ESAIA 65:10 - Jinghpaw Common Language Bible 2009

¹⁰ Shanhte gaw ngai hpe nawku wa na mara ai; sinna maga de nga ai Sharon pa layang hte sinpraw maga de nga ai Tsin-Yam Tsindam Kadit ni hta shanhte a sagu hpung ni hte dumsu hpung ni hpe ushat shayaw na matu woi sa wa na mara ai.

Jinghpaw Hanson Version Bible

¹⁰ Ngai hpe tam ai, nye amyu a matu, Sharon layang gaw sagu udat, Ahkora kadit gaw, yamnga hpung ni a hpum shara, tai na ra ai.

ESAIA 65:10 ပူးပေါင်းရင်းမြစ်များ

1 HKAWHKAM LABAU 5:16

Shanhte gaw Bashan mung hte Gilead mung na mare ni hte Sharon mung na udat shara ni yawng hkan nga nga ma ai.

ESAIA 33:9

Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

ESAIA 51:1

Dai Madu gaw, “Hkye hkrang la hkrum mayu ai ni hte karum la na matu ngai kaw du sa wa ai ni e, nye a ga madat mu. Nang pru sa wa ai kaw na lunghkrung, nang tawk la ai kaw na nhkun hpe myit yu u.

ESAIA 55:6

Dai Madu hpang de kayin wa nna shi kaw akyu hpyi u, ya aten, shi ani sha nga nga ai.

YEREMIA 29:13

Nanhte gaw ngai hpe myit masin mahkra hte hkan tam myit dai majaw, ngai hpe mu tam na marin dai.

YEREMIA 33:12

Chyahtum Chyalai N-gun Rawng ai dai Madu gaw, “Mare masha mung, yam nga ni mung n nga ai shingran sharat katsi ai zaibru jang zawn rai nga ai ndai lamu ga hta, sagu rem ai ni shanhte a sagu ni hpe rem lu na matu, tsit lali ai udat shara ni kalang mi bai nga wa na mara ai.

YEREMIA 50:19

Ngai gaw Israela amyu masha ni hpe shanhte a mungdan de nhtang wa shangun na nngai; shanhte gaw Hkarmela bum ntsa hte Bashan ginwang hkan tu ai namlaw namlap lusha ni sha nna, Ehprim hte Gilead mungdaw hkan shanhte ra ai made tu ai nsi naisi ni sha lu na mara ai.

HOSEA 2:15

Ngai gaw shi a sabyi sun ni hpe bai jaw nna Tsin-Yam Tsindam Kadit hpe mung myit mada chyinghka shatai na we ai. Shi naw mahkawn nga yang, Egutu mung na pru wa ai shaloi shi galaw ai zawn shi ngai hpe htan ya na ra ai.

KASA 9:35

Luda hte Sharon mare e nga ai masha nlang hte mung shi hpe mu nna Madu hpang de kayin bang wa ma ai.