ESAIA 65:2 - Jinghpaw Common Language Bible 2009

² Shut hpyit amu hpe du ja ja hte galaw nna shanhte a lam hku sha hkawm nga ai nye a amyu masha ni hpe hkalum la na matu ngai tut nawng jin jin rai nga nngai.

Jinghpaw Hanson Version Bible

² Tinang myit ra ai hte maren, n kaja ai hku hkan ai gumle gumlau ai amyu hpe, nye a lata shani tup ngai ladawn wak nga nngai:

ESAIA 65:2 ပူးပေါင်းရင်းမြစ်များ

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

SHAKAWN KUNGDAWN 36:4

Shanhte gaw yup ku ntsa e kaleng nga yang, n hkru ai mahkyen ni hpe galaw ma ai; shi galaw ai amu hpa mung n kaja nga ai, n hkru ai amu hpa hpe mung galoi mung ningdang kau nga ai n rai.

SHAKAWN KUNGDAWN 36:5

Madu e, na a dinggrin tsaw ra myit gaw sumsing lamu du hkra dep nga ai; na a sadi sahka mung lamu ni de du hkra maden jat nga ai.

GA SHAGAWP 1:24

Ngai hpang de du sa na matu, nang hpe shaga ai hte saw lajin yu se ai rai tim, nang n madat ya ndai.

GA SHAGAWP 16:29

Kashun kashe du daw sai hkaw myit rawng ai masha ni gaw shanhte a manang ni hpe masu hkalem nna, tsin-yam tsindam de woi lau sa wa nga ma ai.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

ESAIA 55:8

Dai Madu gaw, “Nye a myit mang ai lam ni gaw nanhte zawn n rai nga ai, nye a lam ni gaw nanhte a lam ni hte kaga ga rai nga ai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

ESAIA 66:18

Ngai gaw shanhte a myit mang ai lam ni hte shanhte a arawn alai sat lawat ni hpe chye nga nngai. Amyu baw ni mahkra a masha ni hpe zup hpawng shangun na matu ngai du sa wa nga nngai. Shanhte rau sa hpawng ai shaloi, nye a daru magam n-gun kaning re ai amu galaw lu ai hpe shanhte mu wa na mara ai,

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

ESAIA 66:4

Dai rai nna, Ngai shaga yang kadai n htan, ngai ga shaga yang kadai n madat nga masai majaw, shanhte grai hkrit tsang nga ai tsin-yam tsindam ngai shanhte a ntsa de shapraw dat na nngai. Shanhte gaw nye a ga n madat na hte n hkru ai amu galaw na matu lata la manu ai.”

YEREMIA 18:12

Shanhte gaw, ‘N rai law, anhte hpa majaw rai na ga ta? Anhte yawng gaw adu ja ai hte n hkru nga ga ai hte maren, anhte byin mayu ai lam galaw na ga ai,’” ngu nna htan na mara ai.

YEREMIA 3:17

Dai aten du ai shaloi, Yerusalem gaw ‘Dai Madu a Tingnyang,’ ngu nna shamying na mara ai; Masha amyu baw ni yawng mung ngai hpe nawku na matu sa zup wa na mara ai. Shanhte gaw du ja ai hte n hkru ai myit masin hte maw mawn ai lam hpe galoi mung hkan galaw na ma ai n rai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

YEREMIA 5:23

Rai ti mung, amyu masha ni e, nang gaw du ja ai hte gumlau nga ndai; nang gaw ngai kaw nna kayin mat wa ai hte ngai hpe kau da nit dai.

YEREMIA 7:24

Rai ti mung, shanhte gaw madat mara ma ai n rai, hpa zawn mung n nawn ya nga ma ai. Dai zawn hkan sa na malai, shanhte gaw du ja ai hte n hkru ai myit masin shanhte hpe shadut matsun ai hku galaw nga ma ai majaw, shanhte gaw kaja wa na malai n kaja ai masha ni tai wa nga masai.

BU HKAWM 15:39

Dai banbyau ni gaw myit hpe adum nga shangun nga ai rai nna, dai ni hpe aten shagu nanhte mu jang, nye a hkang da ai ga matsun ni yawng hpe dum wa nna madat mara na rai myit dai; dai rai nna ngai kaw na nanhte myi man n kayin mat wa ai hte nanhte myit ra ai hku hkan lu na myit dai n rai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai.

ROMA 10:21

Rai ti mung Israela amyu masha ni hte seng nna shi bai tsun ai gaw, “N madat n mara nna gumlau ai amyu hpe hkap la na matu, nye a lata shani tup ngai ladawn wak nga nngai,” nga ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

TARA JAHPRANG 29:19

Ndai dagam ga hpe dai ni, ndai yang e na ai ni lam shagu shi hte mai kaja na re ngu shi nan myit hkawn da tim, myit ja ai hte shi a lam shi hkawm ai rai yang, dai gaw kaja ai rai ti mung, n kaja ai rai ti mung nanhte yawng hpe shamyit kau na wu ai.

TARA JAHPRANG 31:27

Shanhte kade wa mi myit ja nna gumlau ai myit rawng nga ma ai hpe ngai chye nga nngai. Ngai naw hkrung nga ai hte yang pyi, dai Madu hpe shanhte gumlau ma ai rai nna, ngai si mat wa ai hpang dai hta grau nna pyi shanhte gumlau na mara ai.

TARA JAHPRANG 9:7

“Nam mali kata e dai Madu nanhte a Karai Kasang hpe nanhte kaning rai masin shapawt nga myit dai hpe galoi mung hkum malap kau myit. Nanhte Egutu mung kaw na pru wa ai shani kaw nna ndai yang du wa ai aten du hkra nanhte shi hpe gumlau nga myit dai.