ESAIA 64:2 - Jinghpaw Common Language Bible 2009

² Kahtet ai wan ntsa e hka prut nga ai zawn shanhte gari ashun mai nga ai. Na a gumlau hpyen ni a man e na a daru magam n-gun sa madun dan u, masha amyu baw ni hpe na a man e hkrit gari shangun u!

Jinghpaw Hanson Version Bible

² nang hpe hpyen ai ni gaw, na a amying nsang hpe chye wa lu nna, maigan amyu ni, na a man e hkrit gari wa mu ga, shanut shanaw hkru kau ai hte, ntsin hpe shaprut kau ai wan zawn tai u law.

ESAIA 64:2 ပူးပေါင်းရင်းမြစ်များ

SHAKAWN KUNGDAWN 106:8

Rai ti mung, shi gaw shi a galu kaba ai daru magam n-gun hpe madun dan na matu, ga sadi tawn da sai hte maren, shanhte hpe hkye hkrang la nu ai.

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

SHAKAWN KUNGDAWN 79:10

“Na a Karai Kasang kanang nga nga lit ta?,” nga nna amyu baw ni anhte hpe hpa rai dai zawn san shara nga shangun na rai ta? Na a shangun ma ni a asai jahkaw kau ya ai masha amyu baw ni hpe, nang ari jaw ai lam, anhte hpe mu mada shangun mi.

SHAKAWN KUNGDAWN 83:13

Karai Kasang e, shanhte hpe ga nhpu zawn agat kau nna; nbung e shapoi kau ai numhkaw zawn, shapoi kau u.

SHAKAWN KUNGDAWN 9:20

Madu e, shanhte hpe hkrit kang shangun u; shanhte gaw si mat chye ai shinggyim masha ni chyu rai nga ma ai lam shanhte hpe chye shangun u.

SHAKAWN KUNGDAWN 99:1

Dai Madu gaw Hkawhkam rai nga ai, amyu masha ni hkrit gari nga ma ai. Shi gaw singkaw tu ai hkrung kanu ni a ntsa na, shi a tingnyang ntsa e dung nga ai, ginding aga gaw ashun awam nga ai.

PRU MAT 14:4

Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

ESAIA 28:21

Dai Madu gaw shi galaw na matu yaw shada ai amu galaw lu hkra nga, laklai ai shi a amu ni shangut lu hkra, Perazim Bum hte Gibeon kadit hta shi galaw nu ai zawn gasat na ra ai. Shi gaw shi a amu, mauhpa amu hpe shangut na ra ai.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 63:12

Shi hkum nan a matu htani htana gumhkawng wa lu hkra, Mawshe hku nna shi a daru magam n-gun hte panglai hka hpe ga garan kau nna sung ai hka hku shi a amyu masha ni hpe woi lakawn wa ai amu kaba galaw dan sai dai Madu gaw kanang e rai nga a ta?,” ngu nna san ma ai. Dai Madu woi lakawn wa ai majaw gumra shazai ni n kashawt n kataw ai zawn shanhte gaw galoi mung ahtu kataw nga ma ai n rai.

YEREMIA 33:9

Yerusalem mare masha ni hte ndai mare a ngamu ngamai na lam a matu, ngai galaw ai mai kaja ai amu ni a lam, shanhte na ma ai shaloi, mungkan ga na amyu baw shagu hte gaw hkrit gari wa na mara ai; Yerusalem gaw nye a matu kabu gara ai, arawng sadang hkam la ai hte gumrawng shara hka hpawk tai na ra ai,” ngu nna tsun ai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

AMO LAIKA (AMOS) 4:12

“Dai rai nna, Israela amyu masha ni e, ngai nanhte hpe ari jaw na nngai. Dai amu hpe ngai galaw na rai nga nngai majaw, nye a tara jeyang ai lam hpe hkrum kadup na jin jin rai nga mu!”

MIHKA 1:4

Dai hpang, Bum ni gaw shi a npu hta wan kata na gitbaw zawn byawng mat na ra ai; kawng de na ru yu wa ai mawru hka zawn shanhte gaw kadit layang de ru hkrat mat wa na mara ai.

ZEHKARIA 14:4

Dai aten hta, shi gaw Yerusalem mare a sinpraw maga na Tsanlun Bum ntsa e tsap nga na ra ai. Shaloi Tsanlun Bum gaw sinpraw maga kaw nna sinna maga du hkra ka-ang brang ga wa ai hte grai kaba ai kadit langai tai mat na ra ai; dai bum ka-ang hkup gaw dingdung maga de, de a ka-ang hkup gaw dingda maga de htawt sit mat na ra ai.

TARA JAHPRANG 2:25

Dai ni kaw nna na a majaw shara shagu hkan nga ai masha ni hpe ngai hkrit shangun na nngai. Na a mying hpe na ai masha shagu hte mung hkrit gari na mara ai,’ ngu nna tsun ma ai.