ESAIA 8:7 - Jinghpaw Common Language Bible 2009

⁷ Ngai Madu nan Asuri hkawseng hte shi a hpyen luksuk ni yawng hpe woi sa nna, Yuda mung hpe gasat kau shangun na nngai. Shanhte gaw hka hkin-gau hte daru ni yawng hpe lim kau shangun lu ai Uhprat hka nu a hka hpungla zawn rawt lung wa na mara ai.

Jinghpaw Hanson Version Bible

⁷ yu mu, Madu gaw, Asuri hkawhkam hte shi a hpung shingkang ting ngu ai, galu kaba ai hte hpungla ja la ai hkanu hpe, shanhte a ntsa e lwi shangun nna, dai gaw hka hkin-gau hte daru ni hpe lim kau ai hte,

ESAIA 8:7 ပူးပေါင်းရင်းမြစ်များ

NINGPAWT NINGHPANG 6:17

Ngai mung asak hkrung ai ni yawng hte hpe shamyit kau na matu ga ntsa de hka kaba hte sha-u sha-ing dat na nngai. Ga ntsa na nga manga hte gaw si htum mat na mara ai,

2 HKAWHKAM 19:32

“Ndai lam gaw Asuri Hkawseng wa hte seng ai dai Madu tsun da sai mungga rai nga ai: ‘Shi gaw dai mare de shang wa lu na n rai: dai mare kata de pala langai mi pyi gap bang lu na ra ai n rai. Dai mare makau hkan e mung, hpyenla ni hpyen ninggang shaw madun lu na n rai, ga sumpum ni hpe gawan da lu na ra ai n rai.

EZRA 4:10

tinang dum nta kaw na htawt sa wa ai dai galu kaba nna daru magam n-gun rawng ai Ashubanipala gaw Samari mare hte Uhprat mungdaw a sinna maga de nga shangun ai kaga masha yawng kaw nna ka dat nga ai.”

SHAKAWN KUNGDAWN 46:4

Karai Kasang a mare ngu ai, Tsaw Htum Ai Wa a chyoi pra ai nta hpe kabu gara shangun ai hka nu langai mi nga nga ai.

SHAKAWN KUNGDAWN 72:8

Shi a mungdan gaw panglai kaw nna panglai du hkra, Uhprat hka nu kaw nna mungkan ga a jut mi de du hkra, dam lada wa na ra ai.

ESAIA 10:16

Chyahtum Chyalai N-gun rawng ai dai Madu gaw ya hpum sau nga ai ni hpe ari jaw na matu ana zinli dat dat na ra ai. Shanhte a hkum ni hta wan rawng nga nna, dai gaw hkru chyu hkru nga na ra ai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 11:15

Dai Madu gaw Nawng Hkyeng hpunggaw hpe jahkyet kau na ra ai, shi gaw Uhprat hka nu hpe hkun hkraw shangun na matu kahtet ai nbung shaga dat na ra ai, grai kaji ai hka shi sanit hpe sha tawn da na ra ai, shaloi kadai mung lai hkawm lu na ma ai.

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 28:17

Teng man rap ra ai gaw npawt nhpang a matu shadawn sumri tai na ra ai, ding man ai gaw de a joi si sumri rai na ra ai,” ngu nna tsun ai. Sin marang gaw nang manoi nga ai masu magaw ga mahkra hte hpe ye magawn mat wa nhtawm, mawru hka hpungla gaw nanhte a shim lum ai nga shara hpe agre jahten kau ya na ra ai.

ESAIA 28:2

Dai Madu gaw shanhte hpe gasat na matu n-gun rawng nna daru magam rawng ai masha langai lu nga ai, dai wa gaw sin nbung laru, marang hka hpungtun hte hka hpungla kaba agre mat wa ai zawn mungdan hpe ka-up kau na ra ai.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 59:19

Sinpraw maga kaw nna sinna maga de du hkra nga ai masha shagu hte gaw shi hpe mung, shi a galu kaba ai daru magam n-gun hpe mung hkrit kamyin wa na mara ai. Shi gaw agre yu wa ai hka nu hpungtun hte nbung bung ja zawn du sa wa na ra ai.

ESAIA 7:17

“Israela mungdan gaw Yuda mungdan kaw nna hka garan mat wa ai kaw nna ya du hkra n byin yu ai ru tsang tsin-yam tsindam a nhtoi ni gaw nanhte a ntsa e mung, nanhte a amyu masha ni a ntsa e mung, hkawhkam hkawseng dinghku ting a ntsa e mung dai Madu shapraw na ra ai. Shi gaw Asuri hkawhkam wa hpe woi sa wa na ra ai.

