ESAIA 61:10 - Jinghpaw Common Language Bible 2009

¹⁰ Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

Jinghpaw Hanson Version Bible

¹⁰ Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 61:10 ပူးပေါင်းရင်းမြစ်များ

NINGPAWT NINGHPANG 24:53

Dai hpang hpun palawng ni hpe shi la shapraw nhtawm aja, gumhpraw sumli arai ni hte hpawn Rebeka hpe jaw wu ai. Shi a kanu yan kayung hpe mung manu dan ai kumhpaw kumhpa ni jaw ya wu ai.

2 HKAWHKAM LABAU 6:41

Madu Karai Kasang e ya rawt u; Ga Shaka Sumpu hte na a daru magam n-gun ndai Nawku Htingnu de shang nna dai yang e htani htana a shanu nga nu ga law. Na a hkinjawng ni galaw ai amu magup hpe shaman ya u law: na a mai kaja ai chyeju a majaw na a amyu masha ni yawng kabu gara lu mu ga law.

NEHEMIA 8:10

Ya chyawm gaw, dum nta de nhtang wa nna mu mai ai lusha sha manu. Alaw alam n lu ai ni hpe nanhte a malu masha hte sabyi ntsin ni karan jaw mu. Dai ni gaw anhte a Madu a matu chyoi pra ai shani rai nga ai, dai rai nna hkum yawn nga myit. Dai Madu nanhte hpe jaw ai kabu gara lam gaw nanhte hpe n-gun ja shangun na ra ai,” ngu nna tsun ma ai.

YOBA 29:14

Ngai gaw tut nawng rap ra ai tara hte amu galaw nngai.

SHAKAWN KUNGDAWN 132:16

Dai mare na hkinjawng ni galaw ai lam shagu hpe mung, ngai shaman ya na nngai; shing rai, dai mare na amyu masha ni mahkawn mangoi ai hte kabu gara jahtau garu wa na mara ai.

SHAKAWN KUNGDAWN 132:9

Na a hkinjawng ni gaw teng man ai lam hpe tut nawng hkan galaw nga mu ga; na a amyu masha ni mung kabu gara jahtau garu nga mu ga!

SHAKAWN KUNGDAWN 28:7

Dai Madu gaw ngai hpe makawp maga ai hte ninggang tai ya nga ai; ngai shi hpe kam hpa nga nngai. Shi gaw ngai hpe karum la ai lam jaw ya ai hte ngai hpe kabu gara shangun nga ai; Ngai shi hpe kabu gara ai mahkawn ga ni hte shakawn nga nngai.

SHAKAWN KUNGDAWN 35:9

Shaloi, dai Madu a majaw ngai kabu gara ai hkrum na nngai; shi ngai hpe hkye hkrang la ni ai majaw ngai kabu gara ai hkrum na nngai.

Shawlumon A Mahkawn Ga 1:10

Na a shabyi hta noi abya da ai kara gaw yu tsawm nga ai; dai gaw ja lung seng ni zawn na a du hta gali da nga ai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 17:10

Israela e, nang gaw nang hpe hkye mawai la ai hte ja ai lunghkrung zawn nang hpe makawp maga ai Karai Kasang hpe malap kau nga nit dai. Shing rai na malai, nang gaw maigan karai hpe nawku na nga, chyoi pra ai sun ni hpe hkai da nga ndai.

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

ESAIA 48:18

“Nye a hkang da ai ga hpe nang madat mara nga ai rai yang chyu sha, galoi mung n hkyet mat chye ai hka shi hka zawn, shaman chyeju gaw na a matu lwi hkrat wa na ra ai. Awng padang gaw panglai hkin-gau de hkaleng ni katsu taleng lung wa ai zawn nang hta dan pru wa na ra ai.

ESAIA 49:18

Grup yin de mada yu nna hpa byin nga ai hpe yu u! Na a amyu masha ni gaw zup hpawng nga ma ai, shanhte gaw dum nta de wa nga ma ai! Ngai gaw ahkrung nga ai Karai Kasang rai nga ai hte maren, num nnan gaw shi mawn sumli da ai ja lung seng ni a majaw gumrawng lu ai zawn nang mung na a amyu masha ni a majaw gumrawng lu na rai ndai.

ESAIA 49:4

Ngai gaw, “Ngai amu galaw ni ai, rai ti mung dai gaw kade sha myit mada shara n nga nga a hka! Ngai gaw n-gun htum hkra shakut ni ai, rai ti mung hpa mung n shangut lu nngai,” ngu nna tsun nngai. Ti mung nye a lam hpe makawp maga na matu, dai Madu hpe ngai kam lu nngai; shi gaw ngai galaw ai amu a matu ngai hpe shabrai jaw na ra ai.

