ESAIA 66:19 - Jinghpaw Common Language Bible 2009

¹⁹ shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

Jinghpaw Hanson Version Bible

¹⁹ “Ngai gaw shanhte a ka-ang e lamik kumla madun dan nna, shanhte hta na lawt lu ai ni hpe, ndan gap chye ai Tarshi, Pula, Luda amyu ni hpang de mung, Tubala yan Yawan hpang de mung, nye a lam garai n na yu ai hte, nye a hpung shingkang garai n mu lu ai, sumtsan mung na zunlawng ni hpang de mung, ngai shangun dat nna, shanhte gaw maigan amyu ni hpe, nye a hpung shingkang lam tsun dan na mara ai.

ESAIA 66:19 ပူးပေါင်းရင်းမြစ်များ

NINGPAWT NINGHPANG 10:13

Egutu a matu mara ni gaw Ludi, Anam, Lehab, Nahtuha,

NINGPAWT NINGHPANG 10:2

Ya Yahpet a shadang sha ni gaw Goma, Magoga, Madai, Yawan, Htubala, Meshek hte Htira ni rai ma ai. Shanhte gaw shanhte a mying ni hta hkan nna ran yu wa ai amyu bawsang ni a kaji kawa ni tai wa masai.

NINGPAWT NINGHPANG 10:22

Shem a shadang sha ni gaw Elam, Ashura, Arhpaza, Luda hte Aram ni rai nna shanhte a mying ni hta hkan nna pra nga ai amyu masha ni a kaji kawa ni tai wa nga masai.

NINGPAWT NINGHPANG 10:4

Yawan a aru arat ni gaw Elisha, Spain, Kupru hte Roda amyu masha ni rai ma ai.

NINGPAWT NINGHPANG 9:27

Karai Kasang gaw Yahpyet hpe maden shajat ya nu ga! Shi a aru arat ni Shem amyu bawsang ni hte rau shanu nga lu mu ga! Hkanan chyawm gaw Yahpet a mayam tai mat nu ga,” ngu nna tsun ai.

1 HKAWHKAM LABAU 1:11

Egutu amyu matu ni gaw Ludia, Anam, Lehab, Naphtuha,

1 HKAWHKAM LABAU 1:7

Yawan a amyu matu ni gaw Elisha, Spain, Kupru, Rhodes masha ni rai ma ai.

1 HKAWHKAM LABAU 16:24

Shi a hpung shingkang masha amyu ni hpe, shi a chyalai n-gun hte hpring ai amu masha yawng hte hpe htawn tsun dan mu.

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

ESAIA 11:12

Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 18:3

Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

ESAIA 18:7

Chyahtum Chyalai N-gun rawng ai dai Madu gaw mungkan ting jawm hkrit ai hte hkum shingyan galu nna hkum shan pri tsawm ai amyu masha ni, n-gun ja nhtawm daru magam n-gun hte hpring nga ai amyu hte hka nu hku hkan nna garan da ya sai dai mungdan kaw nna sak jaw ai shagu hkungga hpe hkap la na aten gaw du wa nga sai. Shanhte gaw Chyahtum Chyalai N-gun rawng ai dai Madu hpe nawku ai shara ngu ai Ziun Bum de sa wa na mara ai.

ESAIA 2:16

Shi gaw kaba htum ai hte tsawm dik htum ai sanghpaw li ni hpe pyi lup kau na ra ai.

ESAIA 29:24

Angawk ai amyu masha ni chye la na matu sharin la na mara ai, tut nawng aput angun nga ai ni sharin achyin hkam la lu na matu kabu gara na mara ai.” ngu nna tsun wu ai.

ESAIA 42:12

Sumtsan mung ni hta nga ai ni gaw dai Madu hpe shakawn kungdawn ai hte shi a hpung shingkang hpe shagrau nga mu ga!

