ESAIA 7:6 - Jinghpaw Common Language Bible 2009

⁶ Shanhte gaw Yuda mung hpe shang gasat na maw ma ai rai nna amyu masha ni hpe shanhte hpang maga de shakap la na matu jahkrit la ma ai, dai hpang Tabela a kasha hpe hkawhkam tingnyang ntsa hta shadun da ma ai.

Jinghpaw Hanson Version Bible

⁶ Anhte gaw Yuda mung hpe lung shatsang ga; dai hpe shang gasat la nna, Tabela kasha hpe de a hkawhkam shatai ga, nga nna tsun timung,

ESAIA 7:6 ပူးပေါင်းရင်းမြစ်များ

1 HKAWHKAM 12:16

Hkawhkam wa gaw shanhte a ga n madat ya nga ai hpe amyu masha ni mu jang, shanhte gaw, “Dawi hte shi a dinghku masha ni hpe yeng kau gaw! Anhte a matu shanhte hpa galaw ya nga ma sata? Israela masha ni e, nta de she wa mat saga law! Rehoboam shi hkum shi nan yu la sanu ga!,’” ngu nna jahtau tsun mu ai. Dai rai nna Israela amyu masha ni gumlau rawt nhtawm,

2 HKAWHKAM 11:2

Ahazia a kasha Yosha chyu sha lawt wa nga ai. Shi mung kaga ni hte rau sat kau hkrum hkyen ai wa rai nga ai; rai ti mung Hkawhkam Yehoram a shayi sha, Ahazia a kanau daw ai shi a kamoi Yehosheba a jaw e hkye mawai la hkrum ai wa rai nga ai. Shi a kamoi gaw shi hpe woi la nhtawm shi hpe gawn lajang ai numsha hte rau Nawku Htingnu kata na yup gawk langai mi de woi tawn da wu ai rai nna, sat kau ai n hkrum hkra Ahtalia a myi man kaw nna makoi da wu ai.

2 HKAWHKAM LABAU 13:8

Ya mung nanhte gaw Dawi a amyu matu ni hpe dai Madu jaw tawn da ai hkawhkam ahkang aya hpe hkap daw na maw mawn nga myit dai. Nanhte gaw luksuk kaba lu nga myit dai hte nanhte a karai ni tai ya na matu Yeroboam galaw da ai aja dumsu kasha lahkawng mung nanhte hte rau rai nga myit dai.

2 HKAWHKAM LABAU 21:7

Dawi hte tawn da ai ga shaka hte shi a amyu matu ni tut nawng matut manoi up nga mu ga nga, ga sadi tawn da ai a majaw sha, dai Madu gaw Dawi a hkawhkam amyu matu hpe jahten sharun kau na n ra sharawng nga wu ai.

2 HKAWHKAM LABAU 28:5

Hkawhkam Ahaza yubak galaw wu ai majaw dai Madu shi a Karai Kasang gaw Suri hkawhkam hpe gasat dang shangun wu ai. Yuda bawng masha law law ni hpe Damasku mare de woi wa ma ai. Dai Madu mung Remalia a kasha Israela Hkawhkam Peka hpe Ahaza a ntsa awng dang shangun wu ai rai nna lani jan e sha magrau grang htum ai Yuda hpyenla 120,000 sat kau ma ai. Dai Madu shanhte a kaji kawa ni a Karai Kasang gaw ndai zawn byin shangun wu ai; hpa majaw nga yang, Yuda masha ni shi hpe kabai kau ai majaw rai nga ai.

SHAKAWN KUNGDAWN 21:11

Shanhte gaw shanhte a yaw shada ai lam ni hpe galaw nhtawm; n hkru ai hku shi hpe maw mawn ma ti mung, shanhte awng dang wa na mara ai n rai.

SHAKAWN KUNGDAWN 83:3

Shanhte gaw na a amyu masha ni hpe gumlang na matu mayun hpaji daw nga ma ai; nang e makawp maga da nga ai ni hpe mung, shanhte gumlang na maw mawn nga ma ai.

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

ESAIA 7:1

Uzia a kashu, Yohtam a kasha Hkawhkam Ahaza Yuda mung hpe up hkang nga ai shaloi, majan byin wa sai. Suri hkawhkam Rezin hte Remalia a kasha Israela Hkawhkam Peka yan gaw Yerusalem hpe gasat ma ai, rai ti mung dai mare hpe n lu gasat la ma ai.

ESAIA 7:5

Suri hte rau Israela hte de a hkawhkam wa gaw n hkru ai amu galaw na maw mawn nga ma ai.

ESAIA 7:7

“Rai ti mung Ngai dai Madu gaw ndai amu galoi mung byin wa na n rai nga ai ngu tsun nga nngai.

ESAIA 8:6

Shi gaw, “Ndai amyu masha ni gaw asim sha lwi nga ai Shilo hka shi hpe kau da nna, Hkawhkam Rezin hte Hkawhkam Peka yan a man e hkrit gari nga ma ai majaw,