ESAIA 7:1 - Jinghpaw Common Language Bible 2009

¹ Uzia a kashu, Yohtam a kasha Hkawhkam Ahaza Yuda mung hpe up hkang nga ai shaloi, majan byin wa sai. Suri hkawhkam Rezin hte Remalia a kasha Israela Hkawhkam Peka yan gaw Yerusalem hpe gasat ma ai, rai ti mung dai mare hpe n lu gasat la ma ai.

Jinghpaw Hanson Version Bible

¹ Yuda hkawhkam, Uzia a kashu, Yohtam a kasha Ahaza a lakhtak e, Suri hkawhkam Rezin hte, Israela hkawhkam Remalia kasha Peka gaw, Yerusalem hpe lung gasat timung, dai hpe dang kau lu mu ai n rai.

ESAIA 7:1 ပူးပေါင်းရင်းမြစ်များ

2 HKAWHKAM 15:25

Shi a hpyen du, Remalia a kasha Peka gaw Gilead mung na masha manga shi hte rau shi hpe gumlau na maw mawn nhtawm Samari mare na hkawhkam htingnu kata na dap kata e Pekahia hpe gyam sat kau wu ai. Shi gaw dai wa a hkang hta hkaw galai dung nna hkawhkam tai wa sai.

2 HKAWHKAM 15:27

Yuda Hkawhkam Uzia hkaw dung ai manga shi lahkawng ning hta Remalia a kasha Peka mung Israela hkawhkam tai wa sai rai nna Samari mare e hkaw dung let hkun ning up nga ai.

2 HKAWHKAM 15:37

Shi hkawhkam naw galaw nga yang, dai Madu gaw Yuda mung hpe sa gasat na matu Suri Hkawhkam Rezin hte Israela Hkawhkam Peka yan hpe shawng shangun dat ai lam rai nga ai.

2 HKAWHKAM 16:1

Israela Hkawhkam Remalia a kasha Peka hkaw dung ai sanit ning hta Yohtam a kasha Ahaza mung Yuda hkawhkam tai wa sai rai nna,

2 HKAWHKAM 16:5

Suri Hkawhkam Rezin hte Israela Hkawhkam Peka yan gaw Yerusalem mare hpe lung gasat nna dai mare hpe wang da ti mung, Ahaza hpe n dang ma ai.

ESAIA 1:1

Ndai laika hta Yuda hkawhkam ni rai nga ai Uzia, Yohtam, Ahaza hte Hezekia ni hkaw dung nga ma yang, Yuda mungdan hte Yerusalem a lam hte seng nna, Amot a kasha Esaia kaw du ai Karai Kasang a mungga ni rai nga ai.

ESAIA 8:6

Shi gaw, “Ndai amyu masha ni gaw asim sha lwi nga ai Shilo hka shi hpe kau da nna, Hkawhkam Rezin hte Hkawhkam Peka yan a man e hkrit gari nga ma ai majaw,

ESAIA 9:11

Dai Madu gaw shanhte hpe gasat na matu shanhte a gumlau hpyen ni hpe shalut ya nu ai.

EZEKELA 27:16

Suri masha ni mung gun rai hte nang galaw shapraw ai hpaga gun rai ni mari la ma ai. Shanhte gaw mya lung seng tsit, shaba pu nsam rawng ai sumpan, maka ka ai sumpan, mani ai lachyit nba, tanda ngu ai chyahkat nlung hte lung seng hkyeng ni hpe la sa nna na a gun rai ni hte galai la nga ma ai.

HOSEA 1:1

Ndai gaw Yuda hkawhkam ni rai nga ai Uzia, Yohtam, Ahaza hte Hezekia ni up hkang ai laman hte Yehoasha a kasha Yeroboam Israela hkawhkam tai nga ai aten hta Beri a kasha Hosea hpe jaw ai dai Madu a mungga rai nga ai.

MIHKA 1:1

Ndai gaw Yuda hkawhkam ni rai nga ai Yohtam, Ahaza hte Hezekia ni a lakhtak e, Morashet mare na Mihka hpang de Samari hte Yerusalem hte seng nna dai Madu jaw ya ai mungga rai nga ai.