ESAIA 65:5 - Jinghpaw Common Language Bible 2009

⁵ Dai hpang shanhte gaw kaga ni hpe, ‘Anhte kaw na kran rai mat mu; Anhte gaw nanhte a matu nau wa chyoi pra nga ga ai majaw ahtawk hkra lu na myit dai n rai!,’ ngu nna tsun ma ai. Ngai gaw dai zawn re ai masha ni hpe n sharang lu nngai-shanhte hpe ninghkap na nye a masin kahtet ai gaw galoi mung n krip mat ai wan zawn rai nga li ai.

Jinghpaw Hanson Version Bible

⁵ bai shanhte gaw, “Nang hkrai kaga tsap nga u, ngai kaw hkum ni; ngai gaw nang hta grau chyoi pra nga nngai,” nga nna tsun ma ai. shing re ai ni gaw nye a ladi hta wan hkut, tutnawng hkru nga ai wan zawn, rai nga ai.

ESAIA 65:5 ပူးပေါင်းရင်းမြစ်များ

GA SHAGAWP 10:26

Lagawn ai masha wa hpe na a matu, amu lama mi galaw shangun na, galoi mung hkum saw shaga nga et; ntsin hkri gaw na a wa hte wan hkut gaw na a myi hte n htuk nga ai zawn, shi gaw nang hpe masin shapawt ya na ra ai.

GA SHAGAWP 16:5

Myit tsaw myit dap re ai masha shagu hpe dai Madu n dawng nga ai; shanhte hpe ari jaw ai kaw nna galoi mung, shi shalawt dat na ra ai n rai.

GA SHAGAWP 30:12

Shanhte gaw dik hkra matsat shabat re nga ai shaloi, san seng nga ga ai nga nna, myit la ai masha ni mung nga nga ma ai.

MAHTE 9:11

Hparishe nkau mi dai hpe mu ma yang, shanhte gaw, “Nanhte a sara gaw kang hta ai ni hte rau hpa rai shat pawng sha a ta?,” nga nna shi a sape ni hpe san mu ai.

LUKA 15:2

Hparishe ni mung, Tara sara ni mung, “Ndai wa gaw Yubak kap ai ni hpe hkap la nna, shanhte hte rau lu, rau sha nga ai!,” nga nna aput angun nga ma ai.

LUKA 5:30

Hparishe nkau mi hte shanhte a hpung hta lawm ai tara sara nkau mi gaw, Yesu a sape ni hpe, “Nanhte hpa rai kang hta ai ni hte kaga yubak kap ai masha ni hte rau, lusha nga myit ta?,” ngu nna san mu ai.

LUKA 7:39

Yesu hpe shaga ai Hparishe wa dai mu jang, “Ndai wa kaja wa myihtoi langai mi rai yang gaw, ndai num gaw kadai re ai, shi hpe kadai wa sa hkra nga ai, ndai num gaw kaning re ai yubak kap ai jan rai nga ai mung, shi chye na wu ai,” nga nna shi a kraw e myit nga ai.

TARA JAHPRANG 29:20

Dai Madu gaw dai zawn re ai wa hpe mara dat ya na wu ai n rai; shing rai na malai, dai Madu a hkru nga ai pawt sindawng ai gaw shi a ntsa e grung nga nhtawm dai Madu shi hpe tsep kawp shamyit kau ai aten du hkra, ndai laika hta ka matsing da ai tsin-yam tsindam yawng mayawng shi a ntsa e ru bun na wu ai.

YAKU 4:6

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.

YUDA 1:19

Ndai masha ni gaw hpung kata hta hka bra wa ai lam hpe shabyin ai ni, tinang a hkum shan ra marin ai lam ni hta hkan sa ai lam ni, Wenyi n lu la ai ni rai ma ai.