ESAIA 66:18 - Jinghpaw Common Language Bible 2009

¹⁸ Ngai gaw shanhte a myit mang ai lam ni hte shanhte a arawn alai sat lawat ni hpe chye nga nngai. Amyu baw ni mahkra a masha ni hpe zup hpawng shangun na matu ngai du sa wa nga nngai. Shanhte rau sa hpawng ai shaloi, nye a daru magam n-gun kaning re ai amu galaw lu ai hpe shanhte mu wa na mara ai,

Jinghpaw Hanson Version Bible

¹⁸ Kaning rai nme law, shanhte a arawn alai hpe mung shanhte a myit mang ai hku hpe mung, ngai chye nngai; masha amyu ni hte, ga amyu baw kaga tsun ai ni mahkra hpe, ngai zuphpawng shangun na aten du ra ai; shanhte mung sa du nna, nye a arawng sadang hpe mu lu na maru ai.

ESAIA 66:18 ပူးပေါင်းရင်းမြစ်များ

YOBA 42:2

Madu e, nang gaw daru magam n-gun yawng hte hpring ai wa rai nna; nang ra ai lam magup hpe nang galaw lu nga ndai gaw ngai chye nngai.

SHAKAWN KUNGDAWN 139:2

Ngai galaw ai lam yawng mayawng hte hpe mung, nang chye nga ndai; nye a myit mang ai lam yawng mayawng hpe mung, tsan tsan kaw nna, nang chye nga ndai.

SHAKAWN KUNGDAWN 72:11

Hkawhkam ni yawng hte gaw shi a man e, dingnyawm wa na mara ai; amyu masha ni yawng hte mung shi hpe daw jau na mara ai.

SHAKAWN KUNGDAWN 72:17

Hkawhkam wa a amying hpe galoi mung n malap kau lu mu ga; shi a mying gumhkawng ai lam, jan zawn agrin nga u ga. Hkawhkam wa hpe Karai Kasang shaman chyeju jaw ya ai zawn, amyu baw ni yawng mung, Karai Kasang shanhte hpe shaman ya na matu hpyi nga mu ga.

SHAKAWN KUNGDAWN 82:8

Karai Kasang e, sa rit, mungkan ga hpe up hkang nga u; amyu baw ni yawng hte gaw na a hkrai rai ma ai.

SHAKAWN KUNGDAWN 86:9

Nang hpan tawn da ai masha amyu baw ni yawng hte gaw nang kaw sa nna dingnyawm wa na mara ai; shanhte gaw na a galu kaba ai lam hpe shakawn na mara ai.

SHAKAWN KUNGDAWN 94:11

Madu gaw shanhte hpa myit nga ai hpe chye nga ai, shi gaw shanhte a myit sawn yu ai lam, kade lachyum n pru nga ai hpe chye ya nga ai.

SHAKAWN KUNGDAWN 97:6

Sumsing lamu ni gaw shi a ding man ai lam hpe htawn tsun nga nna; amyu baw ni yawng hte mung shi a hpung shingkang hpe mu nga ma ai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

ESAIA 37:28

“Rai ti mung ngai gaw nang hte seng ai nang hpa galaw nna gara de hkawm sa ai lam magup hpe chye nngai. Nang ngai hpe kade daram n-yun bu ai hpe mung ngai chye nngai.

ESAIA 40:5

Dai hpang dai Madu a hpung shingkang gaw dan dawng wa nna, amyu masha ni yawng dai hpe mu na mara ai. Dai Madu gaw shi nan ndai amu hpe ga sadi jaw nu ai,” ngu nna ja ja jahtau tsun nga ai.

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 55:8

Dai Madu gaw, “Nye a myit mang ai lam ni gaw nanhte zawn n rai nga ai, nye a lam ni gaw nanhte a lam ni hte kaga ga rai nga ai.

ESAIA 56:8

Bawng dung hkrum ai kaw na Israela dum nta de woi wa ai Tsaw Htum ai dai Madu gaw shi a amyu masha ni hte matut mahkai wa na matu kaga masha ni hpe naw woi wa na ra ai, ngu ga sadi tawn da nga sai.

ESAIA 57:12

Nanhte galaw ai amu gaw ding man nga ai ngu, myit nawn nga myit dai, rai ti mung na a sat lawat hpe ngai madun na nngai, nanhte a hpara sumla ni gaw nanhte hpe karum ya lu na ra ai n rai.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

ESAIA 65:2

Shut hpyit amu hpe du ja ja hte galaw nna shanhte a lam hku sha hkawm nga ai nye a amyu masha ni hpe hkalum la na matu ngai tut nawng jin jin rai nga nngai.

ESAIA 66:10

Yerusalem hte rau kabu mu; Ndai mare hpe tsaw ra ai nanhte yawng hte gaw shi a matu kabu gara nga mu! Shi a majaw sharung shayawt hkrum ai ni yawng hte e, shi hte rau ya kabu gara nga mu!

YEREMIA 16:17

Shanhte galaw ai lam shagu hpe ngai mu nngai. Hpa mung ngai kaw nna makoi gyem lu ai n rai. Shanhte galaw ai yubak mara ni gaw nye a man kaw na hprawng lawt mat wa lu nga ai n rai.

