ESAIA 8:18 - Jinghpaw Common Language Bible 2009

¹⁸ Ngai gaw ndai yang e dai Madu ngai hpe jaw da sai kashu kasha ni hte rau nga nga nngai. Chyahtum Chyalai N-gun rawng ai dai Madu a tingnyang gaw Ziun Bum ntsa e nga nga ai rai nna anhte hpe Israela amyu masha ni hpang de ahkrung nga ai mungga ni hku shangun dat mi ai.

Jinghpaw Hanson Version Bible

¹⁸ Yu u, ngai mung, Yehowa jaw ai ngai sha ni mung, Ziun bum e shanu nga ai Zaw nawng zaw wa up ai Yehowa kaw na, Israela amyu hta, lamik kumla hte mauhpa lam tai nga ga ai.

ESAIA 8:18 ပူးပေါင်းရင်းမြစ်များ

NINGPAWT NINGHPANG 33:5

Esaw gaw grup yin de mada yu wu yang, numsha ni hte kasha ni hpe mu ai shaloi, “Nang hte rau hkan ai ndai masha ni gaw kadai ni rai nga ma ta?,” ngu nna san wu ai. Hpu ba e, ndai ni gaw ra n rawng hkra ngai hpe Karai Kasang jaw ya ai ma ni rai nga ma ai,” ngu nna Yaku htan wu ai.

1 HKAWHKAM LABAU 23:25

Dawi gaw, “Dai Madu Israela a Karai Kasang gaw shi a amyu masha ni hpe ngwi pyaw sim sa ai lam jaw ya nu ai rai nna shi nan mung Yerusalem mare e htani htana anga nga na ra ai.

SHAKAWN KUNGDAWN 22:30

Du wa na ban prat masha ni gaw shi hpe daw jau na mara ai; du wa na ban prat du hkra, dai Madu a lam hpe masha ni tsun kajai wa na mara ai.

SHAKAWN KUNGDAWN 71:7

Nang gaw nye a n-gun ja ai shingbyi shara rai nga nit dai majaw; nye a asak prat gaw masha law law a man e, kasi tai nga li ai.

SHAKAWN KUNGDAWN 9:11

Ziun e up nga ai Madu hpe mahkawn shakawn mu! Shi hpa galaw sai amu, amyu baw shagu hte hpe htawn tsun dan mu!

SHAKAWN KUNGDAWN 9:12

Karai Kasang gaw nni nkri hkrum sha ai ni hpe dum nga nna; shanhte a hpyi jahtau ai nsen hpe shi malap kau nga ai n rai, shi gaw shanhte hpe shut hpyit ai ni hpe, ari jaw nga ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 14:32

Anhte gaw Hpilisti mung kaw nna anhte hpang de du sa wa ai kasa ni hpe kaning ngu htan na rai ga ta? Anhte gaw shanhte hpe dai Madu gaw Ziun hpe gaw da nu ai; nni nkri hkam sha nga ai shi a amyu masha ni gaw dai yang e shim lum lam mu tam la na mara ai, ngu tsun dan na ga ai.

ESAIA 20:3

Ashdod mare zing la hkrum ai shaloi, dai Madu gaw, “Nye a shangun ma Esaia gaw masum ning ting singgu krin, kyepdin n din ai sha kayin hkawm nu ai. Dai gaw Egutu mung hte Ehtiopi mung hta byin wa na a kumla langai rai nga ai.

ESAIA 24:23

Shata gaw sin mat wa na ra ai, ajan mung htoi na ra ai n rai, hpa majaw nga yang, Chyahtum Chyalai N-gun rawng ai dai Madu gaw hkawhkam tai na ra ai. Shi gaw Ziun Bum ntsa na Yerusalem hta up nga na ra ai, amyu masha ni a ningbaw ni gaw shi a hpung shingkang hpe mu lu na mara ai.

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

ESAIA 7:16

Dai aten garai n du yang pyi, nanhte hpe jahkrit shama ai hkawhkam lahkawng a mung ni gaw shagram da kau ai hkrum na mara ai.

