ESAIA 64:11 - Jinghpaw Common Language Bible 2009

¹¹ chyoi pra ai hte tsawm htap nna anhte a kaji kawa ni nang hpe shakawn kungdawn ai anhte a Nawku Htingnu mung wan a majaw hten mat sai. Anhte tsaw ra manoi ai shara ni yawng hten run mat sai.

Jinghpaw Hanson Version Bible

¹¹ Ji wa ni nang hpe shakawn kungdawn ai shara, anhte a chyoi pra ai hte tsawm hkik ai nawku htingnu gaw, hkru mat sai; anhte a ngwipyaw ai shara ni yawng, atsai awai rai mat sai.

ESAIA 64:11 ပူးပေါင်းရင်းမြစ်များ

1 HKAWHKAM 8:14

Dai yang e amyu masha ni tsap nga ma yang, Hkawhkam Shawlumon shanhte hpang de myi man kayin nhtawm shanhte a ntsa Karai Kasang a chyeju shaman ya na matu hpyi ya wu ai.

1 HKAWHKAM 8:56

“Shi ga sadi tawn da nga ai hte maren shi a amyu masha ni hpe ngwi pyaw sim sa lam jaw ya ai dai Madu hpe shakawn mu law. Shi a shangun ma Mawshe hku nna jaw da sai kaga ga sadi ni yawng hpe shi shatup nga ai.

2 HKAWHKAM 25:9

Shi gaw Yerusalem mare na Nawku Htingnu, hkawhkam htingnu ni hte Yerusalem mare hta nga ai ahkyak ai masha ni a dum nta ni yawng hpe nat kau wu ai.

2 HKAWHKAM LABAU 36:19

Shi gaw Nawku Htingnu hte mare hpe mung hkawhkam htingnu sut gan ni yawng nat kau nhtawm mare bunghku hpe mung agrawp shaza kau wu ai.

2 HKAWHKAM LABAU 6:4

Shi gaw, “Dai Madu Israela a Karai Kasang hpe shakawn kungdawn mu! Shi gaw nye wa Dawi hpe shi tawn da ai ga sadi hpe shadik shatup ya nu ai. Dai Madu tsun ai ga sadi gaw ndai hku rai nga ai:

2 HKAWHKAM LABAU 7:3

Sumsing lamu na wan hkrat wa nhtawm htoi kabrim ai gaw Nawku Htingnu hta hpring nga ai hpe Israela amyu masha ni mu jang, shanhte gaw nlung nep da ai shara e myi man gum dagup let Karai Kasang hpe nawku nhtawm shi a mai kaja ai lam hte htani htana tsaw ra myit a majaw shi hpe shakawn kungdawn nga ma ai.

2 HKAWHKAM LABAU 7:6

Hkinjawng ni gaw shanhte a matu masat da ya ai shara ni hta Lewi masha ni gaw hkinjawng ni maga de myi man hkrum rai tsap nga nhtawm Hkawhkam Dawi tawn da sai htung hte maren, “Shi a tsaw ra myit htani htana agrin nga ai!,” nga nna mahkawn mangoi ai mahkawn ga hpe madum sumpyi ni hte dai Madu hpe shakawn kungdawn ma ai. Hkinjawng ni gaw amyu masha ni yawng tsap nga yang pahtau dum ma ai.

ESAIA 63:18

Na a chyoi pra ai amyu masha, anhte gaw chyahkring mi laman, anhte a gumlau hpyen ni a gawt shapraw kau ai hkrum ga ai; shanhte gaw na a chyoi pra ai shara hpe kabye anyawp kau ma ai.

YEREMIA 52:13

Shi gaw Yerusalem na Nawku Htingnu, hkawhkam htingnu ni hte Yerusalem hta nga ai ahkyak masha ni a dum nta ni yawng hpe nat kau wu ai;

SHARUNG SHAYAWT 1:7

Ya garen gari rai hten run mat sai Yerusalem gaw moi shawng na shi a hkik hkam ai arawng sadang hpe myit dum nga ai. Shi gaw gumlau hpyen a lata de hkrat mat ai shaloi, shi hpe karum la na masha langai mi mung n nga nga ai; Shi hpe dang manga kau ai ni mung shi a hkrat sum ai hpe jahpoi asawng nga ma ai.

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

SHARUNG SHAYAWT 2:7

Dai Madu gaw shi a tawn hkungri hpe kabai kau nna shi a chyoi pra ai Nawku Htingnu hpe katsi katsang di kau nu ai; Shi gaw de a htingnu bunghku ni hpe adawt kau na matu gumlau hpyen wa hpe ahkang jaw nu ai. Shanhte gaw shawng de anhte kabu gara ai hte nawku yu sai shara hta awng padang hte jahtau garu nga ma ai.

EZEKELA 24:21

Israela masha ni hpe ndai mungga jaw ya na matu ngai hpe tsun wu ai: Nang gaw Nawku Htingnu a n-gun atsam hta gumrawng gumtawng nga ndai. Nang gaw dai hpe yu sharawng nna dai de sa chyai nga ndai, rai ti mung, dai Madu gaw dai shara hpe awu asin di kau na ra ai. Yerusalem hta jahti da ai na a dinghku ni hta na shayi shadang sha ni gaw hpyen majan hta sat kau ai hkrum na mara ai.

EZEKELA 24:25

Dai Madu gaw, “Yu u, si chye ai masha wa e, ngai gaw shanhte yu sharawng nna sa chyai nga ai dai shanhte a gumrawng gumtawng shara hte kabu gara shara ngu ai Nawku Htingnu hpe shanhte a man kaw na la kau na we ai. Shanhte a shayi shadang sha ni hpe mung la kau na we ai.

ZEHKARIA 1:12

Dai hpang, lamu kasa gaw, “Chyahtum Chyalai N-gun rawng ai Madu e, nang gaw ndai sanit shi ning tup Yerusalem mare hte Yuda mung na mare ni hpe masin pawt bu ndai. Nang gaw shanhte hpe galoi du hkra matsan n yu dum na rai ta?,” ngu nna tsun wu ai.

MAHTE 24:2

Shi mahtang shanhte hpe, “Rai sa, ndai nta ni yawng hte hpe nanhte mada mu ai n rai ni? Ngai nanhte hpe teng teng tsun made ga, ndai nta ni gaw, nlung langai mi gaw langai mi a ntsa e n mara mat ai du hkra hten run mat na mara ai,” ngu nna shanhte hpe tsun mu ai.

TARA JAHPRANG 29:23

Dai pa layang ni shakrin shakraw shara tai mat nna kan hte jum hkrai pri rai mat nhtawm dai shara hkan e hpa mung hkai mai na n rai; tsingdu tsingman ni pyi tu na n rai. Shaloi nanhte a mungdan gaw dai Madu masin kahtet nna pawt sindawng ai a majaw jahten kau ai Sodom, Gomora, Adma hte Zeboim mare ni zawn tai mat na ra ai.