ESAIA 8:22 - Jinghpaw Common Language Bible 2009

²² ga de azi yu rai na ma ai, rai ti mung shanhte gaw hpa mung n mu, rai ti mung ru yak tsin-yam hte nsin hpe sha mu lu na mara ai, shanhte gaw hkrit shara nsin kata de gawt bang ai hkrum na mara ai.

Jinghpaw Hanson Version Bible

²² ga de mada yu yang, yu mu, ru tsang ai, nsin sin ai hte myit htum ai sin mang hkrai rai nga ai: shanhte gaw nsin htat ai shara de gawt kau ai hkrum na mara ai.

ESAIA 8:22 ပူးပေါင်းရင်းမြစ်များ

YOBA 18:18

Shanhte gaw asak hkrung nga ai dinghta ga kaw nna gawt shapraw kau ai hkrum nna nhtoi kaw nna nsin de gau bang ai hkrum na mara ai.

PRU MAT 10:21

Dai hpang dai Madu gaw Mawshe hpe, “Na a lata lamu de sharawt tawn u; shaloi masawp hkrup lu ai dai htat ai nsin gaw Egutu mung hpe ka-up jasin kau na ra ai,” ngu nna tsun wu ai.

PRU MAT 10:22

Mawshe mung shi a lata hpe lamu de sharawt dat wu yang, Egutu mung ting hta masum ya tup nsin chyip rai mat nga ai.

GA SHAGAWP 14:32

Tara n lang ai masha ni gaw shanhte a n hkru ai bungli hta hkrat sum ai lam hpe shabyin ya nga ai; mai kaja ai masha ni gaw shanhte a ding hpring ai amu hpe makawp maga da nga ai.

ESAIA 30:6

Ndai gaw dingda nam mali e nga ai dusat ni hte seng ai Karai Kasang a mungga rai nga ai: “Dat kasa ni gaw hkanghkyi ni, atuk rawng ai lapu ni hte pyen ai baren ni nga nga ai dai hkrit tsang ra ai mungdan hku ga lai mat wa ma ai. Shanhte gaw shanhte a lawze ni hte gawla-uk ni hta manu dan ai kumhpa ni mara nna, shanhte hpe loi mi pyi n karum ya lu ai amyu baw ni a matu htaw sa ma ai.

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

ESAIA 50:11

Kaga masha ni hpe jahten na maw mawn ai nanhte yawng hte gaw tinang a maw mawn ai amu ni hta jahten shaza ai hkrum na ra ai. Dai Madu gaw shi nan ndai amu hpe shabyin na ra ai; nang gaw nchyi nmu re ai gam maka hkam sha na rai ndai.

ESAIA 50:3

Si hkrung si htan a majaw sharung shayawt ai zawn, ngai gaw sumsing lamu hpe nsin shatai kau lu nga nngai,” ngu nna tsun wu ai.

ESAIA 59:9

Amyu masha ni gaw, “Ya chyawm gaw, anhte hpe dip gamyet nga ai ni a lata kaw na Karai Kasang anhte hpe hpa majaw n hkye la ai hpe anhte chye ga ai. Hkawm sa lu na matu nhtoi anhte myit mada ga ai, rai ti mung nsin sha nga nga ai,

ESAIA 60:2

Kaga masha amyu baw ni gaw nsin hte ka-up da hkrum na mara ai, Rai ti mung dai Madu a nhtoi gaw na a ntsa e htoi tu na ra ai; Shi a htoi kabrim ai hpung shingkang gaw nang hte rau nga nga na ra ai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

ESAIA 9:1

Ndai ru yak tsin-yam tsindam hkrum ai aten kaw nna lawt lu na lam shanhte a matu nga na ra ai n rai. Zebulun hte Naphtali yan a amyu bawsang ni a lamu ga gaw shawng de kalang mi myi man sum yu nga sai, rai ti mung du na ra ai aten hta gaw Ka-ang Panglai a sinpraw maga kaw nna Yawdan hka a wora hkran na lamu ga du hkra, maigan masha ni shanu nga ai Galile ginwang du hkra na dai lamu ga hta arawng sadang lu wa na ra ai.

ESAIA 9:20

Mungdan kata shara shagu hkan shanu nga ai amyu masha ni gaw, shanhte tam la lu ai ahkyep alep re ai lusha kaji kajaw hpe gare sha ma ai, rai ti mung shanhte a kawsi kyet ai gaw galoi mung myit dik lu ai n rai. Shanhte gaw shanhte a kashu kasha ni hpe pyi sha nga ma ai!

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

YEREMIA 23:12

Shanhte hkan ai lam ni gaw manen ai hte nsin sin mat na ra ai; Ngai gaw shanhte hpe ahtu kataw shangun na nngai. Ngai gaw shanhte a ntsa e tsin-yam tsindam shapraw dat na nngai, shanhte hpe ari jaw na aten du wa nga sai. Dai Madu ngai nan tsun ni ai.

MAHTE 22:13

Shaloi dai Hkawhkam wa gaw, shi a ali ama ni hpe, ‘Shi a lagaw lata gyit hkang nna shinggan de na nsin de jahkrat bang kau mu,’ ngu wu ai. Dai yang e hkrap ngu hkrap ngoi ai hte wa udik ai hte nga ra na ra ai.”

MAHTE 24:29

“Bai, dai ru tsang ai nhtoi ni a hpang kalang ta nan jan gaw nip mat wa nna, shata mung n htoi mat na ra ai; shagan ni mung lamu de nna di hkrat mat na mara ai rai nna, lamu gang hkau na n-gun atsam ni gaw tinang a hkawm kayin nga ai lam ni kaw na htawt kamawng kau ai hkrum na mara ai.

MAHTE 8:12

Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.

SHINGRAN 16:10

Dai hpang manga ngu na lamu kasa gaw, shi a pawt sindawng kahtet ai gawm hpe dai matse labye a tingnyang ntsa e ru bun dat wu ai. Shaloi matse labye a mungdan ntsa e nsin htim bun nna nsin chyip rai mat ai. Dai mungdan masha ni machyi gying wa nna shanhte a shinglet ni hpe kawa makret ma ai.