ESAIA 65:4 - Jinghpaw Common Language Bible 2009

⁴ Shanhte gaw shana e si mat sai masha ni a tsu minla ni hte ga shaga na matu lungpu hku ni hte lupwa ni de sa ma ai. Shanhte gaw wa shan sha nna, tara maigan shagu hkungga nawng jau ai hta na shan shapyaw si mai ntsin ni hpe lu ma ai.

Jinghpaw Hanson Version Bible

⁴ shanhte gaw lupwa hkan e sa dung nna, nsung hku ni hta yup nga ma ai: shanhte gaw wa shan sha nna, tinang a hka wan ni hta matsat shabat shan jahku lu nga ma ai:

ESAIA 65:4 ပူးပေါင်းရင်းမြစ်များ

PRU MAT 23:19

“Nang shu la lu ai shawng ngai ai nsi naisi hpe dai Madu na a Karai Kasang a nta de shaning shagu nang la sa na rai ndai. “Sagu, bainam kasha ni hpe kanu a chyu hte hkum shadu et.

PRU MAT 34:26

“Nanhte shu la lu ai shawng ngai ai nsi naisi ni hpe dai Madu a man de shaning shagu la sa na rai myit dai. “Sagu kasha shing n rai bainam kasha hpe kanu a chyu hte hkum shapyaw myit,” ngu nna tsun wu ai.

ESAIA 66:17

Dai Madu gaw, “Tara maigan sumla nawku na matu shanhte hkum ni hpe jasan jaseng ai ni, chyoi pra ai sun ni de hkawm sa ai ni, wa shan, yu shan hte kaga matsat shabat re ai malu masha ni hpe lu sha nga ai ni a jahtum aten gaw ni wa ra ai.

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

EZEKELA 4:14

Rai ti mung, ngai gaw, “N rai law, Tsaw Htum ai Madu e, ngai gaw nye hkum nan galoi mung awu asin garai n hkrum yu nngai. Ngai gaw ma prat kaw nna dai ni du hkra shi hkrai si taw nga ai dusat shan hpa hpe rai ti mung, matse labye dusat e kawa sat da ai shan hpe mung, galoi mung n sha yu nngai. Ngai gaw matsat shabat zawn nawn ai lusha hpa hpe rai tim galoi mung n sha yu nngai,” ngu nna bai htan nngai.

JAW JAU 11:7

Wa shan sha lu na myit dai n rai; dai gaw n san n seng nga ai ngu myit la na rai myit dai; dai gaw lahkru ga ti mung shat lai n lai nga ai.

ZEHKARIA 9:7

Shanhte gaw sai rawng ai shan lusha galoi mung sha lu na ma ai n rai, kaga hkum pat da ai lusha mung sha lu na n rai. Naw hkrung nga ai ni gaw nye a amyu masha daw chyen mi tai wa nhtawm Yuda amyu bawsang na amyu lakung langai zawn tai na mara ai. Ekron chyawm gaw Yebusi masha ni zawn nye a amyu masha daw chyen mi tai na mara ai.

BU HKAWM 19:11

Si mang hkra ai wa kadai mung htung masa hku nhtoi sanit ya tup n san n seng nga ai.

MAHTE 8:28

Ya hka nawng wora hkran Gadara ginwang de sa du ai shaloi, lup wa e sa nga ai nat kap ai masha lahkawng Yesu hte sa hkrum ma ai. Shan hta nat kap nna nachying n hkru la nga ma ai majaw, dai lam hku kadai mung n lai hkawm gwi ma ai.

LUKA 8:27

Yesu hkin-gau ntsa de pru lung wa yang, dai mare na nat kap ai masha langai mi sa tau la wu ai. Dai wa gaw aten na na wa hpun palawng n bu hpun ai hte, nta e mung n nga ai sha, lupwa lungpu ni hkan e nga nga ai.

TARA JAHPRANG 14:21

“Shi hkrai si ai dusat ashan hpe hkum sha myit. Nanhte hta hkan nga ai maigan masha ni hpe jaw sha na rai myit dai; shing n rai kaga maigan masha ni hpe dut ya na mai nga ai. Rai ti mung dai Madu nanhte a Karai Kasang nanhte hpe madu da nga ai majaw nanhte gaw shi a amyu masha ni rai nga myit dai. “Sagu bainam kasha hpe kanu a chyu hte hkum shapyaw myit.

TARA JAHPRANG 14:3

“Dai Madu tsun sai n san n seng ai baw hpe hkum sha myit;

TARA JAHPRANG 14:8

Wa shan hkum sha myit, dai gaw n san n seng ai baw rai nga ai ngu nna myit la lu na rai myit dai; dai gaw lahkru ga ti mung shat lai n lai nga ai. Dai dusat baw a shan hkum sha myit; de a si mang ni hpe pyi hkum sa hkra nga myit.

TARA JAHPRANG 18:11

mandan bau ai hte si ai masha a tsu minla hte ga shaga ai mung shanhte hpe hkum galaw shangun myit.