ESAIA 8:19 - Jinghpaw Common Language Bible 2009

¹⁹ Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

Jinghpaw Hanson Version Bible

¹⁹ Nat shung ai ni hte, mandan bau jawp kahte ai ni hpe tam mu, nga nna nanhte hpe tsun myit yang, masha amyu gaw tinang a Karai Kasang hpe tam mai na, n rai ni? hkrung nga ai ni a amu, si mat ai ni hpe mai san na rai ni?

ESAIA 8:19 ပူးပေါင်းရင်းမြစ်များ

NINGPAWT NINGHPANG 41:24

dai ni gaw ja kat ai mam gungsi sanit hpe mayu kau mu ai. Yup mang dai ni hpe mandan lakle sara ni hpe ngai hkai dan ti mung shanhte hta na kadai mung n htai ya lu ma ai.

2 HKAWHKAM 1:3

Rai ti mung dai Madu a lamu kasa gaw Tishbi mare na myihtoi Elia hpe Hkawhkam Ahazia a kasa ni hte sa hkrum na matu hkang dat nhtawm shanhte hpe, “Nanhte hpa majaw Ekron karai Balazebu hpe sa san nga myit ni? Dai gaw Israela mung hta karai kaga n nga sai ngu nna nanhte myit nawn la myit dai majaw rai kun?

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

2 HKAWHKAM 23:24

Hkinjawng Kaba Hilkia Nawku Htingnu hta mu hkrup ai tara laika hta ka da ai tara ni hpe lang na matu Hkawhkam Yoshia gaw Yerusalem mare hte naw ngam nga ai Yuda mung na nat num ni hte gumhpan hpan ai ni; nta e tawn da ai karai sumla ni hte hpara sumla ni yawng hte hpawn, kaga tara maigan wa a nawku arung arai ni yawng hpe yeng seng kau wu ai.

1 HKAWHKAM LABAU 10:13

Shawlu gaw dai Madu hta sadi n dung nga ai majaw shi si mat sai. Shi gaw dai Madu a hkang da ai ga hpe n madat ai sha shi hpe lam woi la na matu,

2 HKAWHKAM LABAU 33:6

Shi gaw shi a shadang sha ni hpe Hinom Kadit e wan nat hkungga shatai let nawng ya wu ai. Shi gaw shaba wawt ai, mandan lakle amu galaw nna gumhpan hpan ai ni hte san jahkrup ai amu, nat shung ai ni hte kanawn ai amu galaw nga ai. Shi gaw dai Madu hpe yubak kaba galaw shut ai hte pawt sindawng shangun wu ai.

SHAKAWN KUNGDAWN 106:28

Dai hpang, Karai Kasang a masha ni Bala hpara hpe Peura shara hta nawku daw jau nga ma ai; hpara chyasi ni hpe nawng jau ai hkungga shan ni hpe mung sha nga ma ai.

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

ESAIA 26:14

Ya chyawm gaw shanhte si mat masai, bai hkrung wa lu na ma ai n rai; shanhte a minla ni rawt wa na mara ai n rai, hpa majaw nga yang nang gaw shanhte hpe ari jaw nna shanhte hpe jahten kau nit dai. Kadai mung shanhte hpe galoi mung dum nga ai n rai.

ESAIA 29:4

Yerusalem gaw ga kata kaw na ga shaga na matu malan da ting ai hte ga nhpu kaw na gasa ai nsen hte tsun ai tsu minla zawn tai mat na ra ai.

ESAIA 30:2

Shanhte gaw ngai kaw hpaji n hpyi ai sha, karum la lam a matu Egutu mung de sa ma ai. Shanhte gaw shanhte hpe makawp maga la na matu Egutu hpe ra marit nga ma ai, dai rai nna shanhte gaw Egutu hkawhkam wa hpe kam hpa nga ma ai.

ESAIA 45:11

Du na ra ai aten hpe hkrang shapraw ai dai Madu Israela a chyoi pra ai Karai Kasang gaw ning nga tsun ai: “Nye a kashu kasha ni hte seng nna san na ahkaw ahkang mung, ngai galaw ang ai amu ngai hpe tsun na ahkaw ahkang mung nang hta n nga nga ai!

ESAIA 47:12

Na a mandan lakle hpaji hte lakhpoi hpaji mahkra hta machyu nga u; nang gaw dai ni hpe na a ram prat kaw nna akyu jashawn nga ndai. Dai hpaji ni gaw nang hpe lam maga mi hku karum ya lu nhten; na a gumlau hpyen ni hpe nang jahkrit lu na nhten.

