ESAIA 63:1 - Jinghpaw Common Language Bible 2009

¹ Edom mung Bozra mare kaw na du sa wa ai ndai wa gaw kadai rai nga a ni? Hkyeng ai hpun palawng hte grai hkik hkam hkra hpun nna daru magam n-gun hte n-gun atsam hte hkawm sa wa ai ndai wa gaw kadai rai nga a ni? Dai gaw hkye hkrang la na daru magam n-gun hte shi a awng padang hpe tsun shabra na matu du sa nga ai dai Madu rai nga ai.

Jinghpaw Hanson Version Bible

¹ Reng htum ai hpun palawng bu hpun nna, daru magam hpung hte nawt hkawm let, Edom mung hte Bozra mare kaw nna, ahkyeng nsan ai hpun palawng hte sa du ai wa gaw, kadai wa rai ta? Dinghpring ai mungga tsun nna, hkye hkrang la na matu n-gun atsam rawng ai, ngai nan wa rai nga nngai.

ESAIA 63:1 ပူးပေါင်းရင်းမြစ်များ

NINGPAWT NINGHPANG 49:11

Shi a lawze uram hpe kaja htum ai sabyi ru ni hte sabyi hpun ni hta dun da let, Sai zawn hkyeng ai sabyi ntsin hta Shi a hpun palawng ni hkrut wu ai.

SHAKAWN KUNGDAWN 108:13

Karai Kasang anhte a hpang maga de tsap yang, anhte awng padang lu la na ga ai; shi gaw anhte a gumlau hpyen ni hpe shamyit kau na ra ai.

SHAKAWN KUNGDAWN 137:7

Madu e, Yerusalem mare hpe dang la ai shani, Edom amyu masha ni galaw ai amu ni hpe dum nga u; “Ndai mare hpe ga du hkra run kau gaw!,” nga nna shanhte tsun ai ga ni hpe adum nga u.

SHAKAWN KUNGDAWN 65:6

Na a n-gun atsam hte bum hpe shi a shara ni hta de da nna; na a chyahtum chyalai daru magam n-gun hpe madun dan nga ai.

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

Shawlumon A Mahkawn Ga 6:10

Jahpawt manap nhtoi zawn praw rai mada yu ai gaw kadai wa rai ta? Shi gaw jan shata zawn htoi tu nga ai rai nna tsawm htap ai hte kabrim nga ai.

Shawlumon A Mahkawn Ga 8:5

Shi tsaw ra ai wa hte lahpum hte lahpum jum let nam mali de na pru wa ai num gaw kadai rai ta? Nang shangai wa ai shara ngu ai ja magaw si hpun nhpang e ngai nang hpe jasu ni ai.

ESAIA 11:14

Shanhte gaw sinna maga de nga ai Hpilisti masha ni hpe jawm gasat na mara ai, sinpraw maga de nga ai masha ni a sut gan hpe kashun la na mara ai. Shan gaw Edom hte Moba mung masha ni hpe gasat dang kau na mara ai, Amon masha ni gaw shan a ga hpe madat mara na mara ai.

ESAIA 34:1

Masha amyu baw ni yawng a masha ni e, sa marit! Jawm hpawng nna madat mu. Ginding aga hte dai hta shanu nga ai masha shagu hte gaw ndai de sa nna madat la mu ga.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 42:3

Shi gaw magaw ai mai-aw hpe shadaw na n rai, kachyi mi sha tu ai wan kawk hpe gawut sat na n rai. Shi gaw agrin nga ai teng man rap ra ai tara hpe yawng mayawng a man e shapraw dan na ra ai.

ESAIA 45:19

Ngai gaw machyi shim ai hku n tsun yu nngai, nye a yaw shada ai lam hpe makoi magap n galaw yu nngai. Katsi katsang re ai shara hta ngai hpe tam na matu, Israela amyu masha ni hpe ngai n lajin yu nngai. Ngai gaw dai Madu rai nga nngai, ngai gaw teng man ai ga hpe tsun nngai; Teng man ai amu hpe ngai chye shangun nngai.”

