma ai. Shanhte a gumra ni gaw shingra tara hta grau ai wenyi n rai ma ai. Dai Madu amu galaw ai shaloi, n-gun ja ai masha amyu baw gaw hpyai rai mat na ra ai, karum la hkrum ai n-gun kya ai masha amyu baw mung di hkrat mat na ra ai. Shan gaw jahten kau ai hkrum na mara ai.

ESAIA 33:11

Nanhte gaw kaman lila amu hpe maw mawn myit dai, nanhte galaw ai lam magup akyu n rawng nga ai. Nye a wenyi gaw nanhte hpe jahten kau na ra ai wan zawn rai nga li ai.

ESAIA 33:12

Nanhte gaw ju ai namhtun nlung ni hte dap tai mat hkra hkru ai ju hpun ni zawn mani mat na marin dai.

ESAIA 40:30

Brang ji ni pyi n-gun yawm nna; wa-ngan shabrang ni hki ba ai hte kataw lu nga ma ai.

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 62:5

Shabrang wa gaw hkawn jet hpe shi a matu num nnan shatai la ai zawn Shi nang hpe hkrang shachyaw ai hte hkungran la na ra ai. La nnan gaw shi a num nnan jan hpe ra sharawng ai zawn, Na a Karai Kasang gaw nang hpe ra sharawng na ra ai.

ESAIA 65:19

Yerusalem hte dai hta nga ai amyu masha ni a majaw, ngai hkum nan kabu gara ai hte hpring nga na nngai. Dai mare hta hkrap ngu hkrap ngoi nga na n rai, karum la na matu saw shaga ai nsen na lu na n rai.

ESAIA 9:12

Sinpraw maga nga ai Suri mung hte sinna maga nga ai Hpilisti mung ni gaw Israela hpe mayu kau na matu shanhte a n-gup ni hpe mahka tawn da manu ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

ESAIA 9:21

Manashe hte Ehprim amyu masha ni gaw shada da gasat hkat ma ai, shan lahkawng gaw Yuda hpe jawm gasat ma ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

YEREMIA 18:21

Rai ti mung, ya chyawm gaw Madu e, shanhte a kashu kasha ni hkuwa hkrum nna si mat manu ga; shanhte mung hpyen majan hta sat kau ai hkrum manu ga; numsha ni hpe ma n lu shangun ai hte gaida shabyin ya u; dinghku la ni mung ana zinli hta si htum mat nna shabrang ni majan pa hta sat kau ai hkrum manu ga.

YEREMIA 5:1

Yerusalem amyu masha ni e, na a nmaw lam hku hprawng mu! Makau grup yin de mada yu mu! Nanhte hkum ni hpe yu yu mu! Shawa gat ginra ni hkan sawk tam yu mu! Ding hpring ai amu galaw nna Karai Kasang hta kangka nga na matu shakut ai masha langai mi hpe nang mu tam n ni? Nang mu tam ai rai yang, dai Madu gaw Yerusalem hpe mara dat ya na ra ai.

EZEKELA 20:33

“Ngai gaw Tsaw Htum ai dai Madu, ahkrung nga ai Karai Kasang rai nga nngai, dai majaw nye a masin kahtet ai hta ngai nanhte hpe nye a n-gun ja ai lata, nye a daru magam n-gun mahkra hte up na nngai, ngu ngai nanhte hpe shadum nngai.

AMO LAIKA (AMOS) 4:10

“Egutu mung hta ngai dat dat ai ana zinli hte bung ai palik ana zinli hpe nanhte a ntsa de mung ngai shangun dat ni ai. Nanhte a shabrang ni hpe majan pa hta, ngai sat kau ya ni ai; nanhte a gumra ni hpe mung ngai la kau ya ni ai. Nanhte a dap hta si mang ni a manam hkying ai hte nanhte a ladi ni hta ngai jahpring ya ni ai. Shing rai tim, nanhte ngai kaw nhtang wa myit dai n rai.

AMO LAIKA (AMOS) 8:13

Dai shani e, hkam kaja ai shabrang ni hte numsha ni pyi hpang gara ai hte ba kalawp mat na mara ai.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? Hpa majaw nga yang, kraw hta hpring chyat nga ai kaw na, n-gup de tsun nga ai.

MAHTE 16:3

Bai, jahpawt manap jau e lamu hkyeng nna sin nga ai rai yang, ‘Lamu marang wa na ra ai, nga nna nanhte tsun ga myit dai.” Shing rai, lamu a man hpe yu nna lamu marang a lam hpe nanhte chye tau tsun lu myit dai, rai ti mung ndai prat na aten a kumla ni hpe n chye htai ginhka la myit dai.