ESAIA 64:4 - Jinghpaw Common Language Bible 2009

⁴ Shi hpe myit mada nga ai ni a matu dai zawn re ai magam amu galaw ai nang hte bung ai Karai Kasang hpe kadai galoi mung n mu yu, n na yu ga ai.

Jinghpaw Hanson Version Bible

⁴ Kaning rai nme law, nang hpe myit mada ai wa a matu, nang zawn chyeju madun ai Karai Kasang shaje, kadai wa mung, moi chyaloi nhkoi kaw nna n na, n chye ai hte, myi hte mung, mu yu ai n rai.

ESAIA 64:4 ပူးပေါင်းရင်းမြစ်များ

NINGPAWT NINGHPANG 49:18

“Madu e, ngai gaw na a hkye hkrang la ai lam hpe ala nga nngai.

EZRA 9:7

Anhte a ji wa ni a prat kaw nna dai ni du hkra, na a amyu masha rai nga ai anhte ni yubak kaba galaw shut kau saga ai. Anhte shut kau ai yubak ni a majaw anhte mung, anhte a hkawhkam ni hte hkinjawng ni maigan hkawhkam ni a lata de hkrat mat nna, htau sat ai mung, hpya lu hpya sha ai hte bawng rim ai mung hkrum sha saga ai. Dai ni du hkra pyi, anhte mahkra myi man sum nga ga ai.

SHAKAWN KUNGDAWN 103:18

shi a ga shaka hpe hkan nang nga ai ni hte shi a hkang da ai ga ni hpe kangka ai hte madat mara hkan sa nga ai ni a ntsa e, shi a mai kaja ai gaw hpang ban ni yawng a matu anga nga na ra ai.

SHAKAWN KUNGDAWN 130:5

Ngai gaw dai Madu a karum la ai lam hpe myit mada let ala nga nngai; shi a mungga hpe ngai kam hpa nga nngai.

SHAKAWN KUNGDAWN 31:19

Nang hpe shagrau sha-a ai ni a matu nang kyem da ya ai kaja ai chyeju ni gaw kade wa mauhpa rai nga a hka! Nang kade wa mai kaja nga ai hpe mung nang hta kam hpa nga ai ni hpe kade sha shim ai hku nang makawp maga ya nga ndai hpe mung masha shagu chye nga ai.

SHAKAWN KUNGDAWN 62:1

Karai Kasang ngai hpe hkye hkrang la na matu, ngai amu sha hte ala nga nngai; Ngai gaw shi hpe chyu sha kam hpa manoi nga nngai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

ESAIA 40:31

Rai ti mung karum la na matu dai Madu hpe kam hpa ai ni gaw shanhte a n-gun atsam ningnan mu tam la na mara ai. Shanhte gaw galang ni zawn singkaw nnan ni hte pyen lung na mara ai; shanhte gaw gat ti mung hki ba na n rai; shanhte gaw hkawm ti mung n-gun kya na ma ai n rai.

ESAIA 59:12

Madu e, nang hte nhtan shai ai anhte a ru hka amu ni gaw law la nga ai. Anhte a yubak mara ni anhte hpe mara shagun nga ai. Anhte gaw dai lam yawng mayawng hpe kaja wa sadi maja nga ga ai.

ESAIA 66:8

Dai zawn re ai amu kadai wa galoi mu nna na yu nga sani? Amyu baw langai gaw lani jan hta sha shaprat yu nga sani? Amyu baw mi garai n shangai yang, Ziun gaw na na wa nni nkri hkam sha na wu ai n rai.

Daniela 9:15

“O Madu anhte a Karai Kasang e, nang gaw na a daru magam n-gun madun dan let na a amyu masha ni hpe Egutu mung kaw nna woi wa nga ndai majaw na a daru magam n-gun hpe ya du hkra adum nga ai. Anhte gaw yubak galaw kau saga ai; anhte gaw shut hpyit amu galaw kau saga ai.

Daniela 9:5

“Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

Daniela 9:8

Anhte a hkawhkam ni, mung up hkang du ni hte anhte a kaji kawa ni kaya kahpa amu galaw ai hte Madu nang hpe yubak galaw shut kau nga masai.

HOSEA 7:7

“Shanhte a pawt sindawng ai gaw kahtet kang nga ai rai nna, shanhte gaw shanhte a up hkang du ni hpe sat kau ma ai. Shanhte a hkawhkam ni langai hpang langai lagyim sat kau hkrum nga manu ai, rai ti mung kadai mung karum la na matu ngai kaw akyu n hpyi ma ai.”

ZEHKARIA 10:9

Ngai shanhte hpe masha amyu baw ni de shabra kau tim, sumtsan shara kaw nna ngai hpe adum nga na mara ai. Shanhte hte shanhte a kashu kasha ni hkrung nga lu nna, dum nta de rau nhtang wa lu na mara ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

YAWHAN 14:3

Shing rai ngai wa nna, nanhte a matu nga shara lajang da nhtawm, ngai nga ai shara e, nanhte mung nga lu hkra, ngai bai sa nna nanhte hpe ngai hpang de woi la na made ai.

ROMA 8:19

Karai Kasang gaw shi a kasha ni paw pru na ra ai lam ni hpe hpan da hkrum ai mungkan ting gaw myit n dawt ai hte ala nga ma ai.

1 KORINHTU 1:7

Dai re ai majaw, anhte a Madu Yesu Hkristu dan pru na ra ai hpe ala nga let nga nga yang, nanhte n hkam sha lu ai shaman chyeju ngu na langai mi pyi n nga ai sha yawng hkum dingnum hkam la lu na myit dai.

1 HTESALONI 1:10

sumsing lamu de na du sa na ra ai Karai Kasang a Kasha hpe ala nga myit dai hpe mung, dai masha ni yawng tsun kajai nga ma ai. Dai Kasha Yesu gaw, si mat ai kaw na Karai Kasang e hkrung sharawt la nna, du na ra ai Karai Kasang a pawt sindawng ai kaw na anhte hpe mawai la ai wa rai nga ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 11:16

Ya chyawm gaw, dai hta grau ai sumsing lamu na buga mungdan hpe marit nga ma ai. Dai re ai majaw, Karai Kasang gaw shanhte a Karai Kasang re ai ngu na hpe kaya ma ai n rai, hpa majaw nga yang, Karai Kasang gaw shanhte a matu nga na shara langai mi lajang da ya manu ai.

YAKU 5:7

Dai re ai majaw hpu nau ni e, dai Madu du sa ai du hkra hkam sharang nga mu. Yi sun hkauna galaw sha ai wa langai mi gaw shi a lamu ga kaw na hpu ging ai nsi naisi ni shapraw ya na ra ai hpe gara hku ala nga ai hpe yu yu mu! Shi gaw myit galu ai hte marang nhpaw hte marang shadoi htu ai ten du hkra ala nga ai.

1 YAWHAN 4:10

Tsaw ra ai myit ngu nna tsun ai shaloi; anhte Karai Kasang hpe tsaw ra ai hpe ngu ai n rai, anhte a yubak mara ni hpe raw dat kau ya na matu gawng malai hkungga tai u ga, shi a Kasha hpe shangun dat ai hte tsaw ra mi ai hpe ngu ai rai nga ai.