ESAIA 9:12 - Jinghpaw Common Language Bible 2009

¹² Sinpraw maga nga ai Suri mung hte sinna maga nga ai Hpilisti mung ni gaw Israela hpe mayu kau na matu shanhte a n-gup ni hpe mahka tawn da manu ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

Jinghpaw Hanson Version Bible

¹² Amyu masha ni chyawm gaw, ari jaw ai wa hpang de kayin wa ai n rai; Zaw nawng zaw wa up ai Yehowa hpe tam ma ai n rai.

ESAIA 9:12 ပူးပေါင်းရင်းမြစ်များ

2 HKAWHKAM 16:6

(Dai aten hta nan Edom hkawhkam gaw Elat mare hpe bai lu la nu ai rai nna dai mare e nga ai Yuda masha ni hpe shaden kau wu ai. Dai rai nna dai yang e Edom masha ni gaw dai ni du hkra naw nga nga ma ai.)

2 HKAWHKAM LABAU 28:18

Dai aten hta nan Hpilisti masha ni mung sinna maga de nga ai bum lagaw ni hkan na mare ni hte Yuda mung a dingda maga de na mare ni hpe sa shang hpya ma ai. Shanhte gaw Bet Sheme mare, Aiyalon mare, Gederot mare ni hpe mung, Sohko mare, Timna mare hte Gimzo mare ni hte de a kahtawng ni hte hpawn gasat kashun la nna dai hkan e dinggrin a nga nga ma ai.

SHAKAWN KUNGDAWN 79:7

Shanhte gaw na a amyu masha ni hpe sat kau ma ai, na a mungdan hpe mung, shanhte jahten sharun kau manu ai.

ESAIA 10:4

Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 11:14

Shanhte gaw sinna maga de nga ai Hpilisti masha ni hpe jawm gasat na mara ai, sinpraw maga de nga ai masha ni a sut gan hpe kashun la na mara ai. Shan gaw Edom hte Moba mung masha ni hpe gasat dang kau na mara ai, Amon masha ni gaw shan a ga hpe madat mara na mara ai.

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

ESAIA 9:21

Manashe hte Ehprim amyu masha ni gaw shada da gasat hkat ma ai, shan lahkawng gaw Yuda hpe jawm gasat ma ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

YEREMIA 10:25

Nang hpe n nawku ai hte nang hpe ningdang kau ai masha amyu baw ni a ntsa e, na a masin kahtet ai ru jaw bun u. Shanhte gaw na a amyu masha ni hpe sat kau manu ai; shanhte gaw anhte hpe atsai awai shamyit kau manu ai hte anhte a mungdan hpe jahten sharun kau da manu ai.

YEREMIA 15:7

Ngai gaw nang hpe mungdan na mare shagu hta nbung e shapoi hkrum ai yihku zawn kabai kau nngai. Nye a amyu masha ni e, ngai nang hpe jahten sharun kau nngai, nang gaw na a n hkru ai lam ni hpe n jahkring da nga ndai majaw, na a kashu kasha ni hpe ngai sat kau ni ai.

YEREMIA 35:11

Rai ti mung, Hkawhkam Nebuhkadneza gaw mungdan hpe gasat shang wa ai shaloi Babelon hte Suri hpyen luksuk ni a lata kaw na hprawng yen mat wa na matu, Yerusalem mare de lung wa na anhte myit jahkut kau saga ai. Dai lam a majaw, anhte Yerusalem mare hta shanu nga ga ai,” ngu nna htan ma ai.

YEREMIA 4:8

Dai rai nna lachyit nba bu hpun ai hte hkrap ai hte sharung shayawt nga mu; hpa majaw nga yang, dai Madu a sindawng kahtet ai gaw Yuda mung kaw nna dawm la kau nu ai n rai.

EZEKELA 16:27

“Ya chyawm gaw, ngai nang hpe ari jaw na matu hte nye a shaman chyeju kaw na na a kamhtaw di kau ya na matu, nye a lata hpe sharawt da ni ai. Ngai gaw na a nse ai amu ni hpe matsat nga nngai, nang hpe n dawng ai Hpilisti ni a lata de nang hpe ap kau ni ai.

