ESAIA 7:7 - Jinghpaw Common Language Bible 2009

⁷ “Rai ti mung Ngai dai Madu gaw ndai amu galoi mung byin wa na n rai nga ai ngu tsun nga nngai.

Jinghpaw Hanson Version Bible

⁷ Madu Yehowa gaw, Dai lam grin lu na n rai, gaja wa byin lu na n rai;

ESAIA 7:7 ပူးပေါင်းရင်းမြစ်များ

SHAKAWN KUNGDAWN 33:11

Rai ti mung, shi a yaw shada ai lam ni gaw htani htana agrin nga ai; shatawng shada ai lam ni mung prat dingsa anga nga ai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 28:18

Si hkrung si htan hte nanhte tawn da ai ga shaka gaw hten mat na ra ai; katsan ga hte myit hkrum da ai lam mung shaprai kau hkrum na ra ai. Ru yak tsin-yam tsindam ru kaput yu wa ai shaloi nanhte gaw ka-up kau ai hkrum na rai myit dai.

ESAIA 37:29

Na a n-yun bu ai shiga hte na a gumrawng gumtawng ai ga ni hpe ngai lu la nngai, ya chyawm gaw, na ladi hta lashoi shoi ya nna na a n-gup hta runghtung bang let, nang du sa wa ai lam hku bai nhtang mat wa shangun na de ai.”

ESAIA 7:1

Uzia a kashu, Yohtam a kasha Hkawhkam Ahaza Yuda mung hpe up hkang nga ai shaloi, majan byin wa sai. Suri hkawhkam Rezin hte Remalia a kasha Israela Hkawhkam Peka yan gaw Yerusalem hpe gasat ma ai, rai ti mung dai mare hpe n lu gasat la ma ai.

ESAIA 7:6

Shanhte gaw Yuda mung hpe shang gasat na maw ma ai rai nna amyu masha ni hpe shanhte hpang maga de shakap la na matu jahkrit la ma ai, dai hpang Tabela a kasha hpe hkawhkam tingnyang ntsa hta shadun da ma ai.

ESAIA 8:10

Nanhte a hpyen zai ladat shaw mu! Rai ti mung dai ni gaw galoi mung awng dang na mara ai n rai. Nanhte ra ai lam mahkra tsun mu! rai ti mung dai lam yawng kaman lila rai nga ai, hpa majaw nga yang Karai Kasang gaw anhte hte rau rai nga ai.

SHARUNG SHAYAWT 3:37

Dai Madu a myit chyu sha hpa lam hpe rai tim tut nawng shabyin ya lu nga ai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.