ESAIA 64:5 - Jinghpaw Common Language Bible 2009

⁵ Nang gaw ding man ai amu galaw nga ai ni hta kabu gara lam mu tam ai ni hte, shanhte asak hkrung nga na matu nang kade daram ra sharawng nga ndai hpe adum nga ai ni hpe nang hkalum la nga ndai. Nang anhte hpe masin pawt ndai, rai ti mung anhte gaw yubak matut galaw nga ga ai; na a kaba la ai sindawng kahtet ai lam madun dan nga ti mung, moi chyaloi nhkoi kaw na anhte gaw shut hpyit amu matut galaw saga ai.

Jinghpaw Hanson Version Bible

⁵ Kabu gara ai myit hte dinghpring ai lam galaw nna, na a lam ni dum ai ni hpe, nang sa tau la ndai: yu u, nang pawt sindawng ndai, anhte yubak galaw saga ai; anhte na na wa dai hta lup saga ai; hkye hkrang la ai kaw du lu na rai ni?

ESAIA 64:5 ပူးပေါင်းရင်းမြစ်များ

SHAKAWN KUNGDAWN 103:17

Rai ti mung, Madu hpe shagrau sha-a nga ai ni a ntsa e, shi a tsaw ra myit htani htana agrin nga ai,

SHAKAWN KUNGDAWN 112:1

Dai Madu hpe shakawn mu! Dai Madu hpe shagrau sha-a nna shi a hkang da ai ga ni hpe madat mara hkan sa na hta awng sharawng nga ai wa gaw a nga ai.

SHAKAWN KUNGDAWN 25:10

Shi a ga shaka hpe kyem da nna, shi a hkang da ai ga yawng hte hpe madat mara ai ni hpe, sadi sahka ai myit hte tsaw ra myit hte shi lam woi nga ai.

SHAKAWN KUNGDAWN 37:4

Dai Madu hta na a kabu gara ai lam hpe tam la u; shi gaw na a myit ra sharawng ai lam hpe jaw ya na ra ai.

PRU MAT 20:24

Nye a matu chyawm gaw hkungri langai galaw nhtawm, de a ntsa e na a sagu dumsu ni hpe mahku hkungga ngu nna hkum dingnawng nat nawng ai shagu hkungga hpe nawng ya e. Ngai hpe nawku lu na matu mung, shara shagu hkan na a matu shara ni hpe ngai san da ya na de ai. Ngai nang kaw sa nna shaman ya na de ai.

PRU MAT 25:22

Dai kaw e ngai gaw nang hte jahkrum nna, magap ntsa na singkaw tu ai hkrung kanu lahkawng a lapran hta, Israela amyu masha ni a matu nye a tara ni yawng, ngai nang hpe jaw ya na nngai.

PRU MAT 30:6

Dai tawn hkungri hpe Ga Shaka Sumpu a man e grang ai nba grang a shinggan e tawn da na rai nga ai; ngai gaw dai shara hta nang hte hkrum na nngai.

ESAIA 1:30

Nanhte gaw si mat wa ai wamyi hpun hte kadai mung hka n jaw ai sun zawn nyui nyip mat wa na marin dai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 26:13

Dai Madu anhte a Karai Kasang e, anhte gaw kaga masha ni a up hkang ai npu hta nga lai wa saga ai, rai ti mung nang chyu sha anhte a Madu rai nga ndai.

ESAIA 27:8

Dai Madu gaw shi a amyu masha ni hpe maigan mungdan de gawt shapraw kau ai ari jaw nga ai. Shi gaw shanhte hpe sinpraw nbung bung ja hte shapoi kau nu ai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

ESAIA 63:7

Ngai gaw dai Madu a n-gaw nwai ai tsaw ra myit a lam atsun nga na nngai; anhte a matu shi galaw dan sai amu yawng a majaw ngai shi hpe shakawn kungdawn na nngai. Shi a matsan dum ai myit hte dinggrin tsaw ra myit a majaw, shi gaw Israela amyu masha ni hpe nhpaw n-ya shaman ya nu ai.

Daniela 9:5

“Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

HOSEA 11:8

“Israela e, Ngai nang hpe kaning rai tawn kau da lu na rai ta? Ngai nang hpe kaning rai kabai kau da lu na rai ta? Ngai gaw nanhte hpe Adma mare hpe di ai zawn kaning rai shamyit kau lu na rai ta? Zeboim hpe di ai zawn nanhte hpe kaning rai di lu na rai ta? Nye a myit masin mung ngai hpe dai hku galaw shangun nga ai n rai! Nanhte a matu nye a tsaw ra ai myit gaw nau wa n-gun ja nga li ai.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

ZEHKARIA 3:3

Yawshu gaw agang chyalang re ai hpun palawng bu hpun nna dai yang e tsap nga ai.

MALAHKI 3:6

“Ngai gaw dai Madu rai nga nngai. Ngai gaw galai mat ai n rai. Dai re ai majaw Yaku a amyu matu ni e, nanhte gaw ya du hkra tsep kawp mat mat myit dai n rai.

KASA 10:35

Karai Kasang gaw shi hpe hkrit hkungga nawku daw jau nna ding hpring ai amu galaw ai wa kadai hpe mung amyu n lata ai sha sharawng awng hkap la nga ai.

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.