ESAIA 63:7 - Jinghpaw Common Language Bible 2009

⁷ Ngai gaw dai Madu a n-gaw nwai ai tsaw ra myit a lam atsun nga na nngai; anhte a matu shi galaw dan sai amu yawng a majaw ngai shi hpe shakawn kungdawn na nngai. Shi a matsan dum ai myit hte dinggrin tsaw ra myit a majaw, shi gaw Israela amyu masha ni hpe nhpaw n-ya shaman ya nu ai.

Jinghpaw Hanson Version Bible

⁷ Yehowa gaw anhte hpe chyeju galaw dan ai hte, shi a n-gaw nwai ai myit hte galu kaba ai matsan dum ai myit majaw, Israela nta dap ni hpe chyeju madun dan ai hte maren, ngai gaw Yehowa a n-gaw nwai myit hte shi hpe shakawn kungdawn mai ai lam ni hpe shana ya na nngai.

ESAIA 63:7 ပူးပေါင်းရင်းမြစ်များ

1 HKAWHKAM 8:66

Ya matsat ya ngu na shani hta Shawlumon gaw amyu masha ni hpe nta de wa kau shangun nga ai. Shanhte mung shi hpe shakawn kungdawn let shi a shangun ma Dawi hte shi a amyu masha Israela hpe dai Madu shaman ya ai chyeju yawng a majaw kabu gara ai hte tinang nang a dum nta de wa mat wa ma ai.

2 HKAWHKAM LABAU 7:10

Shata sanit a nhtoi hkun masum ya shani e, Shawlumon gaw amyu masha ni hpe nta wa kau shangun wu ai. Shi a amyu masha Israela hpe mung, Dawi hte Shawlumon hpe mung dai Madu jaw ya ai shaman chyeju yawng a majaw shanhte kabu gara shajang ma ai.

NEHEMIA 9:25

Na a amyu masha ni gaw bunghku kum ai mare ni, ga sau rawng ai lamu ga, sut gan hpring hkra rawng ai dum nta ni, htu da chyalu hka htung ni, tsanlun hpun ni, namsi hpun ni, hte sabyi sun ni hpe zing la nga ma ai. Shanhte gaw sha mayu ai mahkra sha ai hte hpum wa ma ai; shanhte gaw nang jaw ya ai mai kaja ai arung arai yawng a majaw kabu gara nga ma ai.

NEHEMIA 9:27

dai rai nna nang gaw shanhte a gumlau hpyen ni hpe up hkang shangun nga ndai. Shanhte a tsin-yam tsindam a majaw karum la na matu shanhte nang kaw hpyi jahtau ma ai, nang gaw shanhte hpe sumsing lamu kaw na htan ya nga ndai. Na a galu kaba ai matsan dum myit a majaw hpyen ni a lata na hkye mawai la na ningbaw ni hpe nang shangun dat ya ndai.

NEHEMIA 9:31

Ti mung, na a matsan dum ai myit galu kaba nga ai majaw, nang shanhte hpe n kau da, n shamyit kau nga ndai. Nang gaw chyeju hte hpring nna matsan chye dum ai Karai Kasang rai nga a hka!

NEHEMIA 9:35

Na a shaman chyeju a jaw e, hkawhkam ni na a amyu masha ni hpe up ma ai; shanhte sumtsan ga e nga nga ma ai shaloi, nang shanhte hpe ga sau rawng ai lamu ga jaw ndai; rai ti mung shanhte gaw yubak mara kaw na kayin wa na matu hte nang hpe daw jau na matu hprai ma ai.

SHAKAWN KUNGDAWN 103:2

Nye a wenyi e, Madu hpe shakawn u! Shi a chyeju yawng hte hpe hkum malap kau nga et!

SHAKAWN KUNGDAWN 107:15

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw, dai Madu hpe chyeju shakawn nga ra ma ai.

SHAKAWN KUNGDAWN 107:21

Shanhte a matu, shi galaw dan sai mauhpa magam bungli ni hte; shi a dinggrin tsaw ra myit a majaw, dai Madu hpe chyeju shakawn lu na rai mu ai.

SHAKAWN KUNGDAWN 107:31

Shanhte a matu, shi galaw dan sai mauhpa magam bungli ni hte shi a dinggrin tsaw ra myit a majaw, dai Madu hpe chyeju shakawn lu na rai mu ai.

SHAKAWN KUNGDAWN 107:8

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw shanhte dai Madu hpe chyeju shakawn lu na rai mu ai.

SHAKAWN KUNGDAWN 145:7

Shanhte gaw na a mai kaja ai lam yawng hte hpe tsun dan na mara ai; na a matsan dum ai lam hpe shanhte mahkawn shakawn na mara ai.

