ESAIA 63:4 - Jinghpaw Common Language Bible 2009

⁴ Nye a amyu masha ni hpe hkye la na aten du nga sai; nye a gumlau hpyen ni hpe ari jaw na aten rai nga sai, ngu ngai daw dan ni ai.

Jinghpaw Hanson Version Bible

⁴ Kaning rai nme law, ngai matai dawp ai shani hpe ngai myit dum nna, ngai mawai la ai ni a shaning, du ra ai.

ESAIA 63:4 ပူးပေါင်းရင်းမြစ်များ

SHAKAWN KUNGDAWN 107:2

Shi a jaw e hkye hkrang la hkrum sai ni yawng hte gaw dai Madu hpe chyeju shakawn ai hta, dai ga ni hpe atsun nga mu.

ESAIA 1:24

Dai rai nna, ya chyawm gaw, Chyahtum Chyalai N-gun rawng ai dai Madu Israela a daru magam n-gun hte hpring ai Karai Kasang tsun nga ai ga hpe madat mu: “Nye a gumlau hpyen ni e, ngai nanhte hpe matai htang na we ai, nanhte gaw ngai hpe ru yak tsin-yam tsindam loi mi mung shabyin lu na myit dai n rai.

ESAIA 1:27

Dai Madu gaw ding man nga ai majaw, shi gaw Yerusalem hte dai mare na myit malai wa ai amyu masha hkum shagu hte hpe hkye hkrang la na ra ai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 13:9

Dai Madu a nhtoi du wa nga sai, dai nhtoi gaw pawt sindawng ai hte masin kahtet ai shi a gumshem ai nhtoi rai na rai nga ai. Ginding aga gaw nam mali tai mat nna yubak lu ai masha shagu jahten sharun kau hkrum na mara ai.

ESAIA 34:8

Ndai aten gaw dai Madu Ziun hpe hkye mawai la ai hte de a gumlau hpyen ni hpe matai htang ai aten rai na ra ai.

ESAIA 35:4

Myit daw nga ai masha shagu hte hpe, “N-gun shaja u, hkum hkrit et! Karai Kasang gaw nang hpe hkye mawai la na du sa nga ai, na a gumlau hpyen ni hpe ari jaw na matu du sa nga ai,” ngu nna tsun mu.

ESAIA 35:9

Hkanghkyi ni dai yang e nga na ma ai n rai; matse ai dusat ni dai lam hku lai na n rai. dai Madu a majaw hkye mawai la hkrum ai ni gaw dai lam hku nna nta de hkawm wa lu na mara ai.

ESAIA 47:3

Amyu masha ni gaw nang singgu krin rai nga ai hpe mu na mara ai; shanhte gaw nang shagrit kau hkrum ai hte kaya kahpa hkrum sai hpe mu na mara ai. Ngai matai dawk na nngai, kadai mung ngai hpe jahkring lu na n rai,” ngu nna tsun ai.

ESAIA 52:3

Tsaw Htum ai dai Madu gaw shi a amyu masha ni hpe, “Nanhte mayam tai nga myit dai shaloi, nanhte a matu gumhpraw manu n hkrat ra nga ai; dai hte maren, nanhte hpe shalawt dat na matu manu jahpu hkrat ra na ra ai n rai.

ESAIA 61:2

Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

YEREMIA 50:15

Mare grup yin yawng hkan e majan nsen sharawt mu! Ya chyawm gaw Babelon mung hkrat sum mat sai. Shi a mare bunghku ni daw agrawp mat nna run mat nu ai. Ngai gaw Babelon masha ni hpe matai dawp nga nngai majaw, nanhte mung matai dawp la mu, shanhte gaw kaga ni hpe di kau mu ai hte maren, shanhte hpe mung di mu.

YEREMIA 51:6

Babelon a shut hpyit ai yubak a majaw sat kau ai n hkrum myit ga, Babelon mung kaw nna hprawng mat wa mu! Ngai gaw shanhte hkam la ging ai ari hkam la na matu nye a matai hpe ya dawp na nngai.

EZEKELA 25:14

Nye a amyu masha Israela ni gaw Edom masha ni hpe nye a matu matai dawp ya na mara ai; shanhte gaw Edom masha ni hpe nye a masin kahtet ai hpe hkam sha shangun na mara ai. Edom gaw nye a matai dawp ai lam kaning re ai majaw rai nga ai hpe shanhte chye lu na mara ai,” ngu nna tsun wu ai. Tsaw Htum ai dai Madu tsun nu ai.

ZEHKARIA 3:8

Dai rai nna Hkinjawng Kaba rai nga ai Yawshu e, madat u, shi a hkinjawng manang ni e, nanhte gaw htawm hpang du na ra ai aten a matu mai kaja ai a kumla rai nga myit dai; ngai gaw nye a shangun ma rai nga ai Lakung ngu shaga hkrum ai wa hpe madun dan na nngai!

LUKA 21:22

Hpa majaw nga yang, Chyum Laika ni hta tsun da ai lam ni yawng mayawng dik wa lu na matu mara, ‘Jeyang daw dan nna ari jaw ai Nhtoi ni rai na ra ai.’

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.