ESAIA 7:20

“Dai aten du ai shaloi, Madu gaw Uhprat hka nu a wora hkran e nga ai kara shangun ai wa ngu ai Asuri hkawseng wa hpe saw shaga dat na ra ai! Shi gaw nanhte a nhka mun, nanhte a baw ntsa e tu ai kara ni hte nanhte a hkum hkan tu nga ai mun ni hpe shangun kau ya na ra ai.

YEREMIA 47:2

Shi gaw, “Yu mu! Dingdung shara hta hka ni rawt tung nga ai, dai gaw hka nu hpungtun zawn agre yu wa na ra ai. Dai gaw mungdan hpe mung, dai hta rawng marawng ni hpe mung, mare ni hte dai mung hta shanu nga ai amyu masha ni hpe mung ka-up kau na ra ai. Amyu masha ni mung karum la na matu tsun jahtau na mara ai; ginding aga ntsa na masha shagu hte gaw ahkup ahka nga hkra hkrap na mara ai.

YEREMIA 51:42

Panglai hka gaw Babelon mung de ka-up lung wa nna wu kadu ai hka leng ni hte dai mung hpe lim kau nga sai.

EZEKELA 26:19

Tsaw Htum ai dai Madu gaw ning nga tsun ai: “Ngai gaw nang hpe masha kadai mung n shanu ai hte hten run mat sai mare ni zawn katsi katsang shara shatai kau na we ai. Ngai nang hpe sung ai nammukdara hka hte ka-up kau na nngai.

Daniela 11:10

“Suri hkawhkam a shadang sha ni majan a matu hkyen lajang na nga luksuk kaba jahpawng tawn da na mara ai. Shanhte hta na langai mi gaw mawru hka zawn agre ye mat wa nna gumlau hpyen dap hpe htim gasat na mara ai.

Daniela 11:22

Shi hte nhtan shai ai ni kadai mung Karai Kasang a Hkinjawng Kaba wa du hkra pyi magawn kau ai yeng seng kau hkrum na ra ai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

AMO LAIKA (AMOS) 8:8

Dai rai nna ginding aga gaw ashun wa na ra ai, mungdan na masha shagu hte mung tsin-yam tsindam hkrum sha na mara ai. Mungdan ting gari ashun wa nna dai gaw Nila hka nu zawn rawt tung wa nna hkyet mat wa na ra ai.

AMO LAIKA (AMOS) 9:5

Chyahtum Chyalai N-gun rawng ai Tsaw Htum ai dai Madu gaw ginding aga hpe ahtawk hkra dat ai hte dai gaw ashun nga ai; dai hta nga ai ni yawng sharung shayawt nga ma ai. Mungkan ga ting gaw Nila hka nu zawn rawt tung wa nna kyet mat nga ai.

MIHKA 1:9

Samari a ningma ni hpe tsi lajang lu na n rai; Yuda mung mung dai hte maren nni nkri hkam sha ra nna, dai gaw nye a amyu masha ni shanu nga ai Yerusalem chyinghka ni de du hkra jahten shaza ai lam hkan dep nang nga ai,” ngu nna tsun ni ai.

MIHKA 5:4

Shi du sa ai shaloi, shi gaw dai Madu kaw nna n-gun atsam hte Madu Karai Kasang shi hkum nan a daru magam hpung shingkang hte shi a amyu masha ni hpe up hkang wa na ra ai. Shi a amyu masha ni mung shim lum ai hte nga lu na mara ai; hpa majaw nga yang, aga ting na masha ni yawng shi a galu kaba ai magam amu hpe yin la na mara ai,

MIHKA 5:5

shi gaw ngwi pyaw sim sa ai hpe la sa wa na ra ai. Asuri masha ni anhte a mung de shang gasat nna anhte a makawp maga dap ni hpe jahten kau ma ai shaloi, anhte mung shanhte hpe gasat na matu n-gun atsam rawng htum ai ningbaw ni hpe dat dat na ga ai.

NAHUM 1:8

Shi gaw shi a gumlau hpyen ni hpe mawru kaba zawn atsai awai jahten kau nga ai; shi gaw shi hte nhtan shai ai ni hpe shanhte a si du a lata de sa dat ya nga ai.

LUKA 6:48

Dai wa gaw, wahpang gaw yang, sung sung htu nna lunghkrung ntsa e npawt gaw ai wa hte bung nga ai. Hka rawt hka tung wa yang, hka hpungla ni dai nta hpe ahtu adawt rai ti mung, ngang ngang kang kang gaw da sai majaw, dai hpe n shamawt lu ai.

SHINGRAN 17:15

Bai, lamu kasa gaw, “Nang mu ai shawa num dung nga ai hka nu ni gaw, masha mungdan ni, shawa masha wunawng wuwa ni, amyu baw ni hte, ga amyu myi shaga ai amyu ni, rai nga ma ai.