ESAIA 66:11 - Jinghpaw Common Language Bible 2009

¹¹ Ma gaw shi kanu a lahpyen hta rawng ai zawn, nang mung shi a ngamu ngamai lam hta kabu lu na rai ndai.

Jinghpaw Hanson Version Bible

¹¹ shing rai nanhte gaw, shi a shalan shabran ai madoi chyu hpang chyu nna, hkru kat na myit dai; nanhte chyu shup nna shi a n taw n tsang ngamu ngamai ai hta ngwipyaw nga na marin dai.”

ESAIA 66:11 ပူးပေါင်းရင်းမြစ်များ

SHAKAWN KUNGDAWN 36:8

Nang jaw ya ai n taw n tsang re ai lusha hta anhte lu sha ga ai; na a mai kaja ai chyeju hte lwi ai hka nu kaw na nang anhte hpe lu shangun mi ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 60:1

Yerusalem e, rawt u, ajan zawn htoi tu u; Dai Madu a hpung shingkang gaw na a ntsa e htoi tu nga ai!

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

ESAIA 60:2

Kaga masha amyu baw ni gaw nsin hte ka-up da hkrum na mara ai, Rai ti mung dai Madu a nhtoi gaw na a ntsa e htoi tu na ra ai; Shi a htoi kabrim ai hpung shingkang gaw nang hte rau nga nga na ra ai.

ESAIA 60:5

Nang gaw dai lam hpe mu nna kabu gara ai hte hpring na ndai; Nang gaw myit n dawt ai hte hkrit gari wa na ndai. Masha amyu baw ni a sut gan nang hpang de la sa na mara ai; Panglai din ai shara hkan na shanhte a sut gan ni du sa wa na mara ai.

ESAIA 62:2

Yerusalem e, masha amyu baw ni gaw nang awng padang lu la nga ndai hpe mu wa na mara ai! Shanhte a hkawhkam ni yawng gaw na a arawng sadang hpe mu wa na mara ai. Nang gaw dai Madushi nan jaw ai amying Nnan hte shaga hkrum na rai ndai.

YOELA 3:18

Dai aten hta, bum ni gaw sabyi sun ni hte hpring na ra ai; yam nga ni hpe kawng shagu a ntsa hkan e mu lu na ra ai; dai yang e, Yuda hka shi hka gai yawng hkan hka lwi na ra ai. Dai Madu a Nawku Htingnu kaw na hka shi langai lwi wa na ra ai, dai gaw Akasia Kadit hpe madit ya na ra ai.

1 PETRU 2:2

Ma chyangai zawn wenyi hte seng ai jet ai chyu hpe galoi mung hpang gara nga mu. Shing rai nanhte lu ai hte nanhte galu kaba wa nna hkye hkrang la ai hkrum na marin dai.