ESAIA 65:9 - Jinghpaw Common Language Bible 2009

⁹ Ngai gaw Yuda amyu bawsang hte seng ai Israela masha ni hpe shaman ya na nngai, shanhte a aru arat ni gaw nye a bum ni hpe madu na mara ai. Ngai hpe daw jau ai lata la hkrum ai nye a amyu masha ni gaw dai yang e shanu nga lu na mara ai.

Jinghpaw Hanson Version Bible

⁹ Ngai gaw Yaku a dap hta na nli, Yuda a dap hta na, nye a bum ni hpe sali hkam la ai wa hpe, shapraw na nngai; ngai lata la ai wa, dai hpe madu lu nna, nye a shangun ma ni dai hta e shanu nga na mara ai.

ESAIA 65:9 ပူးပေါင်းရင်းမြစ်များ

ESAIA 27:6

Dai nhtoi ni du jang, Yaku a aru arat ni ngu ai Israela amyu masha ni gaw hpun zawn aru jung wa nna asi si na matu apu pu majawm wa na mara ai. Ginding aga gaw shanhte shapraw ai nsi naisi hte jahpring na mara ai.

ESAIA 30:19

Yerusalem hta shanu nga ai amyu masha ni, nanhte gaw galoi mung hkrap sana n rai. Dai Madu gaw matsan chye dum ai wa rai nga ai, nanhte shi kaw karum la na matu jahtau ai shaloi, shi nanhte hpe htan ya na ra ai.

ESAIA 32:18

Karai Kasang a amyu masha ni gaw tsin-yam tsindam kaw na shalawt hkrum na mara ai, shanhte a dum nta ni ngwi pyaw sim sa ai hte shim nga na mara ai.

ESAIA 45:19

Ngai gaw machyi shim ai hku n tsun yu nngai, nye a yaw shada ai lam hpe makoi magap n galaw yu nngai. Katsi katsang re ai shara hta ngai hpe tam na matu, Israela amyu masha ni hpe ngai n lajin yu nngai. Ngai gaw dai Madu rai nga nngai, ngai gaw teng man ai ga hpe tsun nngai; Teng man ai amu hpe ngai chye shangun nngai.”

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 49:8

Dai Madu gaw shi a amyu masha ni hpe, “Nang hpe hkye la na matu aten du ai shaloi, ngai nang hpe myi man madun nna, karum la na matu hpyi jahtau ai ga ni hpe htan ya na nngai. Amyu masha ni yawng hte nang ga shaka tawn da ai hku nna sha, ngai nang hpe bau sin ai hte makawp maga na nngai. Ya aten katsi katsang gram mat sai na a mungdan hta ngai nang hpe kalang mi bai shanu nga shangun na nngai.

ESAIA 57:13

Karum la na matu nanhte jahtau ai shaloi, ndai nanhte a hpara sumla ni nanhte hpe hkye la mu ga! Nsa sa lai nbung gaw shanhte hpe shapoi kau na ra ai. Rai ti mung ngai hpe kam hpa ai ni gaw mungdan hta shanu nga lu nna ngai hpe nye a Nawku Htingnu hta nawku lu na mara ai,” ngu nna tsun ai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

EZEKELA 36:24

Ngai gaw nanhte hpe amyu baw shagu hte mungdan shagu kaw na shapraw la nhtawm nanhte a mungdan majing de woi nhtang wa na nngai.

ZEHPANI 3:20

Aten gaw du wa nga sai! Ngai gaw bra ayai hkawm nga ai amyu masha ni hpe dum nta de woi wa na nngai; Ngai gaw nanhte hpe mungkan ting hta kajai gumhkawng ai amyu shatai na mawe ai nanhte hpe kalang mi bai ngamu ngamai shangun na we ai.” Dai Madu nan tsun nu ai.

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

ROMA 11:28

Dai Kabu Gara Shiga hpe shanhte kabai kau ma ai majaw, Yuda amyu masha ni gaw Karai Kasang a hpyen tai wa masai. Shing rai byin wa ai gaw maigan amyu masha ni ngu ai nanhte akyu hkam la na matu rai nga ai. Rai ti mung, Karai Kasang gaw shanhte hpe lata la ai amyu shatai sai majaw shanhte a kaji kawa ni hpe tawn da sai ga sadi a gawp e shanhte gaw shi a tsaw ra hkrum ai ni rai nga ma ai.