ESAIA 66:13 - Jinghpaw Common Language Bible 2009

¹³ Kanu gaw kasha hpe shalan shabran ai zawn ngai mung nang hpe Yerusalem hta shalan shabran na nngai.

Jinghpaw Hanson Version Bible

¹³ Kanu gaw kasha hpe shangwi shapyaw ya ai hte maren, ngai nanhte hpe shangwi shapyaw nna, nanhte gaw Yerusalem mare hta, ngwipyaw ai hkrum na myit dai:”

ESAIA 66:13 ပူးပေါင်းရင်းမြစ်များ

SHAKAWN KUNGDAWN 137:6

Nang hpe ngai malap kau nna, nang hpe nye a kabu htum ai shara hku n myit sawn kau ai rai yang, hpang de, ngai galoi mung bai n mahkawn shakawn lu nu ga!

SHAKAWN KUNGDAWN 94:19

Ngai myit ru myit tsang hkrum hkra nga ai shaloi; nang ngai hpe shalan shabran ai hte kabu gara shangun nga ndai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 40:1

Anhte a Karai Kasang gaw, “Nye a amyu masha ni hpe shalan shabran mu, shanhte hpe shalan shabran mu!

ESAIA 40:2

Yerusalem amyu masha ni hpe n-gun jaw mu. Shanhte aten galu mi hkrum sha lai wa sai nni nkri hte ya raw dat hkrum sai shanhte a yubak mara ni a lam shanhte hpe tsun dan mu. Ngai gaw shanhte hpe shanhte galaw ai yubak mara yawng a matu hpring tup hkra ari jaw ni ai,” ngu nna tsun ai.

ESAIA 49:13

Sumsing lamu ni e, mahkawn mangoi mu! Ginding aga e, kabu gara jahtau u! Bum ni mahkawn garu nga mu ga! Dai Madu gaw shi a amyu masha ni hpe shalan shabran na ra ai; shi gaw nni nkri hkam sha nga ai shi a amyu masha ni hpe matsan dum na ra ai.

ESAIA 51:12

Dai Madu gaw, “Ngai gaw nang hpe n-gun shaja ya ai wa rai nga nngai. Nang gaw hpa majaw tsingdu hta grau nna pyi n grin lu ai si chye ai masha wa hpe hkrit nga n ta?

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 66:10

Yerusalem hte rau kabu mu; Ndai mare hpe tsaw ra ai nanhte yawng hte gaw shi a matu kabu gara nga mu! Shi a majaw sharung shayawt hkrum ai ni yawng hte e, shi hte rau ya kabu gara nga mu!

2 KORINHTU 1:3

Matsan dum chye ai kawa hte karum ai lam amyu myu a Karai Kasang, anhte a Madu Yesu Hkristu a Kawa Karai Kasang hpe anhte chyeju dum shakawn ga law.

2 KORINHTU 1:4

Anhte ru yak jam jau amyu myu hkrum ai shaloi Karai Kasang anhte hpe karum la mani ai. Dai rai nna, anhte gaw Karai Kasang kaw na anhte hkam la lu sai shalan shabran ai chyeju hte nan ru yak jam jau amyu myu hkrum nga ai kaga masha ni hpe bai karum la lu ga ai.

1 HTESALONI 2:7

Anhte gaw Hkristu a kasa ni re ai hte maren ahkaw ahkang hpe lang nna tsun shaga lu ga ai. Rai ti mung anhte gaw, nanhte hte rau nga nga ai ten hta, kasha ni hpe lanu lahku ai kanu zawn sumnung ai hte lanu lahku ga ai.