ESAIA 7:4 - Jinghpaw Common Language Bible 2009

⁴ Sadi maja na matu mung, myit asim sha nga na matu mung, hkrit kajawng ai hte sharu shatsang hpa n hkrum hkra ra na matu mung shi hpe tsun dan u. Hkawhkam Rezin hte shi a Suri masha ni hte Hkawhkam Peka ni a masin kahtet ai gaw wan nhtaw lahkawng kaw na wan hkut hta grau hkrit tsang shara nga ai n rai.

Jinghpaw Hanson Version Bible

⁴ Sadi let, asim sha nga u; wan hkut sha mawng ai, ndai wanhtaw daw lahkawng ngu ai, Suri mung na Rezin hte Remalia kasha pawt sindawng bu ai a majaw, hkum hkrit et, gawng hkum run et.

ESAIA 7:4 ပူးပေါင်းရင်းမြစ်များ

2 HKAWHKAM 15:27

Yuda Hkawhkam Uzia hkaw dung ai manga shi lahkawng ning hta Remalia a kasha Peka mung Israela hkawhkam tai wa sai rai nna Samari mare e hkaw dung let hkun ning up nga ai.

2 HKAWHKAM LABAU 20:17

Nanhte gaw ndai majan hpe n gasat ra na myit dai; shara sha la nna ala nga mu; dai Madu gaw nanhte hpe awng padang jaw ai hpe mu lu na marin dai. Yuda mung hte Yerusalem mare e nga ai amyu masha ni e, hkum hkrit, hkum kanung nga myit, majan pa de pru sa wa mu; dai Madu gaw nanhte hte rau rai na ra ai,” ngu nna tsun wu ai.

ESAIA 10:24

Chyahtum Chyalai N-gun rawng ai Tsaw Htum ai dai Madu gaw Ziun Bum hta shanu nga ai shi a amyu masha ni hpe, “Egutu masha ni galaw ga ma ai zawn Asuri masha ni nanhte hpe dip gamyet tim, shanhte hpe hkum hkrit nga myit.

ESAIA 30:15

Tsaw Htum ai dai Madu Israela a Chyoi Pra ai Wa gaw shi a amyu masha ni hpe, “Nhtang wa nna ngai hpe atsin sha kam hpa mu. Dai hpang nanhte gaw n-gun ja wa nna shim lum lam lu na rai myit dai,” ngu nna tsun ai. Rai ti mung nanhte gaw dai hku hkan galaw na ningdang nga myit dai.

ESAIA 30:7

Egutu jaw ai karum la lam gaw kaman lila rai nga ai. Dai rai nna ngai gaw Egutu mung hpe, ‘Atuk N Rawng Ai Baren,’ ngu nna shamying na we ai.”

ESAIA 35:4

Myit daw nga ai masha shagu hte hpe, “N-gun shaja u, hkum hkrit et! Karai Kasang gaw nang hpe hkye mawai la na du sa nga ai, na a gumlau hpyen ni hpe ari jaw na matu du sa nga ai,” ngu nna tsun mu.

ESAIA 37:6

shi gaw ning ngu nna bai htan let htang dat wu ai: “Shi gaw nang hpe n hkye la lu ai ngu nna shanhte ma ga hku htawn tsun let Asuri masha ni nang hpe n jahkrit kajawng shangun u ga, dai Madu gaw nang hpe tsun nga ai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 7:1

Uzia a kashu, Yohtam a kasha Hkawhkam Ahaza Yuda mung hpe up hkang nga ai shaloi, majan byin wa sai. Suri hkawhkam Rezin hte Remalia a kasha Israela Hkawhkam Peka yan gaw Yerusalem hpe gasat ma ai, rai ti mung dai mare hpe n lu gasat la ma ai.

ESAIA 7:8

Hpa majaw nga yang, Suri gaw de a mare daju rai nga ai Damasku hta grau nna n-gun n rawng nga ai, Damasku gaw Hkawhkam Rezin hta grau n-gun n rawng nga ai. Israela a matu chyawm gaw amyu baw langai hku naw ngam nga na ni gaw kru shi manga ning laman agrawp kau ai hkrum na mara ai.

ESAIA 7:9

Israela gaw Samari mung hte de a mare daju hta grau nna n-gun n rawng nga ai, Samari mung gaw Hkawhkam Peka hta grau nna n-gun n rawng nga ai. “Na a kam sham myit n ngang ai rai yang, nang grin nga lu na n rai.”

ESAIA 8:4

Dai ma gaw Nu e, Wa e, nga nna garai n chye shaga yang, Asuri hkawhkam gaw Damasku mare a sut gan ni hte Samari mung a lanep ni yawng hpe magawn la kau na ra ai,” ngu nna tsun wu ai.

ESAIA 8:6

Shi gaw, “Ndai amyu masha ni gaw asim sha lwi nga ai Shilo hka shi hpe kau da nna, Hkawhkam Rezin hte Hkawhkam Peka yan a man e hkrit gari nga ma ai majaw,

SHARUNG SHAYAWT 3:26

Dai rai nna, shi hpe myit galu ai hte ala nga let, anhte hpe hkye hkrang la na matu shi hpe la dingda nga ai gaw mai kaja htum nga ai.

AMO LAIKA (AMOS) 4:11

“Ngai gaw Sodom hte Gomora hpe jahten sharun kau ai zawn nanhte nkau mi hpe jahten kau ni ai. Naw ngam nga ai nanhte gaw wan mang kaw na shaw la ai hkru nga ai wan nhtaw daw zawn rai nga myit dai. Dai rai ti mung, nanhte ngai kaw nhtang wa myit dai n rai,” nga nna dai Madu tsun ai.

HABAKU 2:3

Dai hpe ka tawn u, hpa majaw nga yang dai gaw teng teng byin wa na aten garai n du nga ai. Rai ti mung aten gaw alawan du nga sai, ngai nang hpe madun ai lam gaw teng wa na ra ai. Dai du wa na aten gaw lanyan ai zawn rai nga ai, rai ti mung dai hpe la nga u; dai gaw teng teng byin wa na ra ai, dai gaw na taw nga na ra ai n rai.

ZEHKARIA 3:2

Dai Madu a lamu kasa gaw Satan hpe, “Satan e, dai Madu nang hpe daw dan u ga! Yerusalem hpe tsaw ra ai dai Madu gaw nang hpe daw dan u ga! Ndai masha wa gaw wan hta na gare shaw la ai wan nhtaw langai zawn rai nga ai,” ngu nna tsun wu ai.

MAHTE 10:28

Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

MAHTE 24:6

Nanhte gaw ni ai, tsan ai shara hkan na majan gasat ai shiga nsen ni na lu na marin dai; rai ti mung myit hkum ru myit. Shing re ai lam ni gaw byin lu na ra ai, rai ti mung, dai ni gaw jahtum nhtoi du sai ngu ai lachyum garai n rai nga ai.

TARA JAHPRANG 20:3

hpyen luksuk hpe, ‘Israela masha ni e, madat mu! Dai ni, nanhte majan pa de rawt sa wa nga myit dai. Nanhte a gumlau hpyen ni hpe hkum hkrit myit, myit mung hkum yu htum myit; hkum kajawng hkum kahpra nga myit.

1 SAMUELA 17:32

Dawi gaw Shawlu hpe, “Daru magam hpung shingkang hte hpring ai madu e, ndai Hpilisti masha wa hpe kadai mung n hkrit ra na ga ai! Ngai shi hpe sa gasat na we ai,” ngu nna tsun wu ai.