ESAIA 7:24 - Jinghpaw Common Language Bible 2009

²⁴ Amyu masha ni gaw dai shara de ndan hte pala ni lang nna, jaugawng gawng sa na mara ai. Rai sa, mungdan ting hta ju sumwum hte ju hpun ni hte hpring mat na ra ai.

Jinghpaw Hanson Version Bible

²⁴ Mungdan ting hta ju hpun hte tsing hkrai ka-up nga ai majaw, ndan hte pala lang let, dai de sa na mara ai.

ESAIA 7:24 ပူးပေါင်းရင်းမြစ်များ

NINGPAWT NINGHPANG 27:3

Na a ndan hte pala ni hpe la nhtawm prang de pru sa nna nye a matu shan sa tam sat wa rit.

NINGPAWT NINGHPANG 3:18

Dai hta na aju ni hte atsing ni tu pru wa nna, nam na namlaw namlap ni hpe nang sha lu na rin dai.

ESAIA 55:13

Ya ju hpun ni tu nga ai shara hta marau hpun ni tu wa na mara ai; ju sumwum shara ni hta maihting hpun ni tu lung wa na mara ai. Ndai gaw dai Madu ngai nan galaw sai amu hpe shadum ai kumla tai nna, htani htana agrin nga na ra ai.”

ESAIA 7:19

Shanhte gaw lunghkrung lungma, kabawng kachyawng re ai kadit, lungpu ginlawng hku hkan hte lungbra ntsa hkan e gamawng kahpoi jawng nga na mara ai, shanhte gaw ju sumwum shagu hte udat shara shagu hkan pri rai na mara ai.

ESAIA 7:23

“Dai aten du ai shaloi, gumhpraw hkying mi hte ging ai sabyi ru hkying mi tu ai ja kat ai sabyi sun ni gaw ju sumwum hte ju hpun ni hte tu ka-up kau na ra ai.

ESAIA 7:25

Kalang mi yi galaw yu sai hkai bang kawng ni yawng gaw, dai shara ni hkan kadai n lu shang kabye hkawm lu hkra ju maling tai mat na ra ai; dai shara ni gaw dumsu hte sagu ni a udat shara tai mat na ra ai,” ngu nna tsun ai.

EZEKELA 12:20

Ya aten mare masha ni hte hpring nga ai mare ni hten run mat nna, mungdan gaw shingran katsi ai shara tai mat na ra ai. Shanhte gaw ngai nan dai Madu rai nga nngai hpe chye lu na mara ai,” ngu nna tsun wu ai.