ESAIA 65:17 - Jinghpaw Common Language Bible 2009

¹⁷ Dai Madu gaw, “Ngai gaw ginding aga ningnan hte sumsing lamu ningnan ni hpe hpan da nga nngai. Lai sai aten na mabyin lam ni gaw atsai awai malap kau ai hkrum na ra ai.

Jinghpaw Hanson Version Bible

¹⁷ Kaning rai nme law, yu mu, sumsing lamu ningnan ginding aga ningnan ngai hpan da nga nngai: shawng na lam ni hpe dum na mung n rai, myit sumru yu na mung n rai.

ESAIA 65:17 ပူးပေါင်းရင်းမြစ်များ

2 PETRU 3:13

Rai ti mung anhte gaw, Karai Kasang ga sadi jaw da sai ding hpring ai ni nga na nta ngu ai sumsing lamu ningnan, ginding aga ningnan hpe anhte myit mada ala nga ga ai.

ESAIA 66:22

Ginding aga ningnan hte sumsing lamu ningnan ni gaw nye a daru magam n-gun hte grin nga na mara ai, dai zawn na a aru arat ni hte na a mying mung agrin nga na ra ai.

ESAIA 43:18

Rai ti mung dai Madu gaw, “Lai sai aten na lam ni hpe hkum myit noi nga masa, moi chyaloi nhkoi na mabyin lam ni hta hkum myit shanu nga masa.

YEREMIA 3:16

Dai hpang, nanhte gaw dai mungdan hta law htam wa myit dai shaloi, amyu masha ni gaw nye a Ga Shaka Sumpu hte seng ai lam galoi mung tsun na mara ai n rai. Shanhte gaw de a lam hte seng nna mung, dai hpe adum nga na matu mung, galoi mung myit yu na mara ai n rai; shanhte gaw dai hpe pyi ra na n rai, shanhte gaw kaga langai mi hpe mung galaw na mara ai n rai.

ESAIA 51:16

Ngai gaw sumsing lamu ni hpe hpyan da ai hte ginding aga a npawt nhpang ni hpe jahkrat tawn nngai. Ngai gaw Yerusalem hpe, ‘Nang gaw nye a amyu masha rai nga ndai! Ngai gaw nang hpe nye a sharin shaga ga jaw ni ai, ngai gaw nang hpe nye a lata hte makawp maga nngai,’” ngu nna tsun wu ai.

1 KORINHTU 2:9

Rai ti mung Chyum Laika hta, “Kadai n mu n na yu ai lam, byin na re ai ngu nna kadai n myit hkawn pru ai lam hpe Karai Kasang gaw shi hpe tsaw ra ai ni a matu mara lajang da nga ai,” nga nna ka da nga ai.

2 KORINHTU 5:17

Kadai rai ti mung Hkristu hte langai sha tai mat ai shaloi shi gaw masha ningnan tai wa sai, shawng na dingsa hte gaw lai mat wa sai, yu mu yawng mayawng ningnan tai wa sai.

HEBRE 12:27

“Lang mi naw,” ngu ai ga a lachyum gaw, hpan da hkrum ai arai ni yawng hpe ashun dat nna yeng seng kau na rai nna, n shamu n shamawt lu ai arai ni sha ngam nga na ra ai, nga ai rai nga ai.

ESAIA 46:9

Moi prat hta byin lai wa sai lam hpe adum nga mu; Ngai chyu sha Karai Kasang rai nga nngai mung, ngai hte bung ai wa mi n nga nga ai hpe mung yin la mu.