ESAIA 64:12 - Jinghpaw Common Language Bible 2009

¹² Madu e, ndai lam ni yawng hpe nang gaw hpa n galaw ai sha nga na wu ni? Nang gaw dai lam ni hpe hpa mung n galaw ai sha anhte hkam sharang lu ai hta jan nna anhte hpe nni nkri jahkrum na ngu nu ni?

Jinghpaw Hanson Version Bible

¹² Yehowa e, ndai lam ni hpe nang naw sharang nna, atsin sha nga nga let, anhte hpe htum hkra matsan mayan jahkrum na rai ni?

ESAIA 64:12 ပူးပေါင်းရင်းမြစ်များ

SHAKAWN KUNGDAWN 10:1

Madu e, nang gaw hpa rai tsan tsan e nga nga n ta? Anhte ru tsang hkrum nga ga ai shaloi nang hpa majaw makoi nga n ta?

SHAKAWN KUNGDAWN 79:5

Madu e, nang anhte hpe htani htana masin pawt nga na n ni? Na a masin kahtet ai lam gaw wan zawn matut nna hkru shangun na wu ni?

SHAKAWN KUNGDAWN 83:1

O Karai Kasang e, azim sha hkum nga nga et; chyasi chyamang hkum rai nga et, atsin sha mung hkum nga nga et!

ESAIA 42:14

Karai Kasang gaw, “Ngai gaw aten na na wa, atsin sha nga nga nngai; nye a amyu masha ni a ga hpe n htan ya nngai. Rai ti mung, ya chyawm gaw amu galaw na aten du nga sai; Ngai gaw shinggyim machyi ai numsha zawn jahtau nngai.

ESAIA 63:15

Madu e, na a chyoi pra ai hte hpung shingkang hta shanu nga ai sumsing lamu kaw na anhte hpe gum yu mi. Anhte a matu na a galu kaba ai tsang ai myit gaw kanang rai nga a ta? Na a daru magam n-gun kanang rai nga a ta? Na a tsaw ra myit hte matsan dum ai myit kanang rai nga a ta? Anhte hpe hpa n nawn hkum rai et.

ESAIA 65:6

“Ngai gaw shanhte hpe ari jaw na matu daw dan da chyalu rai ni ai, shanhte a ari hpe mung ka matsing da sai. Shanhte galaw kau sai amu hpe yu numtawt kau ya na nngai n rai, rai ti mung shanhte galaw shut ai yubak mara ni hte

ZEHKARIA 1:12

Dai hpang, lamu kasa gaw, “Chyahtum Chyalai N-gun rawng ai Madu e, nang gaw ndai sanit shi ning tup Yerusalem mare hte Yuda mung na mare ni hpe masin pawt bu ndai. Nang gaw shanhte hpe galoi du hkra matsan n yu dum na rai ta?,” ngu nna tsun wu ai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.