ESAIA 8:4 - Jinghpaw Common Language Bible 2009

⁴ Dai ma gaw Nu e, Wa e, nga nna garai n chye shaga yang, Asuri hkawhkam gaw Damasku mare a sut gan ni hte Samari mung a lanep ni yawng hpe magawn la kau na ra ai,” ngu nna tsun wu ai.

Jinghpaw Hanson Version Bible

⁴ Kaning rai nme law, dai ma gaw, “Nu e, wa e, nga nna garai n chye shaga yang, Damasku mare na sutgan hte, Samari mung na kashun la ai lanep hpe, Asuri hkawhkam magawn la kau na ra ai,” nga ai.

ESAIA 8:4 ပူးပေါင်းရင်းမြစ်များ

2 HKAWHKAM 15:29

Peka hkawhkam galaw nga yang, Asuri Hkawseng Tiglat Pilesa sa du nna, Iyon, Abela Bet Mahka, Yanoa, Kedesha, hte Hazora mare ni hpe mung, Gilead mung Galile hte Naphtali ni hpe gasat dang la nna amyu masha ni hpe bawng masha hku Asuri mung de woi mat wa mu ai.

2 HKAWHKAM 16:9

Tiglat Pilesa mung Ahaza a karum hpyi ai ga hpe madat let, shi a hpyen luksuk hte rau Damasku mare de lung wa nna gasat la wu ai. Hkawhkam Rezin hpe mung sat kau nna mare masha ni hpe Kira shara de bawng masha hku woi mat wa ma ai.

2 HKAWHKAM 17:3

Asuri Hkawseng Shalmanesa gaw shi hpe gasat wu ai. Hoshea asum jaw wu ai rai nna shaning shagu ahkun hkanse shi hpe jaw ya wu ai.

ESAIA 17:1

Dai Madu gaw, “Damasku gaw mare langai hku grin nga lu na ra ai n rai; dai gaw marawng marang ai sumpum sha tai mat na ra ai.

ESAIA 17:3

Israela gaw dahpran shara kata byin mat na ra ai, Damasku gaw shi a awng dawm shanglawt ahkaw ahkang sum mat na ra ai. Naw ngam nga ai Suri masha ni gaw Israela amyu masha ni zawn myi man sum mat na mara ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

ESAIA 28:4

Gumrawng gumtawng ai ningbaw ni a nyui mat ai arawng sadang gaw mangai aten myin wa ai hte rau di sha kau ai shawng na maihpang si zawn shanhte hkoi mat wa na mara ai.

ESAIA 8:5

Dai Madu gaw ngai hpe ga bai shaga ai.

AMO LAIKA (AMOS) 1:3

Dai Madu gaw, “Damasku masha ni lang hte lang yubak galaw shut nga masai; dai lam a majaw ngai shanhte hpe ari teng teng jaw na nngai. Shanhte gaw Gilead masha ni hpe matse gumshem ai myit hte di kau ma ai.

AMO LAIKA (AMOS) 1:5

Ngai gaw Damasku mare chyinghka htinggrang ni hpe agrawp daw kau nna, Awen kadit e nga ai ni hte Behteden hpe up hkang ai wa hpe yeng seng kau na nngai. Suri masha ni gaw Kira mung de bawng masha ni zawn woi mat wa hkrum na mara ai,” ngu nna tsun wu ai.

YONA 4:11

Dai re ai mi, tinang a hkra lata hte pai lata hpe pyi n chye ginhka ai masha sen mi mun lahkawng hte yam nga law law nga ai Ninewe mare kaba hpe ngai grau nna lahpawt dum mai ang nga ai!,” ngu nna tsun wu ai.

ROMA 9:11

Rai ti mung kasha yan pyi garai n shangai ai rai nna kaja ai hte n kaja ai garai n chye galaw ai ten kaw nna pyi Karai Kasang gaw Rebeka hpe, “Na kasha kaba ai wa mahtang kaji ai wa hpe daw jau na ra ai,” ngu nna tsun wu ai.

TARA JAHPRANG 1:39

“Dai hpang dai Madu gaw anhte yawng hpe, ‘Nanhte a gumlau hpyen ni a lata hta rim hkrum na sha rai saga ai, ngu nna nanhte tsun ai ma kaji ni, jaw ai hte n jaw ai hpe chye na na matu nau wa naw kaji nga ai nanhte a ma kaji ni hpe sha dai mungdan, ngai jaw nna shanhte madu la na mara ai.