ESAIA 7:20 - Jinghpaw Common Language Bible 2009

²⁰ “Dai aten du ai shaloi, Madu gaw Uhprat hka nu a wora hkran e nga ai kara shangun ai wa ngu ai Asuri hkawseng wa hpe saw shaga dat na ra ai! Shi gaw nanhte a nhka mun, nanhte a baw ntsa e tu ai kara ni hte nanhte a hkum hkan tu nga ai mun ni hpe shangun kau ya na ra ai.

Jinghpaw Hanson Version Bible

²⁰ Dai shani e, hka kaba wora hkran e nga ai, Asuri hkawhkam ngu ai, shap la ai kara nhkyi hte; Madu gaw baw kara hte lagaw mun hpe shangun kau nna, n-gup mun hpe pyi shakrin kau na ra ai.

ESAIA 7:20 ပူးပေါင်းရင်းမြစ်များ

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 10:15

Rai ti mung dai Madu gaw, “Nwa gaw dai hpe lang ai masha wa hta grau nga ai ngu, hkrak lu tsun nga a ni? Zingret gaw dai hpe ret ai masha wa hta grau ahkyak mai nga a ni? Dawhkrawng gaw masha hpe n sharawt nga ai; masha mahtang dawhkrawng hpe sharawt nga ai,” ngu nna tsun nga ai.

ESAIA 11:15

Dai Madu gaw Nawng Hkyeng hpunggaw hpe jahkyet kau na ra ai, shi gaw Uhprat hka nu hpe hkun hkraw shangun na matu kahtet ai nbung shaga dat na ra ai, grai kaji ai hka shi sanit hpe sha tawn da na ra ai, shaloi kadai mung lai hkawm lu na ma ai.

ESAIA 36:1

Yuda hkawhkam Hezekia hkaw dung ai shi mali ning hta, Asuri hkawseng Senahkerib gaw Yuda mung na bunghku kum da ai mare ni hpe gasat nna dai ni hpe madu la kau wu ai.

ESAIA 8:7

Ngai Madu nan Asuri hkawseng hte shi a hpyen luksuk ni yawng hpe woi sa nna, Yuda mung hpe gasat kau shangun na nngai. Shanhte gaw hka hkin-gau hte daru ni yawng hpe lim kau shangun lu ai Uhprat hka nu a hka hpungla zawn rawt lung wa na mara ai.

ESAIA 9:13

Chyahtum Chyalai N-gun rawng ai dai Madu gaw shanhte hpe ari jaw tim pyi, Israela amyu masha ni myit malai ma ai n rai, shanhte shi kaw nhtang wa ma ai n rai.

YEREMIA 2:18

Nang gaw Nila hka lu na matu Egutu mung de sa ai gaw hpa baw akyu lu la na re ngu, myit nawn da wu ni? Uhprat hka lu lu na matu Asuri mung de sa ai gaw hpa baw akyu lu la na re ngu, myit nawn da wu ni?

EZEKELA 29:18

Shi gaw, “Si chye ai masha wa e, Babelon Hkawhkam Nebuhkadneza gaw Turu mare hpe htim gasat nu ai. Shi gaw hpyenla ni hpe li ai lit ni hpai shangun nu ai majaw shanhte a baw ni mahkyit shakrin kau ma ai; shanhte a lahpa ni mung shan katsing hpye mat mu ti mung, hkawhkam wa hte shi a hpyen luksuk ni kadai mung shanhte hkrum sha ai tsin-yam tsindam shabrai a matu hpa mung n lu la ma ai.

EZEKELA 29:20

Shi a hpyen luksuk ni gaw nye a matu amu galaw ya mi ai hte shi a daw jau ai amu hpe bai htang jaw ai hku ngai shi hpe Egutu mung ap ya nngai. Tsaw Htum ai dai Madu ngai nan tsun ni ai.