ESAIA 7:3 - Jinghpaw Common Language Bible 2009

³ Dai Madu gaw Esaia hpe, “Na a nsha Sheara Yashub hpe woi nna Hkawhkam Ahaza hpe sa hkrum mu. Nang gaw shi hpe lahta hka lawng kaw nna shalen yu wa ai hka hkawng a jahtum shara hta bu hpun nba da ai ni nga ai shara a lam ntsa e, hkrum na rin dai.

Jinghpaw Hanson Version Bible

³ Shaloi Yehowa gaw Esaia hpe, “Nang hte rau na nsha Sheara-yashub pru mu; hpun nba jaw ai wa a ga dachyawk lam a lahta singgat baw e Ahaza hpe tau la nhtawm,

ESAIA 7:3 ပူးပေါင်းရင်းမြစ်များ

2 HKAWHKAM 16:1

Israela Hkawhkam Remalia a kasha Peka hkaw dung ai sanit ning hta Yohtam a kasha Ahaza mung Yuda hkawhkam tai wa sai rai nna,

2 HKAWHKAM 18:17

Asuri hkawseng wa gaw Yerusalem mare e nga ai Hezekia hpe Lahkisha mare kaw nna htim gasat na matu hpyen hpung kaba langai mi dat dat wu ai: dai luksuk hpe shi a npu na tsaw htum ai du kaba masum e up hkang da nga ma ai. Shanhte Yerusalem mare de du shang wa jang, lahta hka lawng kaw nna hka la yu wa ai hka hkawng makau e hpun nba hkrut ai ni lang ai nmaw lam hpe sa madu la nga ma ai.

2 HKAWHKAM 20:20

Hkawhkam Hezekia galaw ai amu magup ngu na shi a share shagan ai sat lawat ni, hka lawng hte hka hkawng hpe shi kaning rai galaw nna mare kata de hka shalen ai lam ni hpe Yuda Hkawhkam ni a Labau Laika hta ka matsing da nga ai.

NEHEMIA 3:16

Betzura ginwang ka-ang hkup up ai Azbuk a kasha Nehemia gaw dai hte yep kaw nna Dawi a lup, hka lawng hte hpyen dap nta ni de du hkra galaw nga ai.

PRU MAT 7:15

Dai rai nna, shi Nila hka nu de yu sa ai jahpawt manap aten hta shi hpe sa hkrum mu. Nan hte yep lapu tai ai dawhkrawng hpe mung la lang nna dai hka hkin-gau e shi hpe la nga mu.

ESAIA 10:21

N law n la rai naw ngam nga ai Israela amyu masha ni gaw chyahtum chyalai n-gun rawng ai shanhte a Karai Kasang hpang de nhtang wa na mara ai.

ESAIA 22:11

Hka lawng dingsa na lwi hkrat wa ai hka hpe dim sha-ing da na matu nanhte gaw mare kata hta hka lawng ni hpe galaw manit dai. Rai ti mung nanhte gaw moi chyaloi nhkoi kaw nna dai lam yawng hpe yaw shada da ai hte byin wa na matu shabyin ya ai Karai Kasang a ga hpe n madat kau nga myit dai.

ESAIA 36:2

Dai hpang shi gaw shi a hpyen du wa hpe Lahkisha kaw nna Yerusalem de hpyen luksuk kaba hte sa nna Hkawhkam Hezekia hpe asum hkam shangun na matu hkang dat wu ai. Dai hpyen du wa gaw hpun nba hkrut ai wa a shara, lahta hka lawng kaw nna hka len yu wa ai namhkawng makau na nmaw lam hpe madu da nga ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

ESAIA 6:13

Dai mungdan hta marai shi kaw na langai mi naw ngam nga tim pyi, dai wa mung shaza kau ai hkrum na wu ai; shi gaw kran kadawng kau sai wamyi hpun a hpundu zawn tai na ra ai,” ngu nna htan wu ai. (Hpundu gaw Karai Kasang a amyu masha ni a matu nnan hpang la ai ngu ai hpe shaleng dan ai.)

YEREMIA 22:1

Dai Madu gaw Dawi a aru arat rai nga ai Yuda hkawhkam a htingnu de sa na matu ngai hpe tsun wu ai, dai yang e hkawhkam wa hpe mung, shi a du salang ni hte Yerusalem mare masha ni hpe dai Madu tsun sai mungga hpe madat mara na matu ning ngu tsun nu ai:

ROMA 9:27

Israela amyu a lam Esaia jahtau tsun ai gaw, “Israela kashu kasha ni gaw nammukdara makau na zaibru zawn law ma timung, shanhte hta na kau chyen chyu sha hkye hkrang la ai hkrum na mara ai.