ESAIA 51:11

Nang hkye mawai da sai ni gaw Yerusalem de kabu gara ai hte du dep nna, mahkawn mangoi ai hte kabu gara jahtau garu na mara ai. Shanhte gaw htani htana kabu gara ai hte yawn hkyen ai hte madai sharung ai kaw na htani htana lawt lu na mara ai.

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

ESAIA 56:7

“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

ESAIA 58:14

ngai hpe daw jau nga ai kaw na pru wa ai kabu gara ai lam nang mu lu na rai ndai. Ngai gaw nang hpe mungkan ting hta shagrau sha-a hkrum shangun na nngai, na a nji nwa Yaku hpe ngai jaw sai mungdan hta nang kabu gara lu na rai ndai. Dai Madu ngai nan tsun ni ai,” ngu nna tsun ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

ESAIA 65:18

Ngai hpan da ai lam hta htani htana kabu gara awng sharawng nga mu. Ngai hpan ai Yerusalem ningnan gaw kabu gara ai hte hpring nga na ra ai, dai hta shanu nga ai amyu masha ni mung kabu gara lu na mara ai.

YEREMIA 2:32

Numsha mahkawn gaw shi a ja rai, num nnan gaw shi a hkungran hpun palawng hpe malap da mai nga a ni? Rai ti mung, nye a amyu masha ni chyawm gaw ngai hpe malap kau ai nhtoi ni n dang hti hkra law nga sai.

EZEKELA 42:14

Hkinjawng ni Nawku Htingnu kata nga ai hte wang shinggan de pru hkawm sa mayu ai shaloi, dai Madu a matu daw jau yang lang ai chyoi pra ai hpun palawng ni hpe dai gawk ni hta galai da ra nga ma ai. Shanhte gaw masha hpawng de ai shara de garai n pru sa yang, kaga hpun palawng ni hpe hpun la ra nga ma ai,” ngu nna tsun ai.

HABAKU 3:18

ngai gaw naw kabu gara ai hte kabu sharawng nga na nngai, hpa majaw nga yang Madu Karai Kasang gaw nye a hkye la madu rai nga ai.

ZEHKARIA 10:7

Israela amyu masha ni gaw hpyenla ni zawn n-gun ja wa nna, sabyi ntsin lu lu sai ni zawn kabu gara na mara ai. Shanhte a amyu matu mara ni gaw ndai awng padang hpe dum wa na mara ai dai Madu galaw nu ai amu a majaw kabu gara lu na mara ai.

ZEHKARIA 3:5

Shi gaw Yawshu a baw hta san seng ai bunghkaw hkaw ya na matu ali ama ni hpe hkang dat wu ai. Shanhte mung hkang dat ai hte maren galaw ya ma ai, dai hpang dai Madu a lamu kasa dai yang e tsap nga yang, shanhte shi hpe bu hpun palawng nnan jahpun ya ma ai.

LUKA 15:22

Rai ti mung kawa gaw, shi a shangun ma ni hpe shaga nna, ‘Reng htum ai hpun palawng alawan la sa nna shi hpe jahpun ya maru; shi a lata hta lachyawp chyawp ya maru; lagaw hta kyepdin din ya maru,

ROMA 13:14

Dai hta n ga Madu Yesu Hkristu hpe hpyen hking zawn bu hpun dagraw nga mu; hkum shan a myit marin ai hta myit lawm myit shadik la ai lam ni hpe jahkring kau mu.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 5:11

Dai hta n ga ya anhte hpe Karai Kasang hte htinglu htinglai nna jinghku tai shangun ai Madu Yesu Hkristu a marang e Karai Kasang anhte hta galaw dan sai amu a majaw anhte kabu gumrawng nga ga ai.

GALATI 3:27

Nanhte gaw Hkristu hte langai sha tai na matu hkalup hkam la manit dai rai nna Hkristu hpe bu hpun sumraw nga myit dai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.

SHINGRAN 21:9

Shaloi, hpang jahtum na ari zinli ni hte hpring chyat re ai gawm lang ai lamu kasa sanit hta na langai mi ngai kaw sa du nna, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga nna ngai hpe tsun ai.

SHINGRAN 4:4

Dai tingnyang a grup yin e, tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, ja janmau ni gup ai salang hkun mali grup rai dung nga ma ai.

1 SAMUELA 2:1

Hana gaw ning ngu akyu hpyi wu ai: “Dai Madu gaw nye a myit masin hpe kabu gara ai lam hte jahpring ya nu ai; shi galaw dan sai amu a majaw ngai kade sha kabu gara nga n hka! Ngai gaw nye a gumlau hpyen ni hpe mani nngai; Karai Kasang ngai hpe karum la nga sai majaw ngai kade sha kabu pyaw nga n hka!