ESAIA 8:15 - Jinghpaw Common Language Bible 2009

¹⁵ Masha law law wa ahtu kataw na mara ai; shanhte gaw di hkrat ai hte agrawp mani kau ai hkrum na mara ai. Shanhte gaw mahkam hta rim hkrum na mara ai.”

Jinghpaw Hanson Version Bible

¹⁵ law law wa dai hta ahtu kataw nna, kadawng hkrat ai, agrawp kau ai, mahkam hte ndaw hta lu ai, hkrum na mara ai,” nga ai.

ESAIA 8:15 ပူးပေါင်းရင်းမြစ်များ

ESAIA 28:13

Dai re ai majaw, dai Madu gaw nanhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, sharin ya na ra ai. Dai hpang nanhte hkawm sa wa ai lagaw lahkam shagu ahtu kataw wa na marin dai. Nanhte gaw hkala nba hkrum ai hte mahkam hkam hkrum nhtawm bawng masha tai mat na marin dai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 59:10

anhte gaw myi kyaw amyu masha ni zawn lamawm hkawm ga ai. Anhte gaw shani chyingtung e pyi ahtu kataw ga ai, shana lama rai yang, sin ai katsan ga hta anhte nga nga ai zawn rai na ga ai.

ESAIA 7:22

dai ni gaw shi ra ai daram chyu hpe nhpaw n-ya jaw na mara ai. Rai sa, dai mungdan hta naw hti ngam nga ai masha ni mung nga chyu hte lagat ntsin lu sha na mara ai.

YEREMIA 6:21

Dai rai nna, ngai gaw ndai amyu masha ni hpe ahtu kataw shangun na nngai. Kanu kawa ni hte ma ni si na mara ai, manang ni hte htingbu ni mung dai zawn byin na mara ai,” ngu nna tsun ai.

MAHTE 11:6

Ngai hta myit kataw ai lam n mu ai wa kadai mung, a lu nga ai,” ngu mu ai.

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.

MAHTE 21:44

(Dai nlung hta hkrat ai wa gaw achyen achya rai mat hkra daw hten na ra ai; gade a ntsa e mung dai nlung hkrat bun yang gaw dai wa gaw ayun ayaw mani mat na ra ai, ngu wu ai.)

YAWHAN 6:66

Ndai lam a majaw, shi a sape ni law law wa nhtang mat wa nna shi kaw galoi mung bai n hkan nang mat masai.

ROMA 9:32

Hpa majaw law nga yang shanhte gaw kam sham ai hta n shamyet shanat ai sha tara hkan shadik ai hte sha hkan shachyut ma ai majaw n dep lu ma ai. Dai rai nna shanhte gaw Chyum Laika hta tsun da ai, “Lunghkrung,” hta ahtu nna kataw mat ma ai.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.