EZEKELA 6:14

Rai sa, ngai gaw shanhte kaw du dep nang nna shanhte a mungdan hpe jahten kau na nngai. Ngai gaw dai mungdan hta Israela amyu masha ni gara shara hta mung n nga lu hkra, dingda maga de nga ai zaibru jang kaw nna dingdung maga Ribla mare du hkra shingran katsi ai shara shatai kau na nngai. Shaloi masha shagu hte gaw Ngai nan dai Madu rai nga nngai hpe chye na mara ai,” ngu nna tsun wu ai.

HOSEA 7:10

Israela amyu masha ni a myit tsaw myit dap ai gaw shanhte a matu sari jahpoi hkrum na lam rai nga ai. Lam magup byin hkrum hkra nga ma tim, shanhte gaw dai Madu shanhte a Karai Kasang ngai hpang de n kayin wa ma ai.

AMO LAIKA (AMOS) 4:10

“Egutu mung hta ngai dat dat ai ana zinli hte bung ai palik ana zinli hpe nanhte a ntsa de mung ngai shangun dat ni ai. Nanhte a shabrang ni hpe majan pa hta, ngai sat kau ya ni ai; nanhte a gumra ni hpe mung ngai la kau ya ni ai. Nanhte a dap hta si mang ni a manam hkying ai hte nanhte a ladi ni hta ngai jahpring ya ni ai. Shing rai tim, nanhte ngai kaw nhtang wa myit dai n rai.

AMO LAIKA (AMOS) 4:11

“Ngai gaw Sodom hte Gomora hpe jahten sharun kau ai zawn nanhte nkau mi hpe jahten kau ni ai. Naw ngam nga ai nanhte gaw wan mang kaw na shaw la ai hkru nga ai wan nhtaw daw zawn rai nga myit dai. Dai rai ti mung, nanhte ngai kaw nhtang wa myit dai n rai,” nga nna dai Madu tsun ai.

AMO LAIKA (AMOS) 4:6

“Ngai gaw nanhte a mare shagu de hkuwa shabyin dat ai wa rai nga nngai, ti mung nanhte ngai hpang de nhtang wa myit dai n rai.

AMO LAIKA (AMOS) 4:8

Hpang gara nna n-gun kya nga ai mare law law na masha ni gaw hka mu tam la na myit mada mai ai mare de sa ma ai, rai ti mung dai yang e, lu na hka alaw alam nga nga ai n rai. Shing rai tim, nanhte ngai kaw nhtang wa myit dai n rai.

AMO LAIKA (AMOS) 4:9

“Nanhte a hkai nmai nsi naisi ni hpe jahkraw kau shangun na matu kahtet kang ai nbung dat dat nngai. Hkakrit kadawn ni nanhte a sun ni, sabyi sun ni, lakum hpun ni hte tsanlun hpun ni yawng hpe sha kau ma ai. Shing rai tim, nanhte ngai kaw nhtang wa myit dai n rai.

ZEHPANI 1:6

Ngai kaw nna kayin mat wa ai ni hte ngai kaw sa du nna hkan nang na loi mi mung n myit ai ni hte shanhte hpe lam woi na matu ngai hpe hpyi lajin ai lam n nga ai ni hpe ngai jahtum kau na mawe ai,” nga nna tsun nga ai.

ZEHPANI 3:2

Dai mare gaw dai Madu a nsen n madat ai hte matsun maroi ga ni hpe mung n hkap la nga ma ai. Dai Madu hta kam hpa ai lam n nga ai sha n-ga, karum la na matu hpyi lajin ai lam mung n galaw ma ai.

TARA JAHPRANG 31:17

Dai zawn byin wa ai shaloi, ngai gaw masin pawt wa nna shanhte hpe kabai kau na mawe ai. Shaloi shanhte hten byak ai hkrum na mara ai. Hkrit hpa ru yak tsin-yam tsindam law law gaw shanhte a ntsa e du pru wa nna shanhte a Karai Kasang ngai nan shanhte hte rau n nga ai a majaw dai tsin-yam tsindam ni pru wa nga ai hpe shanhte myit dum wa na mara ai.