ESAIA 66:6 - Jinghpaw Common Language Bible 2009

⁶ Madat mu! Mare kaw na ja ja garu ai nsen, dai Nawku Htingnu na nsen gaw shi a gumlau hpyen ni hpe ari jaw nga ai dai Madu a nsen rai nga a hka!

Jinghpaw Hanson Version Bible

⁶ Mare de na wu kadu ai nsen, nawku Htingnu de na ngoi ai nsen, hpyen ni hpe matai dawp ai Yehowa a nsen, ngoi pru nga ai.

ESAIA 66:6 ပူးပေါင်းရင်းမြစ်များ

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 34:8

Ndai aten gaw dai Madu Ziun hpe hkye mawai la ai hte de a gumlau hpyen ni hpe matai htang ai aten rai na ra ai.

ESAIA 59:18

Shi gaw shi a gumlau hpyen ni hpe shanhte galaw sai amu hte maren ari jaw na ra ai, sumtsan mungdan hkan nga ai ni hpe du hkra pyi ari jaw na ra ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

SHINGRAN 12:2

Shi gaw na-um nasin rai nna, shangai na matu shinggyim machyi ai majaw grai jahtau hkrap nga ai.