SHAKAWN KUNGDAWN 25:6

O Madu e, chyaloi nhkoi kaw nna nang madun dan nga sai na a matsan dum ai myit hte dinggrin tsaw ra myit hpe adum nga u.

SHAKAWN KUNGDAWN 51:1

Karai Kasang e, na a dinggrin tsaw ra myit a majaw, ngai hpe matsan dum la e. Na a galu kaba ai matsan dum myit a majaw, nye a yubak ni hpe arut kau ya e.

SHAKAWN KUNGDAWN 63:3

Na a dinggrin tsaw ra myit gaw dai asak hta grau nna mai kaja nga ai majaw, ngai nang hpe shakawn nga na nngai.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

SHAKAWN KUNGDAWN 92:2

mahku pyaw ai tingse, sumri rawng ai madum sumpyi ni hte jahpawt manap shagu na a dinggrin tsaw ra myit hte shana shagu na a sadi sahka lam ni hpe htawn tsun dan ai gaw, kade wa mai kaja nga a hka!

PRU MAT 18:9

Dai lam yawng mayawng hpe Yehtru na ai shaloi, shi kabu ai hte,

ESAIA 26:13

Dai Madu anhte a Karai Kasang e, anhte gaw kaga masha ni a up hkang ai npu hta nga lai wa saga ai, rai ti mung nang chyu sha anhte a Madu rai nga ndai.

ESAIA 51:2

Nang yu hkrat wa ai kaw na, na a kaji kawoi Abraham hte Sara yan hpe myit yu u. Ngai Abraham hpe shaga ai shaloi, shi hta kashu kasha garai n lu ai, rai ti mung ngai shi hpe shaman ya ai hte shi hpe kashu kasha jaw ni ai; ngai gaw shi a aru arat ni hpe shalaw jahtam ya ni ai.

ESAIA 54:10

Bum ni hte kawng ni ayai mat mai nga ai, rai ti mung na a matu nye a tsaw ra myit gaw galoi mung htum mat na ra ai n rai; ngai gaw nye a ngwi pyaw sim sa lam a ga sadi hpe htani htana shatup nga na nngai.” Dai rai nna, nang hpe tsaw ra ai dai Madu gaw shing nga tsun ai.

ESAIA 54:7

“Aten kadun mi hta, ngai nang hpe kau da nngai; tsaw ra myit sung sung hte ngai nang hpe bai woi la nngai.

ESAIA 54:8

Ngai gaw hkring mi sha masin pawt let myi man kayin kau da nngai, rai ti mung ngai nang hpe nye a tsaw ra myit htani htana madun nga na nngai.” Shing rai nang hpe hkye la ai dai Madu gaw shing nga tsun ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

ESAIA 64:5

Nang gaw ding man ai amu galaw nga ai ni hta kabu gara lam mu tam ai ni hte, shanhte asak hkrung nga na matu nang kade daram ra sharawng nga ndai hpe adum nga ai ni hpe nang hkalum la nga ndai. Nang anhte hpe masin pawt ndai, rai ti mung anhte gaw yubak matut galaw nga ga ai; na a kaba la ai sindawng kahtet ai lam madun dan nga ti mung, moi chyaloi nhkoi kaw na anhte gaw shut hpyit amu matut galaw saga ai.

SHARUNG SHAYAWT 3:32

Shi gaw anhte hpe yawn hkyen ai amu shapraw dan ti mung, anhte a matu shi a tsaw ra myit gaw kam ram ai hte n-gun ja nga ai.

HOSEA 2:19

Israela e, ngai gaw nang hpe nye a madu jan shatai na nngai; Ngai gaw teng man ai hte sadi dung nga na nngai; ngai gaw nang hpe dinggrin tsaw ra myit hte matsan dum ai myit madun nga na nngai nang hpe nye a matu htani htana shatai da na nngai.

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

MAHTE 7:11

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

ROMA 2:4

Shing n rai nang gaw shi a n taw n tsang ai matsan dum ai chyeju hpe mung, myit sharang ai hte myit galu kaba ai hpe mung, nang n kaw n law di da wu ni? Karai Kasang gaw nang hpe myit malai lu shangun na matu lam madun woi awn nga ai rai nna shi gaw matsan dum lama ai Madu rai nga ai lam kaja wa nang chye nga ndai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

EHPESU 2:4

Rai ti mung Karai Kasang gaw matsan dum ai myit grai law htam nna shi anhte hpe tsaw ra ai myit kaba la nga ai rai nna,

1 TIMOHTI 1:14

Anhte a Madu gaw shi a n taw n tsang re ai chyeju nye a ntsa e ru jaw bun ya nna Hkristu hte langai sha tai nna asak hkrung nga ai majaw anhte lu la ang ai makam masham hte tsaw ra ai myit ngai hpe jaw ni ai.