ESAIA 8:10 - Jinghpaw Common Language Bible 2009

¹⁰ Nanhte a hpyen zai ladat shaw mu! Rai ti mung dai ni gaw galoi mung awng dang na mara ai n rai. Nanhte ra ai lam mahkra tsun mu! rai ti mung dai lam yawng kaman lila rai nga ai, hpa majaw nga yang Karai Kasang gaw anhte hte rau rai nga ai.

Jinghpaw Hanson Version Bible

¹⁰ Hpaji daw mu, dai gaw byak mat na ra ai; hpajang da mu, dai gaw grin lu na n rai: kaning rai nme law, Karai Kasang anhte hte rau rai nga ai.

ESAIA 8:10 ပူးပေါင်းရင်းမြစ်များ

NINGPAWT NINGHPANG 21:22

Dai aten hte yang, Abimelek gaw shi a hpyen du Hpikola hte rau sa nna Abraham hpe, “Nang galaw ai lam shagu hta Karai Kasang nang hte rau nga nga ai.

2 SAMUELA 15:31

Ahihtohpela mahtang Absalom a gumlau hpung hte matut mat sai shiga Dawi na jang, shi gaw, “Madu e, chyeju hte Ahihtohpela a hpaji daw ya ai lam hpe angawk kau ya u!,” ngu nna hpyi wu ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 SAMUELA 17:4

Ndai gaw Absalom hte Israela ningbaw ni yawng a matu htuk manu ai hpaji jaw ga zawn rai nga malu ai.

2 HKAWHKAM 6:12

Shanhte hta na langai wa mi gaw, “Madu hkawhkam e, shi a masha kadai mung n lawm ga ai. Na a gawk kata e shim ai hku nang kaning ngu tsun ai ga hpe pyi, Israela hkawhkam hpe dai myihtoi Elisha tsun dan nga ai,” ngu nna htan wu ai.

2 HKAWHKAM LABAU 13:12

Karai Kasang shi nan anhte a ningbaw rai nga ai rai nna shi a hkinjawng ni mung pahtau ni hte ndai yang e nga nga ma ai majaw pahtau dum na matu jin jin galaw da nga ai hte nanhte hpe majan gasat na matu anhte hpe shaga nga ma ai. Dai rai nna Israela amyu masha ni e, dai Madu nanhte a kaji kawa ni a Karai Kasang hpe hkum gasat myit! Nanhte dang lu na myit dai n rai!”

YOBA 5:12

Hkalem hkalau chye ai masha ni a maw mawn lam ni hpe shi shanut kau ya nna shanhte galaw na shatawng shada ai amu hta hpaji rawng ai masha ni hpe mahkam hkam nga ai, shanhte galaw ai amu hpa mung awng dang na n rai,

SHAKAWN KUNGDAWN 21:12

Shi gaw shi a ndan pala ni hte shanhte hpe gap dat na ra ai; shanhte hpe kayin hprawng mat wa shangun na mara ai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai; ru tsang hkrum ai aten ni hta karum la na, tut nawng jin jin rai nga ai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 46:7

Dai Chyahtum Chyalai N-gun rawng ai Madu gaw anhte hte rau rai nga ai; Yaku a Karai Kasang gaw anhte a shingbyi shara rai nga ai.

SHAKAWN KUNGDAWN 46:8

Sa marit, dai Madu hpa galaw da sai amu ni hpe yu mu. Ginding aga a ntsa e, shi galaw da sai mauhpa amu ni hpe mada yu mu.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 14:27

Chyahtum Chyalai N-gun rawng ai dai Madu gaw ndai amu galaw na matu daw dan da nga ai. Shi gaw ari jaw na matu shi a lahpum hpe ladawn da nu ai, kadai mung shi hpe jahkring da lu ai n rai.

