ESAIA 65:12 - Jinghpaw Common Language Bible 2009

¹² Dai na a Auba gaw kabring kabrawng du daw sai hkaw si hkrung si htan hte si na rai nga ai, hpa majaw nga yang, ngai nang hpe shaga yang nang n htan ndai, nang hpe ga shaga yang n madat ndai. Nang gaw nye a ga lale na hte n hkru ai amu galaw na matu lata la nga ndai.

Jinghpaw Hanson Version Bible

¹² nanhte a Auba gaw nhtu rai nga nna, sat kau hkrum na matu yawng gum dagup na marin dai: kaning rai nme law, ngai shaga yang, nanhte n htan, ngai tsun yang, nanhte n madat myit dai: nanhte gaw nye a man e n kaja ai hku galaw nna, ngai n ra ai hpe lata la myit dai.

ESAIA 65:12 ပူးပေါင်းရင်းမြစ်များ

ESAIA 1:16

Nanhte a hkum ni hpe asan aseng kashin kau mu. Ngai mu mada ai nanhte galaw nga ai n hkru ai amu ni yawng hpe jahkring kau mu. Rai sa, n hkru ai amu galaw ai hpe kau da ai hte

ESAIA 1:20

Rai ti mung nanhte ngai hpe ninghkap myit dai rai yang, nanhte gaw si ai dingnye lu na rai myit dai. Ngai dai Madu nan tsun ni ai,” ngu nna tsun ai.

ESAIA 10:4

Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 3:25

Mare salang ni e, rai sa, n-gun ja htum ai ni pyi majan hta sat kau ai hkrum na mara ai.

ESAIA 34:2

Dai Madu gaw masha amyu baw ni yawng hte shanhte a hpyen luksuk ni yawng hpe pawt sindawng nga ai. Shi gaw shanhte hpe shamyit kau na matu daw dan nu ai.

ESAIA 34:5

Dai Madu gaw sumsing lamu hta shi a nhtu hkyen lajang da nu ai, ya chyawm gaw dai hte Edom mung hte jahten kau na matu shi daw dan kau nu ai masha ni hpe adup kayat na ra ai.

ESAIA 34:6

Shi a nhtu gaw hkungga nawng ya ai sagu bainam ni a asai hte asau ni zawn sai hkru nga nna sau abya taw nga na ra ai. Dai Madu gaw Bozra mare e ndai hkungga nawng ya na ra ai; shi gaw Edom mung hta e sat poi kaba galaw na ra ai.

ESAIA 41:28

Ngai gaw karai ni hpe mada yu ai shaloi, shanhte hta na lama mi tsun dan lu ai mi kadai n nga; ngai san ai ga san ni hpe langai mi mung n htan lu nga ai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

ESAIA 59:15

Teng man ai lam grai n law ai majaw, n hkru ai amu a tsin-yam hpe kau da ai ni kadai mung tsin-yam hkrum nga ai,” ngu nna tsun ai. Dai Madu gaw ndai amu hpe mu nu ai, shi gaw teng man rap ra ai tara n nga ai majaw n ra sharawng nga ai.

ESAIA 63:6

Nye a masin kahtet ai hta, ngai gaw masha amyu baw ting hpe kabye anut kau ai hte shanhte hpe gamang ayai kau ni ai. Ngai gaw shanhte a asak sai hpe ga ntsa e ru kau ni ai,” ngu nna tsun ai.

ESAIA 65:3

Shanhte gaw kaya n chye ai sha ngai hpe masin sha a shapawt nga ma ai. Shanhte gaw chyoi pra ai sun ni hta tara maigan ni a shagu hkungga ni nawng jau nna, tara maigan ni a tawn hkungri ntsa hkan e manam pyaw ai baw nat ma ai.

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

YEREMIA 16:17

Shanhte galaw ai lam shagu hpe ngai mu nngai. Hpa mung ngai kaw nna makoi gyem lu ai n rai. Shanhte galaw ai yubak mara ni gaw nye a man kaw na hprawng lawt mat wa lu nga ai n rai.

YEREMIA 18:21

Rai ti mung, ya chyawm gaw Madu e, shanhte a kashu kasha ni hkuwa hkrum nna si mat manu ga; shanhte mung hpyen majan hta sat kau ai hkrum manu ga; numsha ni hpe ma n lu shangun ai hte gaida shabyin ya u; dinghku la ni mung ana zinli hta si htum mat nna shabrang ni majan pa hta sat kau ai hkrum manu ga.

