ESAIA 8:9 - Jinghpaw Common Language Bible 2009

⁹ Amyu baw ni e, hkrit ai myit hte rau hpawng shinggyin nga mu! Mungkan ga a sumtsan shara na masha ni e, madat mara nga mu. Gasat na matu hkyen da mu, rai ti mung hkrit tsang nga myit! Rai sa, jin jin rai nga ti mung, hkrit tsang nga mu!

Jinghpaw Hanson Version Bible

⁹ Amyu baw ni e, kabring kabrawng nga timung, agrawp kau ai hkrum mu; sumtsan mung na ni e, madat mara nga mu; shingkyit kyit timung, agrawp kau ai hkrum mu;

ESAIA 8:9 ပူးပေါင်းရင်းမြစ်များ

1 HKAWHKAM 20:11

Hkawhkam Ahab gaw, “Hpyenla jet gaw majan garai n sa yang lu grang ai n rai; majan ngut ai hpang mahtang gumrawng ging nga ai lam, Hkawhkam Benhadad hpe wa tsun ya mi,” ngu nna htan wu ai.

GA SHAGAWP 11:21

N hkru ai masha ni ari hkrum na hpe nang teng tup myit hkawn lu ti mung; ding hpring ai masha ni chyawm gaw lawt wa na mara ai.

ESAIA 28:13

Dai re ai majaw, dai Madu gaw nanhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, sharin ya na ra ai. Dai hpang nanhte hkawm sa wa ai lagaw lahkam shagu ahtu kataw wa na marin dai. Nanhte gaw hkala nba hkrum ai hte mahkam hkam hkrum nhtawm bawng masha tai mat na marin dai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 54:15

Nye a myit hkrum ai lam n lawm ai sha nang hpe htim nna, gasat ai wa kadai mung hkrat sum mat na ra ai.

YEREMIA 42:11

Babelon hkawhkam wa hpe hkum hkrit nga myit. Ngai gaw nanhte hte rau rai nga nngai. Ngai gaw nanhte hpe shi a lata kaw na mawai la na nngai.

YEREMIA 46:3

“Egutu du salang ni gaw, ‘Nanhte a hpyen ninggang ni hpe jin jin di nna majan pa de rawt sa wa mu!

YEREMIA 46:4

Nanhte a hpyen gumra hking byau nhtawm dai ni hta lung jawn mu! Hpyen gumra ni hpe dingren shatsap da nna nanhte a hpri gupchyawp ni chyawp da mu! Nanhte a hpyen nri ni hpe masen da mu! Nanhte a hpyen hking ni hpe sumraw da mu!,’ nga nna jahtau tsun ma ai.

YEREMIA 51:20

Dai Madu gaw, “Babelon e, nang gaw nye a sumdu, nye a majan laknak rai nga ndai. Ngai gaw masha amyu baw ni hte mungdan ni hpe agrawp mani kau na matu mung,

EZEKELA 38:7

Jin jin rai nga na matu mung, shi a hpyen hpung ni yawng shi a hkang da ai ga hta jin jin rai nga na matu shi hpe tsun u.

EZEKELA 38:8

Shaning law law lai mat wa ai hpang, masha amyu baw ni law law a lata kaw na rau sha woi nhtang wa nna hpyen majan hpa mung n hkrit n tsang ra sai hte amyu masha ni shanu nga ai mungdan hpe shang gasat na matu ngai shi hpe ahkang jaw ya na nngai. Shi gaw aten na na katsi katsang tai mat nna jahkam da sai rai ti mung, ya, dai mungdan hta amyu masha ni yawng shim lum ai hte shanu nga sai Israela bum ni hpe shang gasat na ra ai.

YAWSHU 11:5

Ndai hkawhkam ni yawng rau hpawng nna n-gun galung la nhtawm Israela amyu masha ni hpe htim gasat na matu Merom hka shi makau e dap jung da nga ma ai.