ESAIA 63:3 - Jinghpaw Common Language Bible 2009

³ Dai Madu gaw, “Ngai gaw masha amyu baw ni hpe sabyi si ni hpe zawn kabye anut kau ni ai, kadai mung ngai hpe sa karum la ai n rai. Ngai gaw masin pawt ai hte shanhte hpe kabye mani kau nngai, shanhte a asai gaw nye a hpun palawng ni yawng hta numsha mat sai.

Jinghpaw Hanson Version Bible

³ Tsabyi si htumbyen hpe ngai hkrai kabye ni ai; amyu baw ni hta na, ngai hte lawm ai wa langai mi n nga ai; gaja wa, ngai pawt sindawng ai hte shanhte hpe kabye kau nna, nye a myit kahtet ai hte, shanhte hpe kabye anut kau mawe ai: shanhte a sai gaw nye a hpun nba hta gatsit kap nna, nye a hpun palawng yawng, ateng apang rai mat sai.

ESAIA 63:3 ပူးပေါင်းရင်းမြစ်များ

NINGPAWT NINGHPANG 49:11

Shi a lawze uram hpe kaja htum ai sabyi ru ni hte sabyi hpun ni hta dun da let, Sai zawn hkyeng ai sabyi ntsin hta Shi a hpun palawng ni hkrut wu ai.

2 HKAWHKAM 9:33

Yehu gaw shanhte hpe, “Shi hpe kabai jahkrat dat mu!,” ngu nna tsun wu ai. Shanhte mung kabai jahkrat dat mu ai rai nna shi a asai gaw nta shakum hta mung, gumra ni hta mung gamang hkra nga ai. Yehu gaw shi a gumra hte rau shi a mang ntsa hku gawt lai mat wa nhtawm,

YOBA 40:12

Rai sa, dai ni hpe mada yu nna shagrit kau u; n hkru ai ni hpe shanhte tsap nga ai shara hkan kabye agrawp kau u.

SHAKAWN KUNGDAWN 60:12

Karai Kasang anhte a hpang maga de tsap yang, anhte awng padang lu la na ga ai; shi gaw anhte a gumlau hpyen ni hpe shamyit kau na ra ai.

ESAIA 22:5

Ndai gaw Shingran Kadit hta dai Chyahtum Chyalai N-gun rawng ai Tsaw Htum ai dai Madu gaw kajawng kaja kaming kamawng rai hkrat sum ai hte shanut shanat re ai hpe anhte a ntsa e dat dat ya ai aten rai nga ai. Anhte a mare bunghku ni agrawp daw mat ai hte karum la na matu jahtau ai nsen gaw kawng ni a lapran e hpungtang kashaw nga ai.

ESAIA 25:10

Dai Madu gaw Ziun Bum hpe makawp maga na ra ai, rai ti mung Moba masha ni chyawm gaw yihku hpe ngahkyi hta kabye anyak kau ai zawn kabye anut kau ai hkrum na mara ai.

ESAIA 28:3

Chyaru ya ningbaw ni a gumrawng gumtawng lam gaw lagaw lahpan hte kabye anut kau ai hkrum na mara ai.

ESAIA 59:17

Shi gaw teng man rap ra ai tara ngu ai hpri palawng hpun nna hkye hkrang la ai daru magam n-gun ngu ai hpri gup chyawp chyawp na ra ai. Shi gaw amu ni hpe jaw hkra galaw na hte shut ai hku nni nkri hkam sha nga ai ni a matu ari jaw na hte matai htang na matu grai sharawng awng ai myit hte tinang hkum hta hpun da na ra ai.

ESAIA 63:6

Nye a masin kahtet ai hta, ngai gaw masha amyu baw ting hpe kabye anut kau ai hte shanhte hpe gamang ayai kau ni ai. Ngai gaw shanhte a asak sai hpe ga ntsa e ru kau ni ai,” ngu nna tsun ai.

SHARUNG SHAYAWT 1:15

“Madu gaw nye a n-gun ja htum ai hpyenla ni yawng hpe mani nga ai; Shi gaw nye a shabrang ni hpe shamyit kau na matu hpyen luksuk shangun dat nga ai. Shi gaw nye a amyu masha ni hpe sabyi htumbyen kata na sabyi si ni hpe zawn kabye agrawp kau nu ai.

YOELA 3:13

Shanhte gaw grai wa n hkru nga ma ai; mam shu la ai aten na nsi naisi zawn shanhte hpe gadoi la mu ai; sabyi ntsin kabrat mat ai aten du hkra, sabyi si ni hpe sabyi htumbyen hta hpring hkra kabye mu ai zawn shanhte hpe kabye agrawp kau u.”

MIHKA 7:10

Dai hpang, anhte a gumlau hpyen ni dai lam hpe mu wa nna kaya kahpa hkrum wa na mara ai. Dai gumlau hpyen ni gaw anhte hpe, “Na a Madu Karai Kasang kanang nga nga lit ta?,” nga nna san ashu ai ni gaw lam ka-ang na hkumpup zawn kabye hkrum ai hte sum kadawng mat ai hpe anhte mu lu na ga ai.

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

MALAHKI 4:3

Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.