ESAIA 45:23

Nye a ga sadi gaw teng nga ai, dai gaw galai shai lu ai n rai. Ngai wa rai nga nngai majaw lam shagu hpe ga sadi hte dagam shaka nngai: Masha shagu gaw nye a man de sa du nna hput di di ai hte ngai hta sadi dung nga na matu dagam na mara ai.

ESAIA 9:5

Shang gasat ai luksuk a hpyen hkyepdin ni hte shanhte a sai galu ai hpun nba ni yawng, wan hte jahten kau hkrum na mara ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

YEREMIA 48:24

Keriot hte Bozra ni a ntsa e tara jeyang ai gaw du ra ai. Ni ai tsan ai Moba mare ni mahkra a ntsa e mung tara jeyang ai gaw du sai.

YEREMIA 49:13

Bozra mare gaw yu hkrit hpa shara hte shingran sharat katsi ai shara tai mat na ra ai; masha ni gaw dai mare hpe ashu kau nna, dai mare a mying hpe dagam dala ga zawn tsun na mara ai. Dai mare hte ni nawn ai kahtawng ni yawng mung htani htana shaza kau hkrum na mara ai, ngu nna ngai hkum nan dagam da se ai. Dai Madu ngai nan tsun ni ai.”

EZEKELA 25:12

Tsaw Htum ai dai Madu gaw, “Edom masha ni Yuda amyu masha ni hpe gumshem ai hku matai htang ma ai; dai zawn matai htang ai gaw Edom a ntsa e mara jung nga ai.

EZEKELA 35:1

Dai Madu gaw ngai hpe ga shaga wu ai.

EZEKELA 38:17

Dai aten du ai shaloi, Israela hpe htim gasat na matu, amyu langai mi hpe ngai shangun dat na ngu nna nye a shangun ma ni rai nga ai Israela myihtoi ni hpe moi prat kaw na ngai tsun ndau da nga sai shingran gaw, nang nan rai nga ndai.” Tsaw Htum ai dai Madu nan tsun nu ai.

OBEDIA 1:1

Ndai gaw Tsaw Htum ai Madu, Edom masha ni hte seng nna tsun ai Obadia a myihtoi ga rai nga ai. Dai Madu gaw masha amyu baw ni hpang de shi a kasa hpe shangun dat wu ai rai nna, anhte gaw ning nga tsun ai shi a mungga hpe na saga ai: “Jin jin rai nga mu! Edom hpe majan gasat na matu rawt sa saga!.”

OBEDIA 1:9

Teman a majan share ninghkrin ni hkrit gari mat na mara ai, Edom mung na hpyenla shagu sat kau hkrum na mara ai.

ZEHPANI 3:17

Dai Madu nanhte a Karai Kasang gaw nanhte hte rau anga nga ai; shi a daru magam n-gun gaw nanhte hpe awng padang jaw ya nga ai. Dai Madu gaw nanhte hpe awng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shi gaw lusha poi hta shang lawm nga ai masha ni kabu gara nga ma ai zawn,

MALAHKI 1:2

Dai Madu gaw shi a amyu masha ni hpe, “Ngai nanhte hpe tut nawng tsaw ra nga ni ai,” ngu nna tsun wu ai. Rai ti mung, shanhte gaw, “Anhte hpe na a tsaw ra myit gara hku madun yu nit ni?,” ngu nna bai htang tsun ma ai. Dai Madu gaw, “Esaw yan Yaku gaw kahpu kanau yan rai ma ai, rai ti mung ngai gaw Yaku hte shi a matu mara ni hpe mahtang tsaw ra ni ai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

MAHTE 21:10

Yerusalem mare hta shang bang wa yang, mare ting kabring kabrawng rai wa nna, “Ndai wa gaw kadai rai nga a ta?,” nga nna san shajang ma ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.

SHINGRAN 19:13

Asai galwi tawn ai palawng shi bu hpun nna, shi a mying gaw, “Karai Kasang a Mungga,” nga nna mying nga ai.