ESAIA 7:21 - Jinghpaw Common Language Bible 2009

²¹ “Dai aten du ai shaloi, hkauna galaw sha ai wa gaw dumsu kanu langai mi hte bainam kanu lahkawng hpe chyu sha rem da lu tim pyi,

Jinghpaw Hanson Version Bible

²¹ Dai shani e masha wa gaw, dumsu langai mi hte sagu yi lahkawng rem da yang,

ESAIA 7:21 ပူးပေါင်းရင်းမြစ်များ

ESAIA 14:30

Dai Madu gaw matsan mayan re ai shi a amyu masha ni a sagu rem wa langai tai na ra ai, shi gaw shanhte hpe shim lum ai hte nga shangun na ra ai. Rai ti mung shi gaw Hpilisti masha ni a ntsa e hkrit hpa hkuwa dat dat na ra ai, dai gaw kadai hpe mung asak hkrung nga shangun na ra ai n rai.

ESAIA 17:2

Suri mung na mare ni gaw htani htana katsi katsang shara tai mat na ra ai. Dai mare ni gaw sagu dumsu uhpung ni a udat shara tai mat na ra ai, kadai mung shanhte hpe gawt shapraw kau na n rai.

ESAIA 27:10

Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 35:1

Nam mali gaw kabu gara na ra ai, nampan ni gaw katsi katsang re ai ga hta pu tsawm nga na ra ai.

ESAIA 37:30

Dai hpang Esaia gaw Hkawhkam Hezekia gaw, “Ndai gaw byin wa na ra ai lam a kumla langai rai nga ai. Dai ning hte htaning du hkra, nang gaw sha na nsi nhpan hpe sha lu la na rai ndai, rai ti mung hpang shaning kaw nna gaw, nsi naisi ni hpe nang hkai lu nna dai hpe sha lu na rin dai. Sabyi ru ni hpe mung nang hkai nna sabyi si ni di sha lu na ra ai.

ESAIA 5:17

Hten run mat sai mare ni hta, sagu kasha ni tsing makret sha nna, bainam kasha ni udat shara mu tam na mara ai.

ESAIA 7:25

Kalang mi yi galaw yu sai hkai bang kawng ni yawng gaw, dai shara ni hkan kadai n lu shang kabye hkawm lu hkra ju maling tai mat na ra ai; dai shara ni gaw dumsu hte sagu ni a udat shara tai mat na ra ai,” ngu nna tsun ai.

YEREMIA 39:10

Shi gaw sut gan hpa mung n lu ai matsan mayan masha nkau mi hpe Yuda mung e ngam tawn da nhtawm sabyi sun ni hte yi hkauna ni, shanhte hpe jaw da wu ai.