ESAIA 47:13

Nang gaw hpaji jaw ga lu ti mung daru magam n-gun kata rai nga ndai. Na a gumhpan hpan sara ni, shagan hpe hka ja ai ni hte shata langai hpang langai du na ra ai aten na gumhpan hpan ai ni gaw shawng de sa nna nanhte a ntsa e byin na ra ai lam kaw na hkye la shangun mu.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

YEREMIA 27:9

Babelon hkawhkam wa a ga n madat n mara lu na nga nna nanhte hpe tsun ai nanhte a myihtoi ni a ga hte du na ra ai aten a lam hpe tsun lu ai wa langai ngai a ga, yup mang mu ai wa a ga, si mat sai ni a wenyi minla hpe jasu sharawt shaga ai hte gumhpan hpan ai ga ni hpe hkum madat nga myit.

JAW JAU 19:31

“Si mat sai ni a wenyi hte ga shaga chye ai masha ni kaw hpaji hkum sa hpyi myit; nanhte gaw shing re ai amu galaw ai rai yang, nanhte n san n seng na rai myit dai. Ngai gaw dai Madu nanhte a Karai Kasang rai nga nngai.

JAW JAU 20:6

“Si mat sai ni a wenyi ni hte ga shaga hkrum ai masha ni hpang de hpaji sa hpyi na matu marai langai ngai sa ai rai yang, ngai shi hpe hpyen tai nna shi hpe nye a amyu masha ni hta na sumri dan kau na we ai.

MIHKA 5:12

Nang akyu jashawn lang ai mandan lakle hpaji ni hpe ngai jahten kau nna, gumhpan chye hpan ai masha kadai mung nang kaw ngam da ya na we ai n rai.

KASA 16:16

Lani mi hta anhte gaw akyu hpyi ai shara de sa wa nga yang, gumhpan lu ai nat shung nga ai mayam num langai mi hte hkrum ga ai. Shi gaw dai zawn gumhpan hpan ai hte shi a madu ni hpe gumhpraw grai lu shangun ai wa rai nga ai.

TARA JAHPRANG 18:10

Nanhte a tawn hkungri ntsa na wan hta nanhte a shayi shadang sha ni hpe shagu hkungga nat nawng lu na n rai; nanhte a amyu masha ni hpe shaba wawt ai, lamik kumla myit mada ai, ahkyu hkyu ai amu ni hpe hkum galaw shangun myit;

TARA JAHPRANG 18:11

mandan bau ai hte si ai masha a tsu minla hte ga shaga ai mung shanhte hpe hkum galaw shangun myit.

1 HTESALONI 1:9

Nanhte kaw anhte sa du ai shaloi, nanhte gara hku anhte hpe hkap hkalum la myit dai hpe mung, nanhte gaw ahkrung nga ai hte teng man ai Karai Kasang hpe daw jau lu na matu gawkngu sumla ni hpe shinggan kau nhtawm, Karai Kasang hpang de kaning rai kayin wa myit dai mung,

2 PETRU 2:1

Lai wa sai ten e masha ni hta myihtoi masu ni paw pru ma ai hte maren, nanhte hta mung sara masu ni paw pru na mara ai. Shanhte gaw jahten sharun ai, n teng n man ai sharin shaga ai lam ni hpe mayun shashawn bang nna tinang hpe hkye mawai la sai Madu hpe ningdang kau na mara ai. Shing rai shanhte gaw shanhte a ntsa e akajawng sha hten bya ai lam du shangun na maru ai.

1 SAMUELA 28:11

Dai numsha gaw, “Na a matu kadai hpe shaga shapraw ya na rai nga a ta?,” ngu nna san wu ai. Shi chyawm gaw, “Samuela hpe shapraw ya e,” ngu nna htan wu ai.

1 SAMUELA 28:16

Shaloi Samuela gaw, “Dai Madu gaw nang hpe kau da nna na a hpyen tai nga sayang me, nang hpa majaw ngai hpe shaga n ni?

1 SAMUELA 28:7

Dai hpang Shawlu gaw shi a du salang ni hpe, “Nat num langai mi hpe sa tam yu masu; shi kaw ngai sa san yu na we ai,” ngu nna tsun wu ai. Shanhte mung, “Endora shara e langai mi gaw nga ai,” ngu nna htan ma ai.

1 SAMUELA 28:8

Shawlu gaw shi a hkum hpe bu hpun palawng amyu myu hte bu hpun nna nsam galai kau nhtawm nsin sin ai hpang, dai numsha hpe sa hkrum na nga, shi a masha lahkawng hte pru sa mat wa ma ai. Shi gaw dai numsha hpe, “Nye a matu wenyi ni hpe san yu nna, hpa baw byin wa na lam, ngai hpe tsun dan e; ngai mying gang ai masha wa a wenyi hpe shaga shapraw ya e,” ngu nna tsun wu ai.