ESAIA 42:4

Shi gaw myit mada shara, nden marai shamat kau na ra ai n rai; shi gaw ginding aga ntsa e teng man rap ra ai tara shagrin da na ra ai. Sumtsan mung na ni gaw shi a sharin shaga ga hpe sharawng awng ai myit hte ala nga ma ai,” ngu nna tsun ai.

ESAIA 43:6

Shanhte hpe wa shangun na matu dingdung maga de ngai tsun na nngai; shanhte hpe n shingdang lu na matu dingda maga de tsun na nngai. Nye a amyu masha ni tsan ai mung ni kaw na nhtang wa mu ga, mungkan jut shara shagu kaw na nhtang wa mu ga.

ESAIA 49:1

Tsan gang ai shara hkan nga ai sumtsan masha amyu baw ni e, nye a ga madat mu! Ngai garai n shangai ai aten kaw na, dai Madu gaw ngai hpe lata la ai hte shi a shangun ma tai na matu ngai hpe san da nu ai.

ESAIA 49:12

Nye a amyu masha ni gaw tsan gang ai shara ngu ai dingdung hte sinna maga de nna mung, dingda maga Aswan kaw na mung sa wa na mara ai.

ESAIA 49:22

Tsaw Htum ai dai Madu gaw shi a amyu masha ni hpe ning ngu tsun nga ai: “Ngai gaw masha amyu baw ni hpe kumla madun na nngai, shanhte gaw na a ma kaji ni hpe dum nta de woi wa na mara ai.

ESAIA 51:5

Ngai gaw tin tin sa nna shanhte hpe hkye la na nngai; nye a awng padang lu la na aten ni wa nga sai. Ngai nan masha amyu baw ni a ntsa e up na nngai. Sumtsan mung na ni gaw ngai sa wa na matu ala nga ma ai; shanhte gaw shanhte hpe hkye la na matu myit mada ai hte ngai hpe ala nga ma ai.

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 52:15

Rai ti mung, ya chyawm gaw masha amyu baw law law ni shi hpe yu mau na mara ai, hkawhkam ni gaw ga n shaga ai sha mau mat na mara ai. Shanhte gaw shanhte galoi mung n chye na yu ai arai lama mi hpe mu lu nna chye na wa na mara ai,” ngu nna tsun ai.

ESAIA 55:5

Ya chyawm gaw, nang gaw nang hpe lang mi mung n chye ai maigan masha amyu baw ni hpe nang shaga ai hte shanhte nang hte matut na matu kagat shang wa na mara ai! Ngai gaw dai Madu na a Karai Kasang, Israela a chyoi pra ai Karai Kasang rai nga nngai, ndai yawng mayawng hpe ngai shabyin dat na nngai; ngai gaw nang hpe arawng sadang hte hpung shingkang ap ya na nngai,” ngu nna tsun ai.

ESAIA 60:9

Dai ni gaw sumtsan mung na du wa ai sanghpaw li ni rai nna, Karai Kasang a amyu masha ni hpe nta de woi wa nga ma ai. Shanhte gaw masha amyu baw ni yawng hpe Shi a amyu masha ni a matu shagrau sha-a hkrum shangun nga sai. Dai Madu Israela a chyoi pra ai Karai Kasang hpe Shagrau sha-a na matu shanhte hte rau aja gumhpraw la wa ma ai.

ESAIA 62:10

Yerusalem amyu masha ni e, Mare kata na pru mu, Nhtang wa nga ai na a amyu masha ni a matu nmaw lam galaw mu! Nmaw lam kaba lajang mu; nlung ni hpe jasan kau mu! Masha amyu baw ni chye lu mu ga, masat kumla sharawt tawn mu!

ESAIA 65:1

Dai Madu gaw, “Ngai gaw nye a amyu masha ni a akyu hpyi ga ni hpe htan ya na matu jin jin rai nga nngai, rai ti mung shanhte akyu n hpyi ma ai. Ngai hpe hkan tam na matu shanhte a matu ngai jin jin rai nga nngai, rai ti mung shanhte shakut pyi n shakut tam ma ai. ‘Ndai yang e ngai nga nga nngai; ngai nang hpe karum na nngai,’ ngu nna ngai shanhte hpe htan na matu tut nawng jin jin rai nga tim pyi, amyu baw gaw ngai kaw akyu hpyi yu ma ai n rai.

