ESAIA 7:23 - Jinghpaw Common Language Bible 2009

²³ “Dai aten du ai shaloi, gumhpraw hkying mi hte ging ai sabyi ru hkying mi tu ai ja kat ai sabyi sun ni gaw ju sumwum hte ju hpun ni hte tu ka-up kau na ra ai.

Jinghpaw Hanson Version Bible

²³ Dai shani e, gumhpraw lap hkying mi ging ai, tsabyi ru hkying mi tu ai sun shagu hta e, ju hpun hte tsing hkrai tu na ra ai.

ESAIA 7:23 ပူးပေါင်းရင်းမြစ်များ

NINGPAWT NINGHPANG 3:18

Dai hta na aju ni hte atsing ni tu pru wa nna, nam na namlaw namlap ni hpe nang sha lu na rin dai.

ESAIA 32:10

Ya chyawm gaw nanhte myit dik mai nga myit dai, rai ti mung htaning ndai aten hta nanhte a matu sabyi si shinggyin la na hpa n nga na ra ai majaw nanhte myit htum mat na marin dai.

ESAIA 5:10

Lamu ga eka manga hta tu nga ai sabyi ru ni hta na sabyi ntsin galan manga sha shup la lu na ra ai. Nli dang shi gaw nsi dang mi sha shu la lu na ra ai.

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

ESAIA 7:24

Amyu masha ni gaw dai shara de ndan hte pala ni lang nna, jaugawng gawng sa na mara ai. Rai sa, mungdan ting hta ju sumwum hte ju hpun ni hte hpring mat na ra ai.

YEREMIA 4:26

Ga sau kaja ai mungdan gaw zaibru jang tai mat sai; Dai Madu a pawt sindawng ai a majaw mare ni hten run mat sai.

EZEKELA 12:20

Ya aten mare masha ni hte hpring nga ai mare ni hten run mat nna, mungdan gaw shingran katsi ai shara tai mat na ra ai. Shanhte gaw ngai nan dai Madu rai nga nngai hpe chye lu na mara ai,” ngu nna tsun wu ai.

HOSEA 2:12

Ngai gaw shi a sumtsaw ni shanhte hpe daw jau na matu shi hpe jaw da ai re nga nna shi tsun ai sabyi ru ni hte lagum hpun ni hpe jahten kau na we ai. Ngai gaw shi a sabyi sun ni hte namsi namsaw sun ni hpe nam mali shatai kau ya na we ai; nam na matse labye dusat ni shanhte hpe jahten kau na mara ai.

HOSEA 9:6

Tsin-yam tsindam du nna amyu masha ni shaden kau ai hkrum ma ai shaloi, Egutu masha ni shanhte hpe hpawng shinggyin la nna Memhpi e lup makoi kau na ma ai! Shanhte a gumhpraw sut hte shanhte a dum nta nga ai shara ni gaw tsingdu tsingman ni hte ju sumwum ni lim ka-up kau hkrum na mara ai.

MAHTE 21:33

“Ga shadawn kaga langai mi hpe mung naw madat la mu. Kalang mi na sun madu langai mi gaw sabyi sun langai mi hkai sharam da nna, de a grup yin e nhpan kum da ai hte, dai hta e sabyi shup na htung htu da nhtawm, langchyi langai mi mung gap da nu ai. Dai hpang, sun galaw sha ai masha ni hpe shap ya nna kaga mungdan de bu hkawm sa mat wa ai.

HEBRE 6:8

Rai ti mung dai aga gaw ju hpun hte atsing ni sha tu pru shangun ai rai yang gaw hpa akyu mi n nga ai hta n ga, Karai Kasang a dagam dala ai hkrit hpa hte wan hta jahten kau ai hkrum na ra ai.