ESAIA 61:7 - Jinghpaw Common Language Bible 2009

⁷ Na a kaya kahpa hte arawng hpoi hkrum ai gaw htum mat nga sai. Nang gaw na a mungdan hta nan nga lu na rai ndai, Na a sut gan gaw htam lahkawng law jat wa nna; Na a kabu gara ai gaw htani htana agrin nga na ra ai.

Jinghpaw Hanson Version Bible

⁷ Nanhte kaya kahpa hkrum ai a malai, akyu htam lahkawng lu la nna, arawng hpoi hkrum ai a malai, shanhte a kumhtaw hta kabu gara lu na myit dai: dai rai nna shanhte gaw tinang a mung hta akyu htam lahkawng lu la nna, htani htana kabu gara ai hkrum na mara ai.

ESAIA 61:7 ပူးပေါင်းရင်းမြစ်များ

2 HKAWHKAM 2:9

Dai yang e Elia gaw Elisha hpe, “Ngai woi la ai garai n hkrum yang, na a matu ngai hpa galaw ya ra ai lam ngai hpe tsun dan e,” ngu nna tsun wu ai. Shaloi Elisha gaw, “Ngai hpe na a hkringhtawng dagraw la shangun nhtawm nang hta rawng ai wenyi daru magam n-gun kamhtaw htam lahkawng ngai hpe lu la shangun e law,” ngu nna htan wu ai.

YOBA 42:10

Yoba gaw shi a manang marai masum a matu akyu hpyi ngut jang, dai Madu gaw shi shawng e lu malu mahkra hta htam lahkawng bai jat ya let shi hpe bai ngamu ngamai shangun wu ai.

SHAKAWN KUNGDAWN 126:5

Shanhte a nsi naisi ni hpe myi prwi hte gat hkai ai ni gaw kabu gara ai hte bai shu la lu mu ga!

SHAKAWN KUNGDAWN 16:11

Nang gaw ngai hpe asak hkrung ai lam de woi sa ai lam madun dan na rai ndai; na hpung shingkang gaw ngai hpe kabu gara ai myit hte jahpring ya nna, sharawng awng ai lam htani htana jaw ya nga ai.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

ESAIA 40:2

Yerusalem amyu masha ni hpe n-gun jaw mu. Shanhte aten galu mi hkrum sha lai wa sai nni nkri hte ya raw dat hkrum sai shanhte a yubak mara ni a lam shanhte hpe tsun dan mu. Ngai gaw shanhte hpe shanhte galaw ai yubak mara yawng a matu hpring tup hkra ari jaw ni ai,” ngu nna tsun ai.

ESAIA 51:11

Nang hkye mawai da sai ni gaw Yerusalem de kabu gara ai hte du dep nna, mahkawn mangoi ai hte kabu gara jahtau garu na mara ai. Shanhte gaw htani htana kabu gara ai hte yawn hkyen ai hte madai sharung ai kaw na htani htana lawt lu na mara ai.

ESAIA 54:4

Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

ESAIA 60:15

“Nang gaw galoi mung kau da nna n dawng ai hkrum sana n rai, Shagram kau da ai mare, katsi katsang mare tai sana n rai. Ngai gaw nang hpe galu kaba ai hte tsawm htap shangun na nngai, Htani htana prat dingsa kabu gara ai shara shatai na nngai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 65:13

Dai re ai majaw, ngai hpe nawku ai ni hte nye a ga madat mara ai ni gaw nhpaw n-ya lu lu lu sha na mara ai, rai ti mung nang gaw kawsi kyet ai hte hpang gara ai hkrum na ndai. Shanhte gaw kabu gara lu na mara ai, rai ti mung nang chyawm gaw sari jahpoi hkrum na rai ndai, ngu ngai nang hpe tsun nngai.

ZEHPANI 3:19

Aten gaw du wa nga sai! Ngai gaw nanhte hpe dip gamyet sha ai ni hpe ari jaw na nngai; daw hten ai masha ni yawng hpe ngai mawai la na nngai, bawng dung hkrum nga ai ni yawng hpe dum nta de woi wa na nngai. Ngai gaw shanhte a kaya kahpa hpe shagrau sha-a ai hku bai jaw ya na nngai, mungkan ga yawng gaw shanhte hpe shakawn na mara ai.

ZEHKARIA 8:12

Shanhte gaw ngwi pyaw sim sa ai hte nsi naisi gat hkai lu na mara ai; shanhte a sabyi ru ni hta asi si wa na mara ai; lamu ga mung nsi naisi shatut ya nna dai yang e marang law nga na ra ai. Dai rai nna naw hkrung nga ai nye a amyu masha ni hpe ndai shaman chyeju yawng ngai jaw na mawe ai.

ZEHKARIA 9:12

Ya aten myit mada shara nga sai bawng dung masha ni e, nhtang wa marit; shim lum ai nanhte a shara de nhtang wa marit. Ya chyawm gaw, ngai nanhte hpe tsun made ga, nanhte hkrum sha manit dai nni nkri yawng a matu chyeju htam lahkawng bai htang jaw na made ai.

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

TARA JAHPRANG 21:17

Shi tsaw ra ai madu jan a kasha n rai nga ti mung, shawng na shi a shadang sha alat hpe mahtang tara shang kasha rai nga ai majaw shi hpe sali wunli htam lahkawng jaw nhtawm kasha alat hku yin la lu na rai wu ai.

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,