ESAIA 65:6 - Jinghpaw Common Language Bible 2009

⁶ “Ngai gaw shanhte hpe ari jaw na matu daw dan da chyalu rai ni ai, shanhte a ari hpe mung ka matsing da sai. Shanhte galaw kau sai amu hpe yu numtawt kau ya na nngai n rai, rai ti mung shanhte galaw shut ai yubak mara ni hte

Jinghpaw Hanson Version Bible

⁶ “Yu mu, nye a man e ka da nga ai rai nna, ngai atsin sha nga na n rai; ngai matai dawp na nngai;

ESAIA 65:6 ပူးပေါင်းရင်းမြစ်များ

SHAKAWN KUNGDAWN 107:17

Shanhte galaw ai yubak ni a majaw masha nkau mi angawk nga ma ai; shanhte galaw ai n hkru n hkra lam ni a majaw, nkau mi nchyi nmu hkrum sha nga ma ai.

SHAKAWN KUNGDAWN 109:14

Madu gaw shi a kaji kawa ni galaw ai n hkru n shawp ai amu ni hpe adum ya nga u ga; shi a kanu tawt lai ai yubak ni hpe galoi mung n raw dat ya lu u ga.

SHAKAWN KUNGDAWN 50:21

Dai lam yawng hte hpe nang galaw nit dai, ngai hpa mung n shaga nngai majaw, nang zawn ngai rai nga nngai ngu nna nang myit la nga ndai; rai ti mung, ya chyawm gaw, ngai nang hpe daru sharin na nngai hte nang hpe dai lam asan sha tsun dan na nngai.

SHAKAWN KUNGDAWN 50:3

Anhte a Karai Kasang sa wa nga ai rai tim, atsin sha du sa nga ai n rai; shi a man e wan shinglet ni hkru nga nna shi a makau mayang hkan e, laru kaba ru nga ai.

SHAKAWN KUNGDAWN 56:8

Ngai ru tsang kade hkrum sha ni ai gaw nang chye nga ndai; nye a myi prwi jahpan hpe nang tawn da ya nna, na a laika buk hta jahpan dai ni rawng nga ai n rai ni?

SHAKAWN KUNGDAWN 79:12

Madu e, maigan mungdan ni a n kaw n law re ai hte nang hpe kabai tawn nga ma ai majaw, shanhte hpe sanit lang ari bai htang jaw u.

PRU MAT 17:14

Shaloi dai Madu gaw Mawshe hpe, “Ndai awng padang lam hpe ka da u; shaloi dai hpe adum nga na mara ai. Amalek masha ni hpe ngai tsep kawp shamyit kau na lam, Yawshu hpe tsun dan u,” ngu nna tsun wu ai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 3:11

Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

ESAIA 42:14

Karai Kasang gaw, “Ngai gaw aten na na wa, atsin sha nga nga nngai; nye a amyu masha ni a ga hpe n htan ya nngai. Rai ti mung, ya chyawm gaw amu galaw na aten du nga sai; Ngai gaw shinggyim machyi ai numsha zawn jahtau nngai.

ESAIA 59:18

Shi gaw shi a gumlau hpyen ni hpe shanhte galaw sai amu hte maren ari jaw na ra ai, sumtsan mungdan hkan nga ai ni hpe du hkra pyi ari jaw na ra ai.

ESAIA 64:12

Madu e, ndai lam ni yawng hpe nang gaw hpa n galaw ai sha nga na wu ni? Nang gaw dai lam ni hpe hpa mung n galaw ai sha anhte hkam sharang lu ai hta jan nna anhte hpe nni nkri jahkrum na ngu nu ni?

ESAIA 66:6

Madat mu! Mare kaw na ja ja garu ai nsen, dai Nawku Htingnu na nsen gaw shi a gumlau hpyen ni hpe ari jaw nga ai dai Madu a nsen rai nga a hka!

YEREMIA 16:18

Shanhte gaw nye a mungdan hpe asak n rawng ai si mang zawn re ai hpara sumla ni hte awu asin di nhtawm shanhte a n teng n man ai hpara sumla ni hte jahpring da ma ai majaw, ngai gaw shanhte hpe shanhte a yubak hte n hkru ai a matu ari htam lahkawng jaw na we ai,” ngu nna tsun ai.

EZEKELA 11:21

Rai ti mung, awu asin re ai hte matsat shabat re ai hpara sumla ni hpe nawku na myit manoi tsaw ra nga ai ni hpe chyawm gaw ngai ari jaw na nngai. Shanhte galaw lai wa sai amu hte maren, shanhte hpe ngai ari jaw na nngai,” ngu nna dai Tsaw Htum ai dai Madu nan tsun wu ai.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

YOELA 3:4

“Turu, Sidon hte Hpilisti ginwang ni yawng hte e, nanhte ngai hpe hpa galaw mayu nga myit ni? Nanhte gaw lam lama ma a majaw ngai hpe matai htang mayu myit ni? Dai zawn galaw mayu ai rai yang, ngai nanhte hpe alawan matai htang na made ai!

MALAHKI 3:16

Dai hpang, dai Madu hpe hkrit kamyin ai ni gaw shada da tsun nga ma ai, dai Madu hpe hkrit kamyin ai hte shi hpe hkungga ai ni ka matsing laika buk langai hta ka jahkrat da nga ai.

LUKA 6:38

Masha ni hpe jaw mu, shing rai jang Karai Kasang mung nanhte hpe jaw na marin dai, kaja wa hpring kabrat anin garin nna teng man ai dang hte nanhte a lata hta hkap la lu ai made ru jaw bang ya na ra ai; nanhte masha ni hpe hteng ya ai dang hte maren, Karai Kasang gaw nanhte hpe bai hteng ya na marin dai,” ngu nna tsun mu ai.

TARA JAHPRANG 32:34

“Shanhte a gumlau hpyen ni kaning rai galaw manu ai hpe, dai Madu dum ya nga ai; shanhte hpe ari jaw na htuk ai aten hpe shi ala nga ai.

SHINGRAN 20:12

Si mat wa sai ni mung, kaji kaba n nga, tingnyang a man e tsap nga ma ai hpe ngai mu nngai. Laika ni hpe hpaw tawn nga ai. Asak laika ngu ai kaga Laika hpe mung hpaw tawn nga ai. Si mat wa sai ni gaw, shanhte galaw lai wa sai amu hte maren, laika ni hta ka da nga ai hta hkan nna tara daw dan ai hkrum ma ai.)