ESAIA 8:21 - Jinghpaw Common Language Bible 2009

²¹ Amyu masha ni gaw myit daw myit hten ai hte kawsi hkrum let, dai mungdan hkan lai hkawm wa na mara ai. Shanhte a kawsi ai hte myit kahtet ai hta, shanhte gaw shanhte a hkawhkam hte shanhte a Karai Kasang hpe dagam kau na mara ai. Shanhte gaw lamu de mada,

Jinghpaw Hanson Version Bible

²¹ Shanhte gaw hki ba ai hte kawsi hkrum let lai mat wa na mara ai: kawsi hkrum yang, shanhte myit kahtet nna, ntsa de dap mada yu let, tinang a hkawhkam wa hte, tinang a Karai Kasang hpe dagam kau na mara ai:

ESAIA 8:21 ပူးပေါင်းရင်းမြစ်များ

2 HKAWHKAM 25:3

Dai shaning a shata mali nhtoi jahku ya ngu na shani hta dai mare e hkuwa kaba wa ai majaw amyu masha ni hta sha na lusha hpa mung n nga nga ma ai,

2 HKAWHKAM 6:33

Shi gaw dai lam hpe ayak ahkak rai tsun shakre nga yang, hkawhkam wa du shang wa nhtawm, “Dai Madu gaw anhte a ntsa e ndai ru yak tsin-yam tsindam shapraw dat nu hka! Lama mi galaw na matu hpa majaw shi hpe naw ala nga ang na rai ta?,” ngu nna tsun wu ai.

YOBA 1:11

Rai ti mung ya chyawm gaw shi lu malu hpe nang lama la kau ya ai rai yang, shi gaw na a myi man chyaw e nang hpe dagam kau na ra ai!,” ngu nna htan wu ai.

YOBA 18:12

Shanhte gaw sut su ai ni zawn rai nga ma ai, rai ti mung ya chyawm gaw shanhte kawsi ma ai; Tsin-yam tsindam gaw tsap nga ai hte shanhte a makau e ala nga ai.

YOBA 2:5

Rai ti mung, ya chyawm gaw shi a hkum shan hpe nang machyi shangun ai ngu ga-shi gaw nang hpe na a man e nan dagam kau na ra ai!,” ngu nna htang tsun wu ai.

YOBA 2:9

Shi a madu jan gaw shi hpe, “Nang gaw dinggrin naw kam sham nga ai n rai ni? Karai Kasang hpe nang hpa majaw n matsa kau ai hte n si mat n ni?,” ngu nna tsun wu ai.

PRU MAT 22:28

“Karai Kasang hpe n sawn n sang hkum rai et; na a amyu masha ni hta na ningbaw wa hpe hkum matsa et.

GA SHAGAWP 19:3

Masha nkau mi shanhte hkum nan a angawk angak ai amu ni a majaw, jahten sharun la nga ma ai; shaloi, dai Madu hpe mara shagun nga ai.

ESAIA 14:30

Dai Madu gaw matsan mayan re ai shi a amyu masha ni a sagu rem wa langai tai na ra ai, shi gaw shanhte hpe shim lum ai hte nga shangun na ra ai. Rai ti mung shi gaw Hpilisti masha ni a ntsa e hkrit hpa hkuwa dat dat na ra ai, dai gaw kadai hpe mung asak hkrung nga shangun na ra ai n rai.

ESAIA 51:19

Tsin yam tsindam htam lahkawng na a ntsa e hkrat nga sai; na a mungdan gaw majan a majaw hten run mat sai, na a amyu masha ni hku hku masai. Nang hpe matsan yu dum la na masha kadai n nga nga ai.

ESAIA 59:9

Amyu masha ni gaw, “Ya chyawm gaw, anhte hpe dip gamyet nga ai ni a lata kaw na Karai Kasang anhte hpe hpa majaw n hkye la ai hpe anhte chye ga ai. Hkawm sa lu na matu nhtoi anhte myit mada ga ai, rai ti mung nsin sha nga nga ai,

ESAIA 65:13

Dai re ai majaw, ngai hpe nawku ai ni hte nye a ga madat mara ai ni gaw nhpaw n-ya lu lu lu sha na mara ai, rai ti mung nang gaw kawsi kyet ai hte hpang gara ai hkrum na ndai. Shanhte gaw kabu gara lu na mara ai, rai ti mung nang chyawm gaw sari jahpoi hkrum na rai ndai, ngu ngai nang hpe tsun nngai.

ESAIA 9:20

Mungdan kata shara shagu hkan shanu nga ai amyu masha ni gaw, shanhte tam la lu ai ahkyep alep re ai lusha kaji kajaw hpe gare sha ma ai, rai ti mung shanhte a kawsi kyet ai gaw galoi mung myit dik lu ai n rai. Shanhte gaw shanhte a kashu kasha ni hpe pyi sha nga ma ai!

ESAIA 9:21

Manashe hte Ehprim amyu masha ni gaw shada da gasat hkat ma ai, shan lahkawng gaw Yuda hpe jawm gasat ma ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

YEREMIA 52:6

Dai shaning a shata mali a nhtoi jahku ya ngu na shani hta, dai mare e hkuwa kaba wa ai majaw amyu masha ni sha na lusha hpa mung n nga nga sai.

1 SAMUELA 8:18

Dai aten du jang nanhte nan lata la manit dai dai nanhte a hkawhkam wa a majaw ahkup ahka nga mat hkra nanhte aput angun na marin dai, rai ti mung dai Madu gaw nanhte a aput angun ai lam ni hpe madat ya na wu ai n rai,” ngu nna tsun shaleng dan wu ai.