ESAIA 65:7 - Jinghpaw Common Language Bible 2009

⁷ shanhte a kaji kawa ni a yubak ni a matu chyawm gaw shanhte hpe bai htang jaw na nngai. Shanhte gaw tara maigan masha ni a kawng ntsa na nawku shara ni hta manam pyaw ai baw nat nna ngai hpe n shawp ai ga tsun ma ai. Dai re ai majaw, lai sai aten na shanhte a arawn alai hte maren, shanhte hpe ngai ari jaw na we ai.”

Jinghpaw Hanson Version Bible

⁷ gaja wa, nanhte a shut hpyit ai hte hpawn, bum ntsa e lawban nat nna, kawng ni a ntsa e ngai hpe shatan nhkan ai, nji nwa ni a shut hpyit ai hpe mung, ngai nanhte a lahpyen hta tai na nngai: shing rai ngai gaw, shanhte a arawn alai hte maren, shanhte a lahpyen hta shawng hteng ya na nngai,” nga nna Yehowa tsun ai.

ESAIA 65:7 ပူးပေါင်းရင်းမြစ်များ

1 HKAWHKAM 22:43

Shi a kawa Asa zawn shi a man e, hkan hkawm nna dai Madu a man e, teng man ai amu hpe shi galaw nga ai; rai ti mung tara maigan masha ni a nawku shara ni hpe n jahten kau ya nga ai rai nna amyu masha ni dai yang hkan e shagu hkungga ni hpe matut nna nawng jau ya nhtawm manam pyaw ai baw hpe nat nawng ya nga ai.

1 HKAWHKAM 22:44

Yehoshahpat gaw Israela hkawhkam hte ngwi pyaw sim sa lam galaw da nga wu ai.

2 HKAWHKAM 12:3

Rai ti mung tara maigan masha ni a nawku shara ni hpe n jahten sharun kau ya wu ai majaw amyu masha ni mung dai hkan e shagu hkungga ni hpe nawng jau let manam pyaw ai baw ni hpe matut nat nga ma ai.

2 HKAWHKAM 14:4

Shi gaw tara maigan masha ni a nawku shara ni hpe n run jahten kau nga ai; amyu masha ni mung dai shara ni hkan e shagu hkungga ni hte manam pyaw ai baw ni hpe matut nna nawng ya nga ma ai.

2 HKAWHKAM 15:35

Rai ti mung tara maigan masha ni a nawku shara ni hpe n jahten sharun kau ya wu ai rai nna amyu masha ni dai shara ni hkan e shagu hkungga ni hpe matut nawng jau let, manam pyaw ai baw hpe nat nga ma ai. Shi gaw Nawku Htingnu a Dingdung Chyinghka hpe galaw da wu ai.

2 HKAWHKAM 16:4

Ahaza gaw kawng ntsa hkan na tara maigan masha ni a nawku shara ni hta mung, shingnip hpun shagu a npu hkan e mung, shagu hkungga ni hpe nawng jau nna manam pyaw ai baw hpe nat wu ai.

2 HKAWHKAM LABAU 21:11

Shi gaw Yuda mung na kawng ni hta pyi tara maigan masha ni a matu nawku shara ni galaw ya nhtawm Yuda mung hte Yerusalem mare na amyu masha ni hpe lam woi shadam nna dai Madu a man e shut hpyit shangun nga ai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 22:14

Chyahtum Chyalai N-gun rawng ai Tsaw Htum ai dai Madu gaw shi hkum nan ngai hpe, “Ndai n hkru n shawp ai gaw shanhte asak hkrung nga dingsa galoi mung mara dat hkrum na ma ai n rai. Chyahtum Chyalai N-gun rawng ai Tsaw Htum ai dai Madu Ngai nan tsun ni ai,” ngu nna tsun wu ai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 28:21

Dai Madu gaw shi galaw na matu yaw shada ai amu galaw lu hkra nga, laklai ai shi a amu ni shangut lu hkra, Perazim Bum hte Gibeon kadit hta shi galaw nu ai zawn gasat na ra ai. Shi gaw shi a amu, mauhpa amu hpe shangut na ra ai.

ESAIA 29:14

Dai rai nna ngai gaw shanhte langai hte langai hpe n myit mada ai mauhpa amu hte kajawng dat na nngai. Hpaji rawng ai ni angawk mat wa nna shanhte yawng a myit let ai lam gaw kaman lila tai mat na mara ai,” ngu nna tsun wu ai.

ESAIA 3:11

Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

ESAIA 30:13

Nanhte gaw mara kap nga myit dai. Nanhte gaw ga kaprang yu wa ai tsaw ai mare bunghku hte bung nga myit dai; nanhte gaw akajawng sha agrawp daw mat na marin dai.

ESAIA 30:14

Nanhte gaw ga di bu langai zawn ga gamang mat na marin dai, shing rai laja lana ga mat ai majaw, wan n-ga hta na matu mung, ntsin ja na matu mung lang ram na di hkyep pyi ngam nga na ra ai n rai.”

ESAIA 57:12

Nanhte galaw ai amu gaw ding man nga ai ngu, myit nawn nga myit dai, rai ti mung na a sat lawat hpe ngai madun na nngai, nanhte a hpara sumla ni gaw nanhte hpe karum ya lu na ra ai n rai.