YEREMIA 3:17

Dai aten du ai shaloi, Yerusalem gaw ‘Dai Madu a Tingnyang,’ ngu nna shamying na mara ai; Masha amyu baw ni yawng mung ngai hpe nawku na matu sa zup wa na mara ai. Shanhte gaw du ja ai hte n hkru ai myit masin hte maw mawn ai lam hpe galoi mung hkan galaw na ma ai n rai.

EZEKELA 38:10

Ndai gaw Tsaw Htum ai dai Madu Goga hpe tsun ai mungga rai nga ai: “Dai aten du ai shaloi, nang gaw n hkru ai maw mawn lam hpe myit shapraw na rin dai.

EZEKELA 39:21

Dai Madu gaw, “Nye a teng man ai daw dan lam ni hpe galaw shapraw na matu, nye a daru magam n-gun hpe kaning rai lang ai, nye a hpung shingkang masha amyu baw ni hpe ngai madun dan ai hpe shanhte mu lu na mara ai.

YOELA 3:2

Ngai gaw masha amyu baw ni yawng hpe jahpawng da nna, shanhte hpe Tara Jeyang ai Kadit de woi sa wa na nngai. Dai yang e, nye a amyu masha ni hpe shanhte galaw manu ai yawng mayawng a matu ngai shanhte hpe jeyang na nngai. Shanhte gaw Israela amyu masha ni hpe maigan mung de shaden kau nna nye a mungdan Israela hpe karan kau manu ai.

AMO LAIKA (AMOS) 5:12

Nanhte galaw shut kau ai yubak ni gaw kade sha hkrit hpa rai nga ai hte nanhte shut hpyit kau sai ru hka amu ni kade law la nga ai hpe ngai chye nngai. Nanhte gaw mai kaja ai masha ni hpe zingri zingrat di ai, mayun kumhpa ni la ai hte tara rung ni hta matsan masha ni hpe teng man rap ra ai hku n daw dan nga myit dai.

ZEHKARIA 14:16

Dai hpang, Yerusalem hpe gasat sa wa ai masha amyu baw ni hta na naw hkrung nga ai ni langai hte langai gaw Chyahtum Chyalai N-gun rawng ai dai Madu ngu ai Hkawhkam wa hpe nawku na matu mung, Sum Poi galaw na matu mung, shaning shagu dai mare de lung wa na mara ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 12:25

Yesu gaw, shanhte hpa baw myit mang nga ma ai hpe chye ya mu ai majaw, shi shanhte hpe tsun mu ai gaw, “Mungdan langai mi hta masha ni gaw myit n hkrum nna shada da gasat hkat nga yang gaw dai mungdan na na grin na n rai. Gara mare, gara nta dinghku rai tim, myit n hkrum nna shada da gasat hkat ma yang gaw bra garan mat na mara ai.

MAHTE 9:4

Yesu gaw shanhte a myit mang ai hpe chye ya jang, “Nanhte a kraw lawang ni hta e, hpa majaw n kaja ai myit nga myit ta?

LUKA 5:22

Shanhte myit aru yu ai lam hpe Yesu chye wu ai majaw, “Nanhte hpa rai kraw kata hta dai lam ni myit aru yu nga myit ta?

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.

YAWHAN 5:42

Rai ti mung nanhte kaning re ai masha ni rai nga myit dai hte nanhte hta Karai Kasang hpe tsaw ra ai myit n rawng nga malit dai hpe ngai chye nngai.

ROMA 16:26

Rai ti mung ya aten hta dai makoi magap da ai teng man ai lam gaw, myihtoi laika ni hku nna dan dawng wa ra ai. Masha amyu nlang hte Karai Kasang hpe kam sham nna madat mara mu ga, htani htana Karai Kasang a hkang da ai hte maren dai teng man ai lam hpe hkaw tsun shadum dan nga sai.

1 KORINHTU 3:20

Bai kaga chyum ga hta mung, “Hpaji rawng ai ni a myit ai lam ni hpa manu n rawng nga malu ai gaw, dai Madu chye ya nga ai,” nga nna ka da nga ai.

TARA JAHPRANG 31:21

shaloi hkrit hpa ru yak tsin-yam tsindam law law shanhte hkrum kadup na mara ai. Rai ti mung ndai mahkawn mangoi ga hpe naw mahkawn na ra ai rai nna dai gaw shanhte a matu sakse tai nga na ra ai. Shanhte hpe jaw na ngu nna ga sadi jaw da sai mungdan de garai n woi shang ai kaw nna pyi, shanhte kaning rai myit mang nga ma ai hpe ngai chye nga nngai,” ngu nna tsun wu ai.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

SHINGRAN 2:2

Nang galaw sai amu hpe ngai chye nga nngai. Nang gade yak la ai hte galaw sai lam, nang gade hkam sharang sai lam ngai chye nga nngai. Nang gaw n hkru n hkra re ai masha ni hpe ra mi n rai nga shangun lu ndai mung, Kasa n re ai ni kasa rai ga ai nga nna tsun ai kasa hpyi hpun ai ni hpe nang san dinglik yu nna, shanhte masu ai ni re ai lam shadan kau ya lu ndai mung, ngai chye nga nngai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.