ESAIA 66:24 - Jinghpaw Common Language Bible 2009

²⁴ “Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

Jinghpaw Hanson Version Bible

²⁴ Shanhte gaw paw pru nna ngai hpe shut hpyit ai ni a moi mang hpe hpu yu na mara ai; kaning rai nme law shanhte hpe sha ai byet si ai, n rai, shanhte hpe hkru ai wan krip ai, n rai: shanhte gaw hkrung mahkrung yawng a man e, matsat shabat hkrai tai na mara ai,” nga ai.

ESAIA 66:24 ပူးပေါင်းရင်းမြစ်များ

SHAKAWN KUNGDAWN 110:6

Shi gaw masha ni hpe tara dara na ra ai hte, majan pa ni hta masha mang ni hte jahpring da na ra ai; mungkan ting na hkawhkam ni hpe shi agrawp kau na ra ai.

ESAIA 1:28

Rai ti mung shi gaw yubak mara galaw ai masha hkum shagu hte shi hpe gumlau ai ni hpe agrawp mani kau na ra ai. Shi gaw shi hpe kau tawn da ai masha shagu hte hpe sat kau na ra ai.

ESAIA 1:31

Wan n-yang hte yihku wan hkru ai zawn, wa ngan n-gun ja ai masha ni mung, shanhte a n hkru ai sat lawat arawn alai hta hten byak mat na mara ai. Dai hten run ai hpe kadai mung jahkring kau lu na ra ai n rai.

ESAIA 14:11

Nang gaw tingse sumpyi ni hte shagrau sha-a hkrum ga yu nit dai, rai ti mung ya chyawm gaw nang ndai katsan ga e rai nga nit dai. Nang gaw byet panep ntsa e kaleng taw nga ai hte latung nba hte htinggrum da hkrum nga ndai.”’

ESAIA 24:20

Ginding aga shi nan gaw chyaru nang ai wa zawn ndi nda rai nna, nbung laru kata na yihkyap kanga ai zawn, rai mat na ra ai. Mungkan ga gaw shi a shut hpyit ai yubak ni hta li nga ai; dai gaw kazut taw mat nna galoi mung bai rawt lu na ra ai n rai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 34:10

Dai mungdan gaw shani shana hkru nga na ra ai, wan hkut mung dai mungdan kaw na htani htana rawt mawng taw nga na ra ai. Dai mung gaw prat mi hte prat mi katsi katsang shara tai mat nna kadai mung dai mung hku bai ga lai hkawm sana ma ai n rai.

ESAIA 34:3

Shanhte a moi mang ni hpe lup makoi lu na n rai, rai ti mung dai yang e yat ai hte manam hkying taw nga na mara ai; bum ni gaw asai hte hkyeng mat na ra ai.

ESAIA 48:22

Dai Madu gaw, “Yubak kap ai ni a matu shim lum lam n nga nga ai,” ngu nna tsun ai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 51:8

shanhte gaw manut e sha kau ai sumpan zawn tsam mat na mara ai! Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw prat mi hte prat mi agrin nga na ra ai.”

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

Daniela 12:2

Dai si mat masai masha law law mung bai hkrung wa na mara ai; nkau mi gaw htani htana asak a majaw kabu gara na mara ai; nkau mi gaw htani htana arawng hpoi myi man sum ai nni nkri hpe hkam sha na mara ai.

ZEHKARIA 14:12

Dai Madu gaw Yerusalem hpe hpyen majan galaw ai masha amyu baw ni yawng a ntsa e hkrithpa ana zinli dat dat na wu ai. Shanhte a hkum shan gaw shanhte asak naw hkrung nga yang pyi yat mat nna, shanhte a myi hte shinglet ni mung yat mat na mara ai.

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.