ESAIA 57:7

Nanhte gaw tsaw ai bum ni de shagu hkungga ni nawng ai hte num la kanawn mazum na matu lung myit dai.

ESAIA 59:18

Shi gaw shi a gumlau hpyen ni hpe shanhte galaw sai amu hte maren ari jaw na ra ai, sumtsan mungdan hkan nga ai ni hpe du hkra pyi ari jaw na ra ai.

ESAIA 65:6

“Ngai gaw shanhte hpe ari jaw na matu daw dan da chyalu rai ni ai, shanhte a ari hpe mung ka matsing da sai. Shanhte galaw kau sai amu hpe yu numtawt kau ya na nngai n rai, rai ti mung shanhte galaw shut ai yubak mara ni hte

ESAIA 66:4

Dai rai nna, Ngai shaga yang kadai n htan, ngai ga shaga yang kadai n madat nga masai majaw, shanhte grai hkrit tsang nga ai tsin-yam tsindam ngai shanhte a ntsa de shapraw dat na nngai. Shanhte gaw nye a ga n madat na hte n hkru ai amu galaw na matu lata la manu ai.”

YEREMIA 13:25

Ndai gaw na a hpang jahtum na lam tai na ra ai, nga nna shi tsun nu ai. Nang gaw shi hpe malap kau nhtawm n teng n man ai karai ni hta manoi nga nit dai majaw, ndai lam nang hta shabyin dat na matu shi daw dan nu ai.

YEREMIA 13:27

Shi gaw nang galaw ai shi n dawng ai amu ni hpe mu nu ai. Htingbu wa a madu jan hpe hkan asoi yu nna ngang katu ai lasha wa zawn mung, gumra u yi hpang hkan ai lau gung zawn mung, kawng ni a ntsa hkan hte pa layang hkan e gap da ai tara maigan hpara ni hpang de nang hkan nga ai hpe shi mu nu ai. Yerusalem amyu masha ni e, nang gaw dingnye hkrum nga ndai! Galoi mi she nang san pra wa na rai nga n ta?

YEREMIA 16:18

Shanhte gaw nye a mungdan hpe asak n rawng ai si mang zawn re ai hpara sumla ni hte awu asin di nhtawm shanhte a n teng n man ai hpara sumla ni hte jahpring da ma ai majaw, ngai gaw shanhte hpe shanhte a yubak hte n hkru ai a matu ari htam lahkawng jaw na we ai,” ngu nna tsun ai.

YEREMIA 5:29

“Rai ti mung, Dai Madu ngai gaw shanhte hpe ndai amu ni a matu ari jaw na nngai; ngai gaw ndai amyu baw ni hpe matai dawk na nngai.

YEREMIA 5:9

Ngai gaw shanhte hpe dai zawn re ai amu ni a matu ari n jaw ang ai hte dai zawn re ai amyu baw hpe matai nhtang ang nngai kun?

EZEKELA 18:6

Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan n sha rai nga ai. Shi gaw kaga masha jan hpe n shut ai hte hking sa ai aten hta dai numsha hte n kanawn nga ai.

Daniela 9:8

Anhte a hkawhkam ni, mung up hkang du ni hte anhte a kaji kawa ni kaya kahpa amu galaw ai hte Madu nang hpe yubak galaw shut kau nga masai.

HOSEA 11:2

Rai ti mung shi hpe ngai shaga magang, ngai kaw na shi kayin mat wa magang rai nga ai. Nye a amyu masha ni Bala hpe shagu hkungga nawng ya ma ai; shanhte gaw hpara sumla ni hpe manam pyaw ai baw nat nawng ma ai.

HOSEA 2:13

Ngai gaw shi ngai hpe malap kau nna Bala hpara hpe manam pyaw ai baw nat nawng nna shi hkum hpe ja lung seng ni hte mawn sumli nna shi a sumtsaw ni hpang hkan mat wa ai aten ni a matu ari jaw na nngai.

JAW JAU 26:39

Nanhte galaw ai yubak hte nanhte a kaji kawa ni a yubak majaw nanhte a gumlau hpyen ni a mung hta naw ngam nga ai kau chyen mi gaw yawm mat na mara ai.

BU HKAWM 32:14

Ya mung dai Madu a masin kahtet ai gaw Israela a ntsa e jin jin bai shagrung dat na, dai n shawp n kap ai ban nnan masha nanhte gaw nanhte a kawa ni a malai rai nga manit dai.

LUKA 6:38

Masha ni hpe jaw mu, shing rai jang Karai Kasang mung nanhte hpe jaw na marin dai, kaja wa hpring kabrat anin garin nna teng man ai dang hte nanhte a lata hta hkap la lu ai made ru jaw bang ya na ra ai; nanhte masha ni hpe hteng ya ai dang hte maren, Karai Kasang gaw nanhte hpe bai hteng ya na marin dai,” ngu nna tsun mu ai.

1 HTESALONI 2:16

Anhte maigan masha ni hpe shanhte kaning rai hkye hkrang la hkrum lu na lam hkaw tsun ai hpe pyi Yuda masha ni hkum shingdang shakut ma ai. Ndai lai hku nna shanhte shut hpyit nga ai yubak mara ni hpe hkum hkra galaw manu ai. Dai rai nna hpang jahtum e Karai Kasang a pawt sindawng ai gaw shanhte a ntsa de du hkrat wa sai!