ESAIA 28:18

Si hkrung si htan hte nanhte tawn da ai ga shaka gaw hten mat na ra ai; katsan ga hte myit hkrum da ai lam mung shaprai kau hkrum na ra ai. Ru yak tsin-yam tsindam ru kaput yu wa ai shaloi nanhte gaw ka-up kau ai hkrum na rai myit dai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 43:5

Hkum hkrit nga et-ngai nang hte rau nga nga nngai! “Tsan ai sinpraw maga hte tsan gang nga ai sinna maga de na, na a amyu masha ni hpe dum nta de ngai woi wa na nngai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

ESAIA 8:8

Shanhte gaw lahpa du hkra tsaw lung wa ai hka hpungla hte arai yawng mayawng hpe ka-up mat wa nna, Yuda mung hkren hkra ye magawn mat wa na mara ai,” nga nna tsun ai. Karai Kasang gaw anhte hte rau rai nga ai! Shi a kahpyan da ai singkaw ni hte dai mungdan hpe makawp maga nga ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 42:11

Babelon hkawhkam wa hpe hkum hkrit nga myit. Ngai gaw nanhte hte rau rai nga nngai. Ngai gaw nanhte hpe shi a lata kaw na mawai la na nngai.

YEREMIA 46:28

Ngai gaw nanhte kaw sa nna hkye la na nngai. Ngai nanhte hpe shabra kau dat ai mungdan na masha amyu baw yawng hpe ngai jahten kau na nngai. rai ti mung, ngai nang hpe jahten kau na n rai. Ngai gaw nanhte hpe ari n jaw ai sha dat dat na n rai; rai ti mung, ngai nang hpe ari jaw ai shaloi, ngai gaw teng man rap ra nga na nngai. Dai Madu ngai nan tsun ni ai.”

SHARUNG SHAYAWT 3:37

Dai Madu a myit chyu sha hpa lam hpe rai tim tut nawng shabyin ya lu nga ai.

YOELA 3:9

“Masha amyu baw ni hpe ndai lam ndau shabra mu: ‘Hpyen majan a matu hkyen mu; nanhte a share ninghkrin ni hpe shaga da mu; nanhte a hpyenla ni hpe shinggyin la nna rawt lung wa manu!

HAGI 1:13

Dai hpang, Hagi gaw dai Madu a mungga hpe amyu masha ni a man e ning ngu hkang dat wu ai: “Ngai gaw nanhte hte rau nga nga na nngai; dai gaw nye a ga sadi rai nga li ai.”

BU HKAWM 14:9

Dai Madu hpe hkum gumlau nga myit; dai mung e nga ai masha ni hpe mung hkum hkrit nga myit. Anhte gaw shanhte hpe aloi sha dang kau lu na ga ai. Dai Madu gaw anhte hte rau anga nga ai majaw shanhte hpe makawp maga la na karai ni hpe dang kau na nu ai; dai re ai majaw hkum hkrit nga myit,” ngu nna tsun ma ai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

ROMA 8:13

Hpa majaw nga yang, nanhte gaw hkum shan a myit ra ai hku asak hkrung myit yang gaw nanhte si na rai nga myit dai; rai ti mung tinang a yubak hte seng ai arawn alai ni hpe dai Wenyi a karum ai hte sat kau myit yang gaw, nanhte hkrung nga na myit dai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

TARA JAHPRANG 20:1

“Gumlau hpyen ni hpe nanhte htim gasat sa wa ai shaloi, gumra hte hpyen leng ni hpe mung, nanhte hta grau law ai hpyen luksuk ni hpe nanhte mu myit dai shaloi, shanhte hpe hkum yu hkrit myit. Nanhte hpe Egutu mung kaw na shaw woi wa ai dai Madu nanhte a Karai Kasang gaw nanhte hte rau rai nga na ra ai.

YAWSHU 1:5

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.

1 YAWHAN 4:4

Shu sha ni e, nanhte gaw Karai Kasang hte seng ai ni rai nga myit dai rai nna, dai myihtoi masu ni hpe dang kau manu ai. Hpa majaw nga yang, nanhte hta e rawng nga ai Wenyi gaw mungkan ga hte seng ai ni hta rawng nga ai wenyi hta grau n-gun atsam kaba nga ai.