ESAIA 63:2 - Jinghpaw Common Language Bible 2009

² “Shi a hpun palawng gaw sabyi ntsin galaw na matu sabyi si ni hpe kabye ai masha wa a hpun nba zawn hpa majaw grai hkyeng nga a ni?”

Jinghpaw Hanson Version Bible

² Na a hpun palawng hpa majaw hkyeng a ta? Na hpun nba gaw, tsabyi si kabye ai wa a hpun nba hte, hpa majaw bung a ta?

ESAIA 63:2 ပူးပေါင်းရင်းမြစ်များ

NINGPAWT NINGHPANG 49:11

Shi a lawze uram hpe kaja htum ai sabyi ru ni hte sabyi hpun ni hta dun da let, Sai zawn hkyeng ai sabyi ntsin hta Shi a hpun palawng ni hkrut wu ai.

ESAIA 59:17

Shi gaw teng man rap ra ai tara ngu ai hpri palawng hpun nna hkye hkrang la ai daru magam n-gun ngu ai hpri gup chyawp chyawp na ra ai. Shi gaw amu ni hpe jaw hkra galaw na hte shut ai hku nni nkri hkam sha nga ai ni a matu ari jaw na hte matai htang na matu grai sharawng awng ai myit hte tinang hkum hta hpun da na ra ai.

ESAIA 63:1

Edom mung Bozra mare kaw na du sa wa ai ndai wa gaw kadai rai nga a ni? Hkyeng ai hpun palawng hte grai hkik hkam hkra hpun nna daru magam n-gun hte n-gun atsam hte hkawm sa wa ai ndai wa gaw kadai rai nga a ni? Dai gaw hkye hkrang la na daru magam n-gun hte shi a awng padang hpe tsun shabra na matu du sa nga ai dai Madu rai nga ai.

EZEKELA 35:6

Dai re ai majaw, Tsaw Htum ai dai Madu ngai gaw teng teng ahkrung nga ai Karai Kasang rai nga nngai, dai majaw si hkrung si htan gaw na a hpang jahtum na maka rai nga ai hte dai kaw na nang hprawng lawt lu na ndai n rai. Nang gaw masha sat ai mara lu nga ndai majaw, dai gaw nang hpe hkan shachyut na ra ai.

SHINGRAN 14:19

Dai rai nna, dai lamu kasa gaw ga ntsa de shi a nhkyau hpe ningwat dat nna sabyi ru kaw na sabyi si ni hpe dan shinggyin la nhtawm, Karai Kasang a pawt bu ai ngu ai sabyi htumbyen kaba hta ru bang da wu ai;

SHINGRAN 19:13

Asai galwi tawn ai palawng shi bu hpun nna, shi a mying gaw, “Karai Kasang a Mungga,” nga nna mying nga ai.

SHINGRAN 19:15

Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.