ESAIA 7:15 - Jinghpaw Common Language Bible 2009

¹⁵ Shi gaw shi a myit daw dan ai lam ni hpe chye hparan ai shaloi, amyu masha ni gaw nga chyu lu nna lagat ntsin sha lu na mara ai.

Jinghpaw Hanson Version Bible

¹⁵ Shi gaw n kaja ai hpe chye gang kau nna, kaja ai hpe chye lata la jang, htawbat hte lagat jahku sha lu na ra ai:

ESAIA 7:15 ပူးပေါင်းရင်းမြစ်များ

NINGPAWT NINGHPANG 18:8

Shi gaw htawbat, nga chyu hte dumsu shan nkau mi hpe la nna dai masha ni a man e, lusha hpe shachyip jaw wu ai. Dai hpun npu hta shi hkum nan shanhte hpe daw jau ai hte shanhte mung sha nga ma ai.

SHAKAWN KUNGDAWN 51:5

Ngai shangai wa ai shani kaw nna, ngai gaw n hkru n shawp nga nngai; nu a hkritung kaw nna pyi, ngai hta yubak kap nga ni ai.

ESAIA 7:22

dai ni gaw shi ra ai daram chyu hpe nhpaw n-ya jaw na mara ai. Rai sa, dai mungdan hta naw hti ngam nga ai masha ni mung nga chyu hte lagat ntsin lu sha na mara ai.

AMO LAIKA (AMOS) 5:15

N hkru ai amu hpe n dawng nga mu, teng man ai amu hpe tsaw ra nga mu, teng man rap ra ai tara gaw tara rung ni hta dang nga ai hpe mu lu nga ai. Dai Madu gaw naw hkrung ngam nga ai ndai amyu baw a amyu masha ni hpe mahkoi matsan chye dum la mai nhten.

MAHTE 3:4

Dai Yawhan gaw, gawla-uk mun hte da ai nba hpe bu hpun nna shanhpyi shingkyit hpe nshang e kyit da nga ai. Shi a lusha gaw, dinggam-yaw hte nam na lagat ntsin rai nga lu ai.

LUKA 1:35

Dai lamu kasa gaw, “Chyoi Pra ai Wenyi na a ntsa e du nna, Karai Kasang a atsam nang hpe shingnip ka-up na ra ai; dai re ai majaw, shangai wa na ra ai wa hpe Karai Kasang a Kasha ngu nna shamying ai hkam la na ra ai.

LUKA 2:40

Dai ma gaw kaba wa ai hte n gun lapyin ja wa nna, hpaji byeng-ya hte hpring nga ai; Karai Kasang a chyeju mung shi a ntsa e nga nga ai.

LUKA 2:52

Yesu gaw gawng shingyan kaba wa nna, hpaji byeng-ya kung hpan wa ai hte, Karai Kasang a man e mung, masha a man e mung, myi man pa wa nga ai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

TARA JAHPRANG 1:39

“Dai hpang dai Madu gaw anhte yawng hpe, ‘Nanhte a gumlau hpyen ni a lata hta rim hkrum na sha rai saga ai, ngu nna nanhte tsun ai ma kaji ni, jaw ai hte n jaw ai hpe chye na na matu nau wa naw kaji nga ai nanhte a ma kaji ni hpe sha dai mungdan, ngai jaw nna shanhte madu la na mara ai.