YEREMIA 46:9

Hpyen gumra ni pru sa nna, hpyen leng ni hkawm taleng nga na hkang dat nu ai! Ehtiopi mung hte Libya mung na hpyen ninggang ni hpe lang nga ai hpyenla ni hte Ludi mung na ndan chye shachyen ai masha ni pru wa mu ga,’” ngu nna tsun wu ai.

EZEKELA 27:10

“Persi, Luda hte Libya mung na hpyenla ni gaw na a hpyen luksuk hta hpyen amu shang galaw ma ai. Shanhte gaw tinang a ninggang ni hte gupchyawp ni hpe na a hpyen dap ni hta noi da nga ma ai. Shanhte gaw na a arawng sadang hpe dan hkung shangun nga ma ai.

EZEKELA 27:13

Nang gaw Grik, Tubala hte Meshek masha ni hte hpaga yumga galaw nna na a gun rai ni hpe mayam ni hte mung, magri mang gawm ni hte mung galai hkat nga ndai.

EZEKELA 30:5

“Dai majan gaw Ehtiopi, Libya, Luda, Arabi hte Hkuba mung kaw nna saw shaga da ai hpyenla ni hpe mung, nye a amyu masha ni hpe mung sat kau na ra ai.”

EZEKELA 32:26

“Meshek yan Tubala hte shan a grup yin e, shan a hpyenla ni a lup sung hku ni mung nga nga ma ai. Shanhte yawng gaw matu gadoi n hkam ai ni rai nna majan hta sat kau hkrum ai ni hkrai rai ma ai. Shanhte gaw asak hkrung ai dinghta ga hpe lang mi jahkrit shama yu masai.

EZEKELA 39:1

Tsaw Htum ai dai Madu gaw, “Si chye ai masha wa e, Meshek hte Tubala masha amyu baw ni hpe up hkang ai du kaba Goga hpe htawn tsun u, ngai gaw shi a hpyen rai nga nngai ngu shi hpe tsun u.

EZEKELA 39:6

Ngai gaw Magoga mung hta mung, panglai hkin-gau mayan hku apyaw alaw hte shanu nga ai ni hta mung wan shachyi dat na nngai, shaloi ngai nan dai Madu rai nga nngai hpe masha shagu chye lu na mara ai.

Daniela 11:18

Dai hpang shi gaw panglai hka masawn hku nga ai masha amyu ni hpe gasat nna ka-up la na ra ai. Rai ti mung maigan na ningbaw langai mi shi hpe dang kau nhtawm, myit tsaw myit dap ai hpe jahtum kau ya na ra ai. Shi gaw Suri hkawhkam wa a myit tsaw myit dap ai hpe shi a ntsa de teng teng nhtang kau dat ya na ra ai.

ZEHPANI 2:11

Dai Madu gaw shanhte hpe jahkrit shama dat na ra ai. Shi gaw aga ting na karai ni hpe kaman de shayu kau tawn na ra ai, shaloi masha amyu baw shagu gaw shanhte a shara kaw na shi hpe nawku na mara ai.

ZEHPANI 3:10

Tsan la ai Ehtiopi mung na shabra kau dat ai nye a amyu masha ni pyi ngai hpang de shagu hkungga sa sak jaw na mara ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

MARKU 16:15

Bai shi shanhte hpe, “Nanhte mungkan ting chyam hkra hkawm sa nna shinggyim masha amyu baw shagu hpe, dai Kabu Gara Shiga hkaw dan mu.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

ROMA 15:21

Dai Chyum Laika hta, “Shi a lam kadai mung garai n tsun dan yu ti mung shanhte mu lu na mara ai; garai n na yu ai mung, chye lu na mara ai,” nga nna ka da ai hte maren rai nga ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,