YEREMIA 34:17

Dai majaw, nang gaw ngai shaga ai ga hpe n madat mara ndai; na a hpu nau Israela ni a shanglawt ahkaw ahkang hpe nang n jaw ndai nga nna dai Madu ngai nan tsun ni ai. Grai kaja sai, dai majaw, hpyen majan hte mung, ana zinli hte mung, kawsi hpang gara ai hte mung si htum mat wa chye ai shanglawt ahkaw ahkang, ngai nang hpe jaw ya na de ai. Nang hpe ngai shapraw dan na tsin-yam tsindam hta mungkan mungdan amyu baw shagu hte hpe ngai jahkrit shama shangun na nngai.

YEREMIA 35:17

Ya chyawm gaw, Chyahtum Chyalai N-gun Rawng ai dai Madu Israela a Karai Kasang ngai nan ga shaka tawn da sai hte maren, jahten shabyak ai lam mahkra hpe Yuda mung masha ni hte Yerusalem masha ni yawng a ntsa e shapraw dan na we ai. Ngai nanhte hpe tsun ai shaloi, nanhte nye a ga hpe n madat myit dai, ngai nanhte hpe shaga yang, nanhte n htan ya myit dai majaw, ndai amu hpe ngai shabyin dat na nngai,” ngu nna tsun wu ai.

YEREMIA 7:13

Nang gaw ndai yubak mara ni yawng hpe shut hpyit kau nit dai; ngai nang hpe lang hte lang tsun shadum yu ti mung, nang n madat ndai. Ngai nang hpe shaga yang, nang n htan ndai.

YEREMIA 7:27

“Dai rai nna, Yeremia e, shanhte gaw nang tsun ai ga hpe n madat ya nga ma ti mung, ndai mungga ni yawng hpe nye a amyu masha ni a man e nang tsun dan lu na rai ndai. Shanhte n htan ya ti mung, nang shanhte hpe shaga na rin dai.

JAW JAU 26:25

Nye a ga shaka jahten kau myit dai majaw nanhte hpe ari jaw na matu nanhte a ntsa de majan shabyin dat na nngai; nanhte a mare ni hta shim lum na matu kahkyin rawng nga myit yang mung n mai tsi la lu ai ana ahkya nanhte hpang de ngai shangun dat na made ai. Nanhte gaw gumlau hpyen ni a lata de kanawng ap kau ai hkrum na rai myit dai.

MIHKA 5:15

Nye a ja la ai masin kahtet ai a majaw, nye a ga n madat n mara nga sai masha amyu baw ni yawng a ntsa e ngai matai htang na we ai,” ngu nna tsun ai.

ZEHKARIA 7:7

Da ndai gaw Yerusalem mare hta ngamu ngamai wa nna amyu masha law law hte hpring nga nhtawm, amyu masha law law hte wa mare ni hta sha n-ga, grup yin mare ni hte dingda ginwang hte sinna maga de na bum lagaw du hkra masha naw shanu nga ai aten hta moi na myihtoi ni a n-gup hte dai Madu tsun ai mungga rai nga ai.

MAHTE 22:3

Dai poi de shaga da sai ni hpe bai shaga la na, shi a mayam ni hpe shangun dat mu ai; rai ti mung shaga da sai ni n sa hkraw ma ai.

MAHTE 22:7

Hkawhkam wa chyawm gaw grai masin pawt bu nga ai rai nna, shi a hpyen la ni hpe shangun dat nhtawm, masha sat ai ni hpe sat kau mu ai hte shanhte a mare hpe nat shagrawm kau ya mu ai.

YAWHAN 1:11

Mungga gaw shi a buga mungdan de du sa ra ai, rai ti mung shi a amyu bawsang ni shi hpe n hkap la ma ai.

TARA JAHPRANG 32:25

Hpyen majan gaw nmaw lam ni hta si hkrung si htan shabyin nna; hkrit kajawng hpa gaw dum nta ni hta adup hkra na ra ai. Mahkawn hte shabrang ni si htum mat nna; chyu chyu ai ma chyangai ni hte dingla baw hpraw ni pyi lawt lu na mara ai n rai.