ESAIA 7:3

Dai Madu gaw Esaia hpe, “Na a nsha Sheara Yashub hpe woi nna Hkawhkam Ahaza hpe sa hkrum mu. Nang gaw shi hpe lahta hka lawng kaw nna shalen yu wa ai hka hkawng a jahtum shara hta bu hpun nba da ai ni nga ai shara a lam ntsa e, hkrum na rin dai.

ESAIA 8:3

Tawng marang mi na mat ai hpang, nye a madu jan gaw na-um nasin hkum tai wa sai. An a kasha shangai wa ai shaloi, dai Madu gaw ngai hpe, “Shi hpe ‘Akajawng gasat, Tin tin hpya,’ ngu nna shamying u.

YEREMIA 44:29

Ndai shara hta nanhte hpe ngai ari jaw na hte nanhte a ntsa e teng teng jahten sharun ai amu shabyin na matu nye a ga sadi ni dik tup wa ai hpe dai Madu ngai nan nanhte hpe sakse madun na mawe ai.

EZEKELA 12:6

Shanhte nang hpe azi yu lu mu ga, na a arung arai majaw hpe na a lahpa ntsa e hpai mara nhtawm na a myi man htinggrum kau let htat ai nsin kata de hkawm sa wa su. Nang kade hkawm sa nga ai hpe nang n mu lu na ndai. Ya nang hpa galaw nga ai lam gaw Israela masha ni hpe sadi jaw ai kumla tai na ra ai,” ngu nna tsun ai.

EZEKELA 14:8

Ngai nang hpe ninghkap na nngai. Ngai nang hpe kasi shatai kau na nngai. Ngai gaw nang hpe nye a amyu masha ni a hpawng kaw nna shapraw kau na we ai; ngai gaw dai Madu rai nga nngai hpe nanhte chye lu na rai myit dai.

EZEKELA 4:3

Hpri pa langai la nna nang hte mare a lapran e bunghku zawn tai na matu dai hpe sharawt tawn u, dai mare maga de na a myi man yawng u, shaloi dai mare gaw wang da ai hkrum nna nang gaw dai mare hpe wang da ai wa rai na ra ai. Dai gaw Israela a matu kumla tai na ra ai.

ZEHKARIA 3:8

Dai rai nna Hkinjawng Kaba rai nga ai Yawshu e, madat u, shi a hkinjawng manang ni e, nanhte gaw htawm hpang du na ra ai aten a matu mai kaja ai a kumla rai nga myit dai; ngai gaw nye a shangun ma rai nga ai Lakung ngu shaga hkrum ai wa hpe madun dan na nngai!

ZEHKARIA 8:3

Nye a chyoi pra ai mare Yerusalem de ngai nhtang wa nna dai mare e wa nga nga na nngai. Dai mare gaw sadi dung ai mare zawn gumhkawng wa nna Chyahtum Chyalai N-gun rawng ai dai Madu a kawng gaw chyoi pra ai kawng ngu na ra ai.

LUKA 2:18

Sagu rem ai ni tsun kajai dan ai ga na mana ni mung, dai ga a majaw mau ma ai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

TARA JAHPRANG 28:46

Dai gaw nanhte a ntsa e mung, nanhte a amyu matu mara ni a ntsa e mung, Karai Kasang a tara jeyang daw dan na prat dingsa na sakse kumla tai nga na ra ai.

HEBRE 10:33

Nanhte nan masha shawa a man e jahpoi asawng ai hte zingri zingrat ai lam ni ya sha ya sha hkrum lai wa manit dai, bai kaga aten ni hta gaw, nanhte zawn zingri zingrat hkrum sha nga ai manaw manang ni a maga de nga nna ruyak jam jau jawm hkam sha ai hku nna karum n-gun jaw manit dai.

HEBRE 12:22

Nanhte chyawm gaw Sina Bum a malai Ziun Bum hte lamu kasa mun sen nga ai ahkrung nga ai Karai Kasang a mare ngu ai sumsing lamu na Yerusalem mare de du nga manit dai.