ESAIA 8:16 - Jinghpaw Common Language Bible 2009

¹⁶ Nye a sape ni e, nanhte gaw Karai Kasang ngai hpe jaw sai mungga ni hpe sin makawp let kyem da mu.

Jinghpaw Hanson Version Bible

¹⁶ Nye a sape ni kaw, ndai sakse ga hpe kyem da u, ndai tara hpe dazik shakap da u.

ESAIA 8:16 ပူးပေါင်းရင်းမြစ်များ

2 HKAWHKAM 11:12

Dai hpang Yehoiada gaw Yosha hpe woi shapraw la nhtawm shi a baw ntsa e janmau shagup ya ai hte hkawhkam aya hte up hkang na Tara ni rawng ai laika kanan langai, shi hpe ap ya wu ai. Dai hpang Yosha gaw namman jaw hkam la nna hkawhkam rai nga sai lam masat ndau hkam la wu ai. Amyu masha ni mung lahpawk dum let, “Hkawhkam wa asak galu u ga law!,” ngu nna jahtau tsun ma ai.

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

ESAIA 54:13

“Ngai hkum nan na a amyu masha ni hpe sharin achyin ya na nngai, shanhte hpe ngamu ngamai lam hte ngwi pyaw sim sa lam jaw ya na nngai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

Daniela 12:4

Shi gaw ngai hpe, “Daniela e, ya chyawm gaw mungkan ga htum mat ai aten du hkra, dai laika hpe la kau nna, de a ntsa e dazik dawk da u. Dai aten laman hpa byin nga ai lam chye na hkawn hkrang wa lu hkra nga, masha law law gaw shanhte shakut shaja ai amu hta aten shama kau na mara ai,” ngu nna tsun wu ai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

MARKU 10:10

Shanhte nta nhku de bai shang wa yang, sape ni ndai lam shi hpe bai san mu ai.

MARKU 4:34

Ga shadawn hte n rai yang gaw shi shanhte hpe hpa mung n tsun dan yu ai rai ti mung shi a sape ni hte rau shanhte hkrai rai nga ai ten hta, lam shagu shanhte hpe lachyum hpyan dan mu ai.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

TARA JAHPRANG 4:45

Ndai gaw Shanhte Egutu mung na pru mat wa ai hpang, Heshbon mare e hkaw dung ai Amori Hkawhkam Sihon a lamu ga, Yawdan hka a sinpraw hkran Betpeora hte tawtap na kadit e shanhte hpe jaw ya ai tara ni rai nga ai. Shanhte gaw Egutu mung na pru wa ai shaloi Mawshe hte Israela amyu masha ni shi hpe dang kau ma ai.

HEBRE 3:5

Mawshe gaw Karai Kasang a nta na shangun ma zawn kangka ai wa rai nna, htawm hpang de Karai Kasang tsun dan na ra ai lam ni hpe tsun ai wa rai nga ai.

SHINGRAN 10:4

Dai mu ngoi ai mahku a nsen shaga shapraw dat ai shaloi jang, ngai ka da na maw nngai. Rai ti mung sumsing lamu de nna, “Ndai mu ngoi ai nsen sanit tsun dan sai hpe makoi magap da u, hkum ka da et!,” nga nna tsun pru ai nsen ngai na nngai.

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHINGRAN 5:1

Bai, tingnyang hta dung nga ai wa a hkra lata hta, laika man kata e mung, ntsa e mung laika ni ka da nna dazik sanit hte dawk shakap tawn da ai laika shabawn langai mi hpe ngai mu nngai.

SHINGRAN 5:5

Dai rai nna, salang ni hta na langai mi gaw, “Hkum hkrap et. Yu u! Yuda amyu hta na hkanghkyi ngu ai Dawi a amyu kaba matu mara gaw, awng padang lu nna dai dazik sanit hpe gaw kau nna laika shabawn hpe hpaw lu sai,” nga nna tsun ai.