ESAIA 7:18 - Jinghpaw Common Language Bible 2009

¹⁸ “Dai aten du ai shaloi, dai Madu gaw Nila hka nu a hka hku jahtum maga de nga ai hka shi, hka gai hkan nga ai jinu ni zawn law ai Egutu amyu masha ni hte, lagat zawn law ai Asuri masha ni hpe shanhte a mungdan kaw nna du sa wa na matu, lahpyaw hpyaw ai kumla hte shaga dat na ra ai.

Jinghpaw Hanson Version Bible

¹⁸ Dai shani e Yehowa gaw, Egutu hka gai ni htum ai maga de nga ai jinu hte, Asuri mung e nga ai lagat hpe lahpyaw shaga ai majaw,

ESAIA 7:18 ပူးပေါင်းရင်းမြစ်များ

SHAKAWN KUNGDAWN 105:31

Karai Kasang hkang dat ai hte maren, jinghkam hte ji nu ni, mungdan ting hta prang hkawm nga ma ai.

SHAKAWN KUNGDAWN 118:12

Shanhte gaw lagat ni zawn, ngai hpe ginjup shatsang nga ma ti mung; ju hpun hkru ai wan zawn, shanhte tin tin hkru krawp mat nga ma ai. Dai Madu a n gun atsam hte ngai shanhte hpe shamyit kau nngai.

PRU MAT 8:21

Dai ga hpe nang ningdang kau ai rai yang chyawm gaw, nang hte na a du salang ni a ntsa e mung, na a amyu masha ni a ntsa e mung jinu ni hpe dat dat nna ari jaw na de ai ngu, ngai nang hpe sadi jaw nngai. Egutu masha ni a nta ni hta jinu ni hte hpring nga nna aga hta mung dai ni hte ka-up da na ra ai.

PRU MAT 8:24

Dai Madu gaw hkawhkam wa a htingnu hte shi a du salang ni a nta kata de jinu wunawng ni hpe dat bang dat ya wu ai. Egutu mung ting gaw dai jinu ni a majaw hten mat wa nga ai.

ESAIA 13:5

Shanhte gaw ginding aga a jahtum e nga ai, tsan htum ai mungdan ni kaw nna du sa wa nga ma ai. Dai Madu gaw shi a masin kahtet ai a majaw, mungdan ting hpe jahten kau na du sa wa nga ai.

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 5:26

Dai Madu gaw sumtsan na amyu baw langai hpe saw shaga na matu kumla langai jaw nga ai. Shi gaw shanhte hpe lamu ga htum kaw nna sa wa na matu lahpyaw hte shaga nga ai. Shanhte gaw ndai shara de tin tin, chyang chyang hte sa wa ma ai!

ESAIA 7:17

“Israela mungdan gaw Yuda mungdan kaw nna hka garan mat wa ai kaw nna ya du hkra n byin yu ai ru tsang tsin-yam tsindam a nhtoi ni gaw nanhte a ntsa e mung, nanhte a amyu masha ni a ntsa e mung, hkawhkam hkawseng dinghku ting a ntsa e mung dai Madu shapraw na ra ai. Shi gaw Asuri hkawhkam wa hpe woi sa wa na ra ai.

ZEHKARIA 10:8

“Nye a amyu masha ni hpe ngai shaga nna, shanhte hpe shinggyin da na nngai. Ngai gaw shanhte hpe hkye mawai la nna, shanhte law htam nga ma ai zawn, shanhte hpe shalaw jahtam na nngai.

TARA JAHPRANG 1:44

Dai hpang bum ga e shanu nga ai Amori masha ni gaw nanhte hpe ninghkap na matu pru sa nhtawm lagat jawm ai zawn Horma shara de du hkra nanhte hpe hkan shachyut kau mu ai hte Edom bum ga e nanhte hpe dang kau nga manu ai.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.

TARA JAHPRANG 7:20

Shi gaw hprawng lawt nhtawm makoi gyem nga ai ni hpe mung shanhte hpang de gat shang shangun dat nna shamyit kau na rai wu ai.

YAWSHU 24:12

Nanhte rawt lung wa myit yang, dai Amori hkawhkam yan hpe shaden shapraw kau na matu shanhte hpang de hkrit kajawng ai baw ngai dat dat nngai. Nanhte a nhtu ndan ni